NƐHƖMAAYA 12:27 - WƖA TENIŊ

²⁷ Bʋa-la ba sɩɩ chɛ dɩ ba joŋ Jerusalɛm jebii-la a hɛ La TƖƖNA nɩsɩŋ lɛ, ba yɩrɛ Levi doho nɩaa ba lɩɩ Juda sɛmɛ na-kala nɛ dɩ ba kʋ gbieli arɩ tʋɔtɔrʋŋ a yɩɩ yɩɩlaa a chɩgɩsɛ buguloo, a du chenniŋ arɩ kɔnɛba a dɛnnɛ La TƖƖNA.

NƐHƖMAAYA 12:27 ပူးပေါင်းရင်းမြစ်များ

2 SAMƲƐL 6:12

Ŋɩɩ nɛ ba bʋla pɩ kuoro Devit, “La TƖƖNA pɛ Ɔbɛd-Ɛdɔm arɩ ʋ dɩa nɩaa arɩ kʋŋ na-kala ʋ sɩ kɛnɛ lɛ nɛ woruŋ, a tɩŋ Wɩa niiriŋ daga-la sɩ hɛ ʋ dɩa lɛ wɩaa.” Ŋɩɩ nɛ Devit mʋ joŋ Wɩa niiriŋ daga-la Ɔbɛd-Ɛdɔm dɩa lɛ, a kaa kʋkɔ Jerusalɛm, aŋ ka ba chaasa gbigbieli.

1 KUOROO 8:63

Solomoŋ kpʋ nɛ-belliŋ bʋɩ mara arɩ balɩa nɛ, piesee arɩ bʋʋnaa ma bʋɩ zɔlɔ arɩ mara a ŋaa nii-magɛ dɔŋɔ Wɩɩsʋlʋŋ. Ŋɩɩ nɛ Solomoŋ arɩ Iziral tɩŋŋaa kala joŋ La TƖƖNA dɩɩ-bal-la a hɛ ʋ nɩsɩŋ lɛ.

1 IZIRAL TƖŊŊAA NAABARƖŊ 13:8

Ŋɩɩ nɛ Devit arɩ Iziral tɩmma-la kala sɩ hɛ nɩmɛ, faasa jʋjʋɔsɛ arɩ ba doluŋ kala Wɩa sɩpaaŋ, a yɩɩ yɩɩlaa a du chenniŋ, kɔnɛba, aa chɩchɩgɩsɛ chɩnchɩgɩsɩŋ, buguloo, a ŋmʋŋmʋʋ nyilliŋ ma.

1 IZIRAL TƖŊŊAA NAABARƖŊ 15:12

Ʋ bʋla pɩba, “Ma nɛ ŋaa Levi doho nɩaa dɩa dɩa kʋhɩasɩŋ, ma dɩ ma Levi doho nɩaa dɔnsʋŋ kala maga dɩ má pɩɩsɛ ma tɩtɩa ta, aŋ mʋ joŋ La TƖƖNA, Iziral tɩŋŋaa Wɩa niiriŋ daga-la a kaa mʋ lee-la mɩ sɩ wasa bil ʋ lɛ.

1 IZIRAL TƖŊŊAA NAABARƖŊ 15:16

Ŋɩɩ nɛ Devit bʋla pɩ Levi doho nɩaa sɩpaalaaraa dɩ ba lɩɩsɛ ba naambiiriŋ dɔnsʋŋ dɩ ba du kɔnɛba, chenniŋ, a chɩgɩsɛ buguloo a yɩɩ tʋɔtɔrɛ yɩɩlaa a hɛ.

1 IZIRAL TƖŊŊAA NAABARƖŊ 15:28

Ŋɩɩ nɛ Iziral tɩŋŋaa kala kɛŋ La TƖƖNA niiriŋ daga-la kʋʋ jʋʋ Jerusalɛm a ŋɩŋaa goŋ arɩ tʋɔtɔrʋŋ aŋ ŋmʋŋmʋʋ nyilliŋ, a chɩchɩgɩsɛ buguloo, a dudu kɔnɛba arɩ chenniŋ.

1 IZIRAL TƖŊŊAA NAABARƖŊ 15:4

Ŋɩɩ nɛ ʋ yɩrɛ Arɔŋ doho nɩaa arɩ Levi doho nɩaa.

1 IZIRAL TƖŊŊAA NAABARƖŊ 16:42

Hemaŋ arɩ Jedutuŋ nɛ faa ŋmʋʋ nyilliŋ, a chɩchɩgɩsɛ buguloo a dudu gugonnu-la dɔnsʋŋ dɩ ba nɩɩ yɩɩ yɩɩlaa. Jedutuŋ hambolibiisiŋ nɛ faa pɔ boiŋ niiŋ.

1 IZIRAL TƖŊŊAA NAABARƖŊ 16:5

Asaf nɛ fa ŋaa nɩalɩŋ ʋ sɩ lɩɩsa kʋhɩaŋ, Zɛkarɩya tɩtɩgɛ. Ba harɩŋ nɩaa ma nɛ ŋ-la: Jɛyɛl, Sɛmɩramɔf, Jɛhɩɛl, Matɩtɩa, Ɛlɩab, Bɛnaaya, Ɔbɛd-Ɛdɔm arɩ Jɛyɛl. Ba nɛ faa du kɔnɛba arɩ chenniŋ, ka Asaf ma chɩchɩgɩsɛ buguloo.

1 IZIRAL TƖŊŊAA NAABARƖŊ 23:5

Nɩaa bʋɩ banɛsɛ ma jaŋ pʋpɔ Wɩa dɩɩ-bal-la boi baalaa, dɩ nɩaa bʋɩ banɛsɛ ma du kʋduulo-la mɩ sɩ chɛ bil dɩ ba kaa dɩdɛnnɛ La TƖƖNA.”

1 IZIRAL TƖŊŊAA NAABARƖŊ 26:31

Jɛrɩa nɛ fa ŋaa Hɛbʋrɔŋ doho nɩaa sɩpaalaara. Devit sɩ dii kuoruŋ, ʋ jɩsɩŋ mahɩŋ balɩa lɛ, ba beŋ Hɛbʋrɔŋ doho nɩaa wɩaa ba sɩ ŋmʋnsa bil tʋɔŋ a na dɩ ba nɩduoruŋ dɔnsʋŋ hɛ Jaza sɩ hɛ Gɩlɩad tinteeŋ lɛ.

2 IZIRAL TƖŊŊAA NAABARƖŊ 29:25

Hezikaaya leŋ Levi doho nɩalɩŋ gɔllɔ chɩŋ ba dɩchɩnaa La TƖƖNA dɩɩ-balɩŋ lɛ, a kori buguloo, chenniŋ arɩ kɔnɛba, arɩ La TƖƖNA fa sɩ to ʋ wʋlaabʋllaa Gad arɩ Netaŋ lɛ a dagɛ ŋɩɩ pɩ kuoro Devit.

2 IZIRAL TƖŊŊAA NAABARƖŊ 29:30

Kuoro Hezikaaya arɩ ʋ tɩntɩnnɩ-hɩasɩŋ bʋla pɩ Levi doho nɩalɩŋ dɩ ba yɩɩ yɩɩl-la Devit arɩ Asaf Wɩa wʋlaabʋllʋ-la fa sɩ ŋmʋnsa bil a dɛnnɛ La TƖƖNA. Ŋɩɩ nɛ ba yɩɩ yɩɩlaa arɩ tʋɔtɔrʋŋ a tuu kpirime chʋɔlɛ Wɩa.

2 IZIRAL TƖŊŊAA NAABARƖŊ 5:13

Ŋɩɩ nɛ nɩalɩŋ sɩɩ ŋmʋʋ nyilli-la arɩ yɩɩlɩ yɩɩra-la, kalenleŋ-duuroo, kɔnɩ-duuro arɩ cheŋ-duuro faasa yɩɩ yɩɩlaa hɛ dɔŋɔ a dɩdɛnnɛ La TƖƖNA aŋ pɛ lɔllʋ a bʋl, “La TƖƖNA wɩaa zɔmɔ, ʋ chonuŋ bɩ dɛrɛ.” Ŋɩɩ nɛ duoŋ-bɩlɩmbaanɩŋ kʋ tɔ La TƖƖNA dɩɩ-bal-la,

2 IZIRAL TƖŊŊAA NAABARƖŊ 7:6

Wɩɩsʋllɩ sɩpaalaaraa chɩŋ lee-la sɩ maga dɩ ba chɩŋ, Levi doho nɩaa ma chɩŋ ba dɩchɩnɩŋ a kori ba kʋduulo-la kuoro Devit fa sɩ ŋaa dɩ ba kaa dɩdɛnnɛ La TƖƖNA. Ba yie du kɩalɩŋ a dɛnnɛ La TƖƖNA a bʋl, “Ʋ chonuŋ bɩ dɛrɛ.” Wɩɩsʋllɩ sɩpaalaaraa ma yie chɩna chaasɛ Levi doho nɩalɩŋ a ŋmʋŋmʋʋ nyilliŋ, ka Iziral tɩŋŋaa kala chɩŋ.

ƐZƖRA 6:16

Ŋɩɩ nɛ Iziral tɩŋŋaa, Wɩɩsʋllɩ sɩpaalaaraa, Levi doho nɩaa arɩ nɩkaana-la kala sɩ lɩɩ yoŋ-baga kɔ, kala gbieli arɩ tʋɔtɔrʋŋ a joŋ Wɩa dɩa-la hɛ Wɩa nɩsɩŋ lɛ.

NƐHƖMAAYA 11:20

Iziral tɩŋŋaa nɩkaana-la, a pɛ Wɩɩsʋllɩ sɩpaalaaraa arɩ Levi doho nɩaa fa hɔŋ ba tɩtɩa ba tinteyee lɛ nɛ Juda tasɩŋ lɛ.

NƐHƖMAAYA 12:43

Tapʋlɩɩ-la ba kpʋ kɩaa yʋgɛ nɛ woruŋ a ŋaa Wɩɩsʋlʋŋ, aŋ jʋjʋɔsɛ, bɛɛ wɩaa Wɩa leŋe ba tʋɔŋ faasa tɔrɛ nɛ. Haalaa arɩ hambiisiŋ kala nɛ faa jʋɔsʋ. Dɩ ŋ nɛ paala hɛ dɩ-bolii ma, ŋ jaŋ wuo nɩɩ nɩaa sɩ jʋɔsa a ŋɩŋaa goŋ Jerusalɛm lɛ.

NƐHƖMAAYA 8:17

Nɩalɩŋ kala fa sɩ mɩɩra lɩɩ yoŋ-baga kɔ hɛ lɛŋŋɛɛ a jʋjʋʋ. A lɩɩ bʋa-la lɛ Nuŋ nanʋala Josua fa sɩ hɛ nɩmɛ a kaa kɔ tapʋlɩɩ-la, Iziral tɩŋŋaa fa bɩ gbiele-la ŋɩɩ gbiele. Ba tʋɔŋ fa chaasa tɔrɛ nɛ woruŋ.

WƖA YƖƖLAA 149:3

Má du chenniŋ, a chɩgɩsɛ chɩnchɩgɩsɩŋ a yɩɩ yɩɩlaa a gʋa, a dɛnnɛ La Tɩɩna.

WƖA YƖƖLAA 30:1

La Tɩɩna, mɩ jaŋ dɛnnɩŋ, mɩ fa chɩŋ sʋʋŋ naaŋ lɛ nɛ ŋ laamɛ ta. Mɩ dʋndɔŋŋɔɔ bɩ wuo na wombiiŋ a jʋɔsɛ mɩ sʋʋŋ lɛ.

MOSIS BƖRA WULLI WƖA WOMBIIŊ 16:11

Ma dɩ ma biiriŋ, ma tɩntɩnnaa, baalaa arɩ haalaa, Levi doho nɩalɩŋ arɩ nɩwogusuŋ, biisinsiŋ arɩ yo-haala-la sɩ hɛ ma tʋɔŋ, ma kala maga dɩ má mʋ lee-la ma TƖƖNA sɩ jaŋ lɩɩsɛ dɩ ma zilu nɩmɛ a gbieli ʋ sɩpaaŋ.

MOSIS BƖRA WULLI WƖA WOMBIIŊ 20:5

Laalɩyuori-hɩasɩŋ ma jaŋ pɩɛsɛ laalɩyuoro-la, “Ma kʋŋ hɛ nɩmɛ a saa dɩɩ-falɩɩ aŋ ha bɩ suroo? Ʋ tɩɩna mɩɩra mʋ dɩa, dɩ ŋɩɩ dee ʋ jaŋ wuo sʋʋ laalɩŋ lɛ ka dɩ nɩwogo mɩɩra mʋ suri dɩa-la.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

Jɔɔŋ Wʋnaalaa 5:8

Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.