NƐHƖMAAYA 12:24 - WƖA TENIŊ

²⁴ Levi doho nɩaa sɩpaalaaraa nɛ fa ŋ-la: Hasabɩa, Sɛrɛbɩa, Kadɩmɩɛl nanʋala Jesua, arɩ ba tɩntɩnnɩ dɔsʋŋ ba sɩ kaa kpaa bugoo, balɩa yie chɩna chaasɛ dɔŋɔ a yɩɩ yɩɩlaa dɩdɛnnɛ Wɩa a lʋlɔllʋ, buguŋ dɔŋɔ yɩɩ dɔŋɔ laa hɩhɛ arɩ Wɩa tɩntɩnna Devit sɩ dagɛ ŋɩɩ.

NƐHƖMAAYA 12:24 ပူးပေါင်းရင်းမြစ်များ

1 KUOROO 17:24

Ŋɩɩ nɛ haal-la bʋla pɩ Ɩlaaja, “Mɩ jɩma lɛɛlɛ ŋ sɛnɛ ŋaa Wɩa tɩntɩnnʋ nɛ. Wɩalɩŋ kala ŋ sɩ bʋla sɛnɛ lɩɩ La TƖƖNA teeŋ nɛ.”

1 IZIRAL TƖŊŊAA NAABARƖŊ 16:4

Devit lɩɩsɛ Levi doho nɩaa dɔnsʋŋ dɩ ba tɩtɩŋ La TƖƖNA niiriŋ daga-la sɩpaaŋ, dɩ ba du kɩaa a yɩɩ yɩɩlaa a dɛnnɛ La TƖƖNA Iziral tɩŋŋaa Wɩa.

2 IZIRAL TƖŊŊAA NAABARƖŊ 8:14

Solomoŋ fa to wɩalɩŋ ʋ nyɩmma Devit sɩ dagʋ nɛ, a dagɛ Wɩɩsʋllɩ sɩpaalaaraa ba sɩ kaa kpaa bugoo ba chɩŋ ba dɩchɩnaa a tɩtɩŋ tɩntɩŋŋaa tapʋlɩɩ kala. Ʋ leŋ Levi doho nɩaa laa Wɩɩsʋllɩ sɩpaalaaraa sɩpaaŋ ba yɩyɩɩ yɩɩlaa chɛɛ kala, ʋ bɩra dagɛ nɩalɩŋ ma ba sɩ kaa kpaa bugoo ba pʋpɔ boi-balaa arɩ Wɩa tɩntɩnna Devit sɩ dagɛ ŋɩɩ.

ƐZƖRA 2:40

Levi doho nɩaa sɩ ŋaa Jesua arɩ Kadɩmɩɛl (Hodavia dɩa nɩaa) ma ŋaa mahɩŋ batori arɩ fii arɩ banɛsɛ nɛ.

NƐHƖMAAYA 11:17

Mɩka nanʋala Matanɩa sɩ ŋaa Zabidi nihiŋ, aŋ ŋaa Asaf doho nʋʋ, ʋ nɛ yie laa nɩalɩŋ sɩpaaŋ ba lʋlɔllɛ Wɩa aŋ pɛ chʋhchʋɔlʋ. Bakɩbʋkɩa ma nɛ faa tɩgɛ Matanɩa lɛ. Samʋa nanʋala Abɩda sɩ ŋaa Gala nihiŋ, aŋ ŋaa Jedutuŋ doho nʋʋ ma nɛ faa tɩgʋ lɛ.

NƐHƖMAAYA 12:23

Levi doho nɩaa dɩa dɩa nɩhɩasɩŋ, a chɩŋ Ɛlɩasɩb nanʋala Johanaŋ lɛ, ba kala nɛ ba ŋmʋnsa hɛ kuoroo wʋŋaalaa teniŋ tʋɔŋ.

NƐHƖMAAYA 12:36

a pɛ ba yɩɩl yɩɩrɩ dɔnsʋŋ deemba lɛ: Sɛmaaya, Azarɛl, Mɩlalaɩ, Gɩlalaɩ, Maayɩ, Nɛtanɛl, Juda arɩ Hanani, ba kala fa kori Wɩa tɩntɩnna Devit yɩɩlɩ yɩɩrɩ kɩaa nɛ. Ɛzɩra sɩ ŋaa Wɩa teniŋ kerichi nɛ fa laa ba nɩalɩŋ sɩ kɩɛla sɩpaaŋ.

NƐHƖMAAYA 8:7

Ŋɩɩ nɛ aŋ sii chɩŋ Levi doho nɩaa deemba dagɛ Wɩa wombie-la bʋbʋɔŋ a pɩba: Jesua, Banɩ, Sɛrɛbɩa, Jamɩŋ, Akub, Sabɛtaɩ, Hodia, Maasɛya, Kɛlɩta, Azarɩa, Jozabad, Hanaŋ arɩ Pɛlaaya.

NƐHƖMAAYA 9:4

Ba fa ŋaa kʋŋ nɛ ʋ sii je Levi doho nɩaa deemba jɩla chɩŋ ʋ nyuŋ: Jesua, Banɩ, Kadɩmɩɛl, Sɛbanɩa, Buni, Sɛrɛbɩa, Banɩ dɔŋɔ ma arɩ Kɛnanɩ, a faasa suri ba yikorusuŋ a sʋl ba TƖƖNA Wɩa.

MOSIS BƖRA WULLI WƖA WOMBIIŊ 33:1

Wɩɩsʋlɩɩ-la Wɩa tɩntɩnna Mosis sɩ sʋla pɩ Iziral tɩŋŋaa aŋ-na sʋʋ nɛ ŋ-la:

1 Timoti 6:11

Ama ŋ-na sɩ ŋaa Wɩa tɩntɩnnʋ, sɩ́ wɩaa deemba kala ŋaa. Leŋ dɩ ŋ sɩɩŋ fɩɛsɛ dɩ ŋ ŋɩŋaa tʋɔpʋl wɩaa, a tuto Wɩa wombiiŋ, a chɩŋ wɩalɩŋ ŋ sɩ laa dii lɛ, a cho nɩaa, a kɛŋ kenyiri, a kɛŋ ŋ tɩtɩa muuri nɩaa sɩpaaŋ.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

JOSUA 14:6

Tapʋlɩɩ kʋbala Juda doho nɩaa dɔnsʋŋ sii mʋ Josua teeŋ Gɩlɩgal lɛ. Ŋɩɩ nɛ Jefuni nanʋala Kalɩb, Keni tɩɩna-la pɩɛsɛ Josua, “Ŋ liise yi wɩɩ-la La TƖƖNA sɩ bʋla pɩ ʋ tɩntɩnna Mosis a mʋ tɩgɛ mɩ dɩ ŋ lɛ lee-la ba sɩɩ yɩrɛ Kadɛs Banɩa lɛɛ?