NƐHƖMAAYA 10:39 - WƖA TENIŊ

³⁹ Levi doho nɩaa arɩ Iziral tɩŋŋaa kala, maga ba kɩɛsɛ mɩaa, girep nɛnɛɛ sɩnɩŋ arɩ olif nʋʋŋ nɛ, a kaa mʋ chʋgʋsʋŋ dɩa-la lɛ ba sɩɩ bil Wɩa dɩɩ-bal-la tɩntɩnnɩ kɩaa, arɩ lee-la Wɩɩsʋllɩ sɩpaalaaraa, boi-pɔɔrɔɔ arɩ yɩɩlɩ yɩɩraa sɩɩ jʋʋ. La bɩ jaŋ vɩa la Wɩa dɩɩ-balɩŋ ta.”

NƐHƖMAAYA 10:39 ပူးပေါင်းရင်းမြစ်များ

2 KUOROO 7:10

Ba mɩɩra kɔ Samarɩa a yɩrɛ nɩalɩŋ sɩɩ pɔ jaŋ-la boi-baalɩŋ a bʋla pɩba, “La mʋ Siiria tɩŋŋaa laalɩyuoroo buguŋ, la bɩ nʋʋkala na, la bɩ nʋʋ dɔmɔ ma nɩa nɩmɛ. Ba janɩŋ arɩ ba kakusuŋ dʋndʋŋa nɛ vɔɔ nɩmɛ, ka ba lɛŋŋɛɛ kala ha chɩŋ ba chɩnɩŋ.”

2 IZIRAL TƖŊŊAA NAABARƖŊ 31:11

Hezikaaya pa wombiiŋ dɩ ba wasɛ chʋgʋsʋŋ dɩɩsɩ-la sɩ hɛ La TƖƖNA dɩɩ-bal-la lɛ, ŋɩɩ nɛ ba wasɛ.

2 IZIRAL TƖŊŊAA NAABARƖŊ 31:12

Ba to ba wʋtɩtɩɩ lɛ a paa kɩalɩŋ ba sɩ kɩɛsa arɩ kpaalɩŋ fii time-la arɩ kɩalɩŋ ba sɩ joŋo hɛ Wɩa nɩsɩŋ lɛ a kaa jʋʋ bil dɩɩsɩ-la lɛ. Ka ba joŋ Kɔnanɩa sɩ ŋaa Levi doho nʋʋ hɛ ʋ bibeŋ kɩalɩŋ, ʋ naambie Sɩmɛɩ tɩtɩgɛ ʋ lɛ.

NƐHƖMAAYA 12:47

Zerubabɛl arɩ Nɛhɩmaaya ma mɩɩsɩŋ bʋa lɛ, Iziral tɩŋŋaa kala yie kɩɛsɛ kɩaa nɛ tapʋlɩɩ kala aa pɩ nɩalɩŋ sɩɩ yɩɩ yɩɩlaa arɩ nɩalɩŋ sɩɩ pɔ boi-baalaa. Nɩalɩŋ yie joŋ kɩalɩŋ dɔnsʋŋ a pɩ Levi doho nɩaa dɔnsʋŋ, ba ma laa a lɩɩsɛ Arɔŋ doho nɩaa kɩaa pɩba.

WƖA YƖƖLAA 122:9

A tɩŋ La Tɩɩna Wɩa dɩa wɩaa, mɩ jaŋ sʋl Wɩa dɩ ŋ dʋa.

NAMBABA 18:26

“Bʋla pɩ Levi doho nɩaa, dɩ ba nɛ laa Iziral tɩŋŋaa sɩ yie kɛŋ ba kɩaa kpaa leree fii a joŋ kʋbala-la pɩmɛ, mɩ sɩ joŋo pɩba ʋ ŋaa ba kpaalɩŋ, ba ma bɩra kaa kpaa leree fii a joŋ kʋbala a ŋaa Wɩɩsʋlʋŋ pɩmɛ.

NAMBABA 18:30

Bʋla pɩ Levi doho nɩaa, dɩ ba nɛ kɛŋ lere-la sɩ chaasa zɔŋ kɔ, ʋ jaŋ nagɛ ba sɩ yie kɛŋ mɩɩ-falaa arɩ tɩɩ-nɛŋ-falaa sɩnɩŋ kʋ ŋaa Wɩɩsʋlʋŋ.

MOSIS BƖRA WULLI WƖA WOMBIIŊ 12:17

Ma sɩ yie kɛŋ ma kɩaa kpaa leree fii a joŋ kʋbala-la a pɩ La TƖƖNA, a lɩɩ ma mɩaa lɛ koo ma tɩɩnɛnɛɛ sɩnɩŋ lɛ, koo ma nʋʋŋ lɛ koo ma pʋsʋŋ bii-bumbumba lɛ, koo ma tʋɔtɔrɛ Wɩɩsʋlʋŋ lɛ koo kɩalɩŋ ma sɩ kaa lɩɩsɛ niiri-la ma sɩ hɛ La TƖƖNA teeŋ koo Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ, ma bɩ maga dɩ ma diiba ma tasɩŋ lɛ.

Hiburu TƖŊŊAA 10:25

La sɩ yie hihilimi ŋɩɩ, nɩaa dɔnsʋŋ yie vɩa nɛ. Má sɩ́ ŋɩɩ ŋaa. Ama má leŋ dɩ la haa hilimi a pɩpɛ dɔŋɔ lɛ dɩ la to Wɩa arɩ sɩɩfɩɛsɩŋ, bɛɛ wɩaa tapʋlɩɩ-la La Tɩɩna Yesu sɩ jaŋ mɩɩra kɔ kpaga nɛ.