NƐHƖMAAYA 10:32 - WƖA TENIŊ

³² Jɩna na-kala, la kʋŋkala jaŋ kɩɛsɛ moribiee mʋa mʋa dɩ ba kaa tɩtɩŋ Wɩa dɩɩ-bal-la tɩntɩŋŋaa.

NƐHƖMAAYA 10:32 ပူးပေါင်းရင်းမြစ်များ

WƖAA DƖ-SUOMUŊ 28:22

Tabɩɩŋ deeŋ mɩ sɩ joŋo pɛ ʋ ŋaa jebii-magɩl jaŋ ŋaa Wɩa dɩa. Kɩalɩŋ kala ʋ sɩ joŋo pɩmɛ, mɩ jaŋ kaa kpaa leree fii a joŋ kʋbala pʋ.”

1 IZIRAL TƖŊŊAA NAABARƖŊ 26:27

Kɩalɩŋ dɔnsʋŋ ba sɩ yuo laa laalɩŋ lɛ, ba joŋo hɛ Wɩa nɩsɩŋ lɛ nɛ dɩ ba kaa tɩtɩŋ La TƖƖNA dɩɩ-balɩŋ tɩntɩŋŋaa.

NƐHƖMAAYA 13:15

Bʋa-la lɛ, mɩ na Juda nɩaa dɩ baa chagɛ girep nɛnɛɛ sɩnɩŋ chɛ-wiesii-la chɛɛŋ, a kɛŋ ba kakusuŋ chʋchʋŋ mɩaa, girep nɛnɛɛ sɩnɩŋ, girep, tutogi-nambɩlaa arɩ chʋgʋsʋŋ dɔnsʋŋ. Ba chʋŋ kɩaa deemba kala chɛ-wiesii-la chɛɛŋ nɛ a kʋʋ jʋʋ Jerusalɛm. Ŋɩɩ nɛ mɩ bʋla pɩba dɩ ba sɩ kɩaa yallʋ chɛ-wiesii-la chɛɛŋ.

NƐHƖMAAYA 13:18

Wʋdosunuŋ deemba dee ma naabalɩmaba ŋaa, la Wɩa joŋ wʋlɔrʋnʋŋ ŋaa la dɩ la tabalɩŋ deeŋ lɛɛ? Lɛɛlɛ ma wasa leŋ Wɩa baanɩŋ sisii Iziral tɩŋŋaa nyuŋ nɛ, a tɩŋ ma sɩɩ chei chɛ-wiesii-la kɩsɩŋ lɛ wɩaa.”

NƐHƖMAAYA 13:21

Ŋɩɩ nɛ mɩ kpʋrɩsɛ ba dɩgɩlaa aŋ pɩɛsɛba, “Bɛɛ nɛ tɩɩ ma chʋa jeeŋ harɩŋ? Dɩ ma nɛ bɩra ŋaa wɩɩŋ deeŋ, mɩ jaŋ kɛsɛma.” A chɩŋ bʋa-la lɛ a kaa kɔ ba bɩra bɩ chɛ-wiesii-la chɛɛŋ kɔ.

NƐHƖMAAYA 5:10

Mɩ dɩ mɩ naambiiriŋ arɩ mɩ tɩntɩnnaa ma joŋ moribiee arɩ mɩaa chɩchɩŋ nɩalɩŋ nɛ. Lɛɛlɛ, má leŋ dɩ ma nyʋʋrɩɩ-la laanɩŋ dɛrɛ.

NƐHƖMAAYA 9:14

Ŋ leŋe ba jɩŋ ŋ chɛ-wiesii-la sɩ zɔmɔ wɩaa nɛ, aŋ to ŋ tɩntɩnna Mosis lɛ a dagɛba ŋ niiriŋ, ŋ wombiee arɩ ŋ wʋdagaa.

MOSIS KƐŊ IZIRAL TƖŊŊAA LƖƖ 23:11

Ama jɩ-pɛɩ-la lɛ, má sɩ́ kʋŋkala duu ma bagɩsɩŋ lɛ. Dɩ kʋŋ nɛ wasɛ nɩmɛ ma, má leŋe pɩ summoo arɩ baga kɩaa. Má sɩ́ tɩɩnɛnɛɛ arɩ kʋŋkala ŋaa ma bagɩsɩŋ lɛ.

NAMAGABA 3:9

Kɛŋ ŋ dʋa a zil La Tɩɩna, joŋ ŋ baga kɩaa kʋbumbumba a pʋ.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.