NƐHƖMAAYA 10:29 - WƖA TENIŊ

²⁹ Ba kala pɛ ba sɩpaalaaraa lɛ a ŋmɩɛsɛ, dɩ ba nɛ vɩa nii-la dɩ ŋmɩaŋ-la diiba. Ba ŋmɩɛsa arɩ ba jaŋ fɩɛlɛ ba sɩaa a to wombie-la Wɩa sɩ to ʋ tɩntɩnna Mosis lɛ a joŋo pɩba, a pɛ wɩalɩŋ kala La TƖƖNA sɩ daga arɩ ʋ niiriŋ lɛ. Ba sɩ tɔ boŋ-la bʋl wɩɩ-la nɛ ŋ-la,

NƐHƖMAAYA 10:29 ပူးပေါင်းရင်းမြစ်များ

2 KUOROO 10:31

Jehu bɩ La TƖƖNA Iziral tɩŋŋaa Wɩa wombii-la ʋ sɩ bile to arɩ ʋ tʋɔŋ kala. Ʋ bɩ Jerobuam wʋbɔmɔ-la ʋ sɩ ŋaa a leŋ Iziral tɩŋŋaa ma ŋaa ba tɩtɩa leŋe.

2 KUOROO 23:3

Kuoro Josaaya sii chɩŋ ʋ dɩchɩnɩŋ, jebii-la sɛmɛ a hɛ niiŋ pɩ La TƖƖNA arɩ ʋ jaŋ to ʋ wombiee arɩ wɩalɩŋ kala ʋ sɩ daga arɩ ʋ tʋɔŋ arɩ ʋ wɩɩ wɩɩkala, a ŋaa wɩalɩŋ kala ba sɩ ŋmʋnsa hɛ teŋ-la tʋɔŋ. Ŋɩɩ nɛ nɩalɩŋ ma kala sɛɩ arɩ ba jaŋ to nii-la sɩ hɛ Wɩa wombiee teŋ-la tʋɔŋ.

1 IZIRAL TƖŊŊAA NAABARƖŊ 9:2

Iziral tɩmma-la sɩ laa sɩpaaŋ mɩɩra kɔ ba tasɩŋ, a hɔŋ ba dɩ-tɩɩlaa nɛ ŋ-la: Wɩɩsʋllɩ sɩpaalaaraa, Levi doho nɩaa, Wɩa dɩa tɩntɩnnaa arɩ Iziral tɩŋŋaa dɔnsʋŋ.

2 IZIRAL TƖŊŊAA NAABARƖŊ 34:31

Kuoro Josaaya sii chɩŋ ʋ dɩchɩnɩŋ, jebii-la sɛmɛ a hɛ niiŋ pɩ La TƖƖNA arɩ ʋ jaŋ to ʋ wombiee arɩ wɩalɩŋ kala ʋ sɩ daga arɩ ʋ tʋɔŋ arɩ ʋ wɩɩ wɩɩkala, a ŋaa wɩalɩŋ kala ba sɩ ŋmʋnsa hɛ teŋ-la tʋɔŋ.

2 IZIRAL TƖŊŊAA NAABARƖŊ 6:16

La TƖƖNA, Iziral tɩŋŋaa Wɩa, ŋ hɛ niiŋ a pɩ mɩ nyɩmma Devit sɩ ŋaa ŋ tɩntɩnnʋ nɛ a bʋl, ‘Nʋʋ jaŋ lɩɩ ŋ doho nɩaa tʋɔŋ bʋa na-kala a dii Iziral tɩŋŋaa kuoruŋ, dɩ ba nɛ fɩɛlɛ ba sɩaa a to wombie-la mɩ sɩ bile dɩ ba tuto arɩ ŋ-na Devit sɩ ŋaa ŋɩɩ.’

NƐHƖMAAYA 13:25

Mɩ ŋaa goŋ ba nyuŋ a ŋmɩɛsa hɛ ba lɛ. Mɩ ŋmoo nɩalɩŋ dɔnsʋŋ a lɛrɛ ba nyu-pʋnaa churi. Mɩ leŋ ba ŋmɩɛsɛ Wɩa yɩrɩŋ lɛ a bʋl, “La bɩ jaŋ joŋ la toloo a pɩ ba hambolibiisiŋ dɩ ba jaa, koo a jaa ba toloo a pɩ la hambolibiisiŋ koo la tɩtɩa.

NƐHƖMAAYA 7:46

Wɩa dɩɩ-bal-la tɩntɩnnaa ma nɛ ŋ-la: Zɩha doho nɩaa, Hasufa doho nɩaa, Tabaof doho nɩaa:

NƐHƖMAAYA 8:2

Ŋɩɩ nɛ chɛŋ-pɛɩ tapʋl-bumbuŋ, Ɛzɩra sɩ ŋaa Wɩɩsʋllɩ sɩpaalaara kɛŋ teŋ-la kɔ nɩalɩŋ sɩ hilime sɩpaaŋ. Nɩalɩŋ fa ŋaa baalaa arɩ haalaa nɛ, a pɛ hambiisi-la sɩ waa a jaŋ wuo jɩŋ wɩaa sɩaa lɛ.

NƐHƖMAAYA 8:3

Ʋ chɩŋ ba jaŋ dɩ-hilimii-la lɛ, Lɩɩŋ Boi-baal-la leriŋ nɩalɩŋ sɩpaaŋ a faasa karɩmɛ teŋ-la ʋ lɩɩ, a chɩŋ chʋchʋɔŋ a kaa mʋ wɩɩhɛyɛ, ka nɩalɩŋ kala kpil dɩgɩlaa a jijegili.

NƐHƖMAAYA 9:2

Ba fa kɛŋ ba tɩtɩa pɔrɛ lɩɩ nɩwogusu-la kala sɩ hɛ ba tʋɔŋ lɛ nɛ. Ba fa sii chɩŋ nɛ a dagɛ ba wʋcheelee arɩ wʋbɔmɔ-la ba naabalɩmaba sɩ ŋaa.

NƐHƖMAAYA 9:38

A tɩŋ wɩaa deemba kala wɩaa, la Iziral tɩŋŋaa kala ŋaa nii-bala nɛ, dɩ la tɔ boŋ a ŋmʋnsa bil, dɩ la sɩpaalaaraa, la Levi doho nɩaa arɩ la Wɩɩsʋllɩ sɩpaalaaraa sɩ jaŋ joŋ ba magɩlɩŋ hɛ.”

WƖA YƖƖLAA 105:45

dɩ ŋɩɩ leŋ dɩ ba to wɩalɩŋ ʋ sɩ daga, a kɛŋ wombie-la ʋ sɩ bile dɩ ba tuto tɩtɩŋ. Má dɛnnɛ La Tɩɩna.

WƖA YƖƖLAA 119:106

Mɩ hɛ niiŋ nɛ aŋ chɩna gbɛrɛ arɩ mɩ jaŋ to tʋɔpʋl wombie-la ŋ sɩ bile dɩ la tuto.

WƖA YƖƖLAA 8:1

La Tɩɩna, ŋ nɛ Nɩɩ-la sɩɩ benla, ŋ yɩrɩŋ yʋga nɛ woruŋ dʋnɩa lee-kala. Ŋ leŋe ŋ tʋla kieli wɩa-nyuŋ nɛ.

WƖA YƖƖLAA 8:9

La Tɩɩna Wɩa, ŋ yɩrɩŋ yʋga nɛ woruŋ dʋnɩa lee-kala.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

JƐRƖMAAYA 26:4

Bʋla pɩba, ‘Wɩɩ-la mɩ-na ma TƖƖNA sɩ bʋla nɛ ŋ-la: Dɩ ma nɛ bɩ jegile nɩɩ mɩ teeŋ a to wombii-la mɩ sɩ bile dɩ ma tuto, wombii-la mɩ sɩ joŋo bil ma sɩpaaŋ,

JƐRƖMAAYA 34:15

Ma sɩ bɩrɩma lɩɩ ma wʋbɔŋŋɔɔ lɛ aŋ ŋaa wɩaa ba bʋa lɛ ʋ bɩ diene. Ma kʋŋkala fa joŋ ʋ dɔŋɔ tɩɩna sɩ ŋaa ʋ yomo ta nɛ. Ma paala bil niiŋ nɛ mɩ sɩpaaŋ mɩ dɩɩ-bal-la lɛ mɩ yɩrɩŋ sɩ hɛ.

ƐZƖKƖƐL 36:27

Mɩ jaŋ joŋ mɩ Dɩma a hɛ ma lɛ, a leŋ dɩ ma to mɩ wʋdagaa a fɩɛlɛ ma sɩaa a to wombie-la mɩ sɩ bile dɩ ma tuto.

LEVI DOHO NƖAA 20:26

Má joŋ ma tɩtɩa hɛ mɩ nɩsɩŋ lɛ a sɩ́ disiniŋ kɛŋ, bɛɛ wɩaa mɩ nɛ ma TƖƖNA, mɩ bɩ disiniŋ kɛnɛ. Mɩ nɛ lɩɩsɛma tinteyee kala tʋɔŋ dɩ ma ŋaa mɩ nɩaa.

MALAKAƖ 4:4

Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

NAMBABA 5:21

Wɩɩsʋllɩ sɩpaalaara jaŋ kalɩbɛ ŋ-la a hɛ haal-la lɛ: ‘La TƖƖNA jaŋ leŋ dɩ kalɩbɩŋ deeŋ diiŋ ŋ nɩaa sɩɩŋ lɛ, ŋ lʋla jaŋ kʋʋrɛ, dɩ ŋ luoruŋ su.’

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 15:14

Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Jɔɔŋ 7:19

Mosis bil wombie-la sɩ maga dɩ maa to pɩma nɛ. Ama ma kʋŋkala bɩ wɩalɩŋ ka to. Bɛɛ nɛ tɩɩ maa chɛ dɩ ma kpʋmɛ?”

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 17:34

Nɩaa dɔnsʋŋ laa wɩalɩŋ dii a to ʋ harɩŋ. Ba tʋɔŋ dɔŋɔ yɩrɩŋ nɛ Dayɔnaasɩas. Ʋ fa hɛ nɩalɩŋ sɩɩ hilimi Arɩyɔpagɩs dɩa-la tʋɔŋ nɛ. Haal kʋbala ma baa yɩrɛ Damarɩs arɩ nɩaa dɔnsʋŋ ma laa wɩalɩŋ dii.

Tɩntɩŋŋaa 23:21

Saa sɩ́ sɛɩ, bɛɛ wɩaa nɩalɩŋ dɔnsʋŋ jaŋ faa wombiiŋ lɛ a gbɛrʋ. Ba kɩɩ nɩaa mahɩŋ balɩa. Ba ŋmɩɛsa nɛ dɩ ba nɛ bɩ Pɔɔl kpʋa, ba bɩra bɩ jaŋ dii kɩaa, ba bɩ jaŋ nyʋa lɩɩŋ maa. Ba kɛŋ ba tɩtɩa hɛ dɔŋɔ nɛ dɩ ŋ pʋ wombiiŋ dɩ ʋ kɔ.”

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

MOSIS BƖRA WULLI WƖA WOMBIIŊ 33:4

arɩ wombie-la Mosis sɩ daga dɩ ba tuto. Ʋ ŋaa Jekɔb doho nɩaa kʋŋ nɛ.

MOSIS BƖRA WULLI WƖA WOMBIIŊ 5:1

Ŋɩɩ nɛ Mosis yɩrɛ Iziral tɩŋŋaa kala kʋ hɛ dɔŋɔ a bʋla pɩba: Iziral tɩmma, má jegile nɩɩ niiri-la arɩ wombie-la mɩ sɩɩ dagɛma jɩnɩŋ. Má gʋnnɛba woruŋ a kɛmba kaa tɩŋ.

MOSIS BƖRA WULLI WƖA WOMBIIŊ 5:32

Ŋɩɩ wɩaa, má hɛ doluŋ aŋ to wɩalɩŋ kala ma TƖƖNA Wɩa sɩ dagɛma, má sɩ́ begilu.