NƐHƖMAAYA 1:9 - WƖA TENIŊ

⁹ Ama dɩ ma nɛ bɩra mɩɩra kɔ mɩ teeŋ a ŋɩŋaa wɩalɩŋ mɩ sɩ dagɛma, dɩ ma nɩalɩŋ ba sɩ kɛsɛ mʋ yoŋ-baga nɛ paala hɛ dɩ-bolii ma, mɩ jaŋ kɛmba lɩɩ nɩmɛ a kaa kɔ lee-la mɩ sɩ lɩɩsa dɩ ba chʋɔlɛmɛ nɩmɛ.’

NƐHƖMAAYA 1:9 ပူးပေါင်းရင်းမြစ်များ

1 KUOROO 8:48

dɩ ba nɛ sɛnɛ sɛɩ cheeriŋ aŋ joŋ ba sɩaa chaasɛ tintee-la ŋ sɩ joŋo pɩ ba naabalɩmaba arɩ taŋ-la ŋ sɩ lɩɩsa mɩ saa ŋ dɩɩ-balɩŋ dɩ ba dɩdɛnnɩŋ nɩmɛ a sʋlʋŋ,

1 KUOROO 9:3

La TƖƖNA bʋla pʋ, “Mɩ nɩɩ ŋ Wɩɩsʋlʋŋ nɛ. Mɩ dɩɩ-balɩŋ deeŋ ŋ sɩ saa dɩ ba dɩdɛnnɛmɛ nɩmɛ, ŋaa mɩ kʋa nɛ, mɩ sɩaa arɩ mɩ tʋɔŋ kala jaŋ hɛ ʋ lɛ bʋa na-kala.

1 IZIRAL TƖŊŊAA NAABARƖŊ 16:35

Má bʋla pʋ, “Laala ta, La TƖƖNA Wɩa, laala ta tinteyee nɩaa nɩsɩŋ lɛ aŋ kɛnla kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.”

ƐZƖRA 6:12

A leŋ dɩ Wɩa sɩ leŋe ʋ yɩrɩŋ hɛ lee-la, yuo kuoru na-kala koo nʋʋ na-kala sɩɩ chɛ dɩ ʋ kɛŋ wombiiŋ deeŋ bɩrɩmɛ koo a chei Wɩa dɩɩ-balɩŋ deeŋ sɩ hɛ Jerusalɛm lɛ. Mɩ-na Daarus nɛ pa wombiiŋ deeŋ. Nʋʋkala maga ʋ to wombiiŋ deeŋ arɩ sɩɩfɩɛsɩŋ.

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

WƖA YƖƖLAA 107:3

ma nɩalɩŋ ʋ sɩ kaa lɩɩ wɩɩpɔsʋŋ, wɩɩjʋʋlʋŋ, wɩɩpɔsʋŋ nagʋa arɩ wɩɩpɔsʋŋ nadiiŋ tintee-wogusuŋ kʋ hɛ dɔŋɔ.

WƖA YƖƖLAA 147:2

La Tɩɩna nɛ wasa saa Jerusalɛm, ʋ nɛ kɛŋ Iziral tɩŋŋaa fa sɩ hɛ yoŋ-baga lɛ mɩɩra kɔ ba jaŋ.

AZAAYA 11:12

Ʋ jaŋ kɛŋ tuuta-la je a dagɛ tinteyee nɩaa kala, aŋ kɛŋ Iziral tɩmma-la ba sɩ kɛsɛ mʋ yoŋ-baga kʋ hɛ dɔŋɔ. Ʋ jaŋ kɛŋ Juda nɩalɩŋ ma sɩ pɩsa, a lɩɩ dʋnɩa loŋgorunu-la banɛsɛ kala lɛ a mɩɩra kʋ hɛ dɔŋɔ.

AZAAYA 27:12

Ama bʋa deeŋ lɛ La TƖƖNA jaŋ kɛsɛ Iziral tɩŋŋaa kʋŋ kʋŋ a kʋ hɛ dɔŋɔ lɛ, a chɩŋ Efireti fuo-la lɛ, a kaa mʋ yi Ijipiti tinteeŋ niiŋ. Ʋ jaŋ lɩɩsɛba a nagɛ ba sɩ yie chaarɛ mɩaa a lɩɩsɛ mɩɩ-biiŋ aŋ ka mɩɩ-jɔrʋŋ ŋɩɩ.

AZAAYA 56:8

La TƖƖNA Wɩɩjarɩbakɔ, ʋ nɛ kɛŋ Iziral tɩmma-la ba sɩ kɛsɛ mʋ tintee-wogusuŋ mɩɩra kɔ ŋɩɩ, ʋ sɩ, “Mɩ ha jaŋ kɛsɛ nɩaa dɔnsʋŋ kʋ pɛ nɩalɩŋ mɩ sɩ laa sɩpaaŋ kɛsɛ kʋ hɛ dɔŋɔ lɛ.”

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 31:10

Tinteyee nɩaa, má jegile nɩɩ mɩ-na ma TƖƖNA wɩaa. Má heele bʋlba a pɩ nɩalɩŋ sɩ hɔŋ mʋgʋ-balɩŋ niiŋ dɩ-bolii. Mɩ-na nɛ kɛŋ Iziral tɩŋŋaa pɩsɛ, mɩ saa jaŋ bɩra kɛmba kʋ hɛ dɔŋɔ. Mɩ jaŋ beŋ mɩ nɩaa nyuŋ a nagɛ pie-daara sɩɩ beŋ ʋ piesee ŋɩɩ.”

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 6:22

Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

ƐZƖKƖƐL 14:6

Ŋɩɩ wɩaa bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má bɩrɩma lɩɩ ma wʋbɔŋŋɔɔ lɛ. Má leŋ ma vʋɩya-la arɩ wʋkɩsɩa-la kala ma sɩɩ ŋaa.

ƐZƖKƖƐL 36:24

Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.

LEVI DOHO NƖAA 26:3

Dɩ ma nɛ fɩɛlɛ ma sɩaa aa to mɩ niiŋ arɩ wombie-la mɩ sɩ dagɛma,

ZƐKARƖYA 8:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ laa mɩ nɩaa ta wɩɩpɔsʋŋ arɩ wɩɩjʋʋlʋŋ tinteye-la lɛ.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

MOSIS BƖRA WULLI WƖA WOMBIIŊ 12:21

Dɩ lee-la ma TƖƖNA Wɩa sɩ lɩɩsa dɩ ma zizilu nɛ faasa bol arɩ ma dɩɩsɩŋ, ma jaŋ wuo kpʋ pʋsʋ-la La TƖƖNA sɩ joŋo pɩma ma tasɩŋ lɛ a chaŋ a magɛ ŋɩɩ kala ma sɩɩ chɛ arɩ mɩ sɩ dagɛma ŋɩɩ.

MOSIS BƖRA WULLI WƖA WOMBIIŊ 12:5

Ama ʋ maga dɩ ma-na mʋ lee-la ma TƖƖNA Wɩa sɩ jaŋ lɩɩsɛ ma doho doho kala tʋɔŋ, dɩ ma zizilu nɩmɛ.

MOSIS BƖRA WULLI WƖA WOMBIIŊ 30:1

Dɩ ma nɛ to La TƖƖNA Wɩa wombiee, ʋ jaŋ pɛ ma lɛ. Dɩ ma nɛ vɩa ʋ niiŋ, ʋ jaŋ ŋmɩɛsa hɛ ma lɛ a kɛmma pɩsa hɛ tintee-wogusuŋ lɛ,