NƐHƖMAAYA 1:7 - WƖA TENIŊ

⁷ La ŋaa wʋbɔŋŋɔɔ nɛ ŋ lɛ, a bɩ wɩalɩŋ ŋ sɩ daga to. La bɩ ŋ niiriŋ arɩ wombie-la ŋ sɩ to ŋ tɩntɩnna Mosis lɛ a joŋo dagɛla to.

NƐHƖMAAYA 1:7 ပူးပေါင်းရင်းမြစ်များ

1 KUOROO 2:3

To wɩalɩŋ kala ŋ TƖƖNA Wɩa sɩɩ chɛ: To ʋ wombiee, arɩ ʋ wʋdagaa kala. Tuto wɩalɩŋ kala ʋ sɩ joŋo dagɛ Mosis ʋ ŋmʋnsa bil dɩ nɩaa tuto, dɩ ŋɩɩ leŋ dɩ wɩɩkala ŋ sɩɩ ŋaa arɩ lee-kala ŋ sɩɩ mʋ, dɩ wɩaa vɛŋ woruŋ pɩŋ.

2 IZIRAL TƖŊŊAA NAABARƖŊ 25:4

Ama ʋ fa bɩ tɩntɩnnɩ-hɩasɩ-la sɩ kpʋ ʋ nyɩmma hambolibiisiŋ-na kpʋa, bɛɛ wɩaa wɩalɩŋ La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto bʋl ŋ-la nɛ: “Dɩ nʋʋ bii nɛ ŋaa wʋbɔŋ, ʋ bɩ maga dɩ ba kpʋ ʋ nyɩmma a tɩŋ wɩɩ-la wɩaa. Dɩ nyɩmma ma nɛ ŋaa wʋbɔŋ, ʋ bɩ maga dɩ ba kpʋ ʋ bie a tɩŋ wɩɩ-la ʋ sɩ ŋaa wɩaa. Nʋʋkala maga dɩ ba kpʋʋ a tɩŋ ʋ tɩtɩa wʋbɔmɔ-la ʋ sɩ ŋaa wɩaa nɛ.”

2 IZIRAL TƖŊŊAA NAABARƖŊ 27:2

Jotam fa ŋaa wɩalɩŋ sɩɩ tɔrɛ La TƖƖNA tʋɔŋ nɛ a nagɛ ʋ nyɩmma Uzia fa sɩ ŋaa ŋɩɩ. Ʋ-na fa bɩ ʋ nyɩmma wʋbɔŋ-la ŋaa ʋ sɩ jʋʋ La TƖƖNA dɩɩ-bal-la dɩ ʋ nyɩgɛ kʋsʋɔrʋsʋŋ. Ama nɩaa fa haa ŋaa wʋbɔŋŋɔɔ nɛ.

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

WƖA YƖƖLAA 106:6

La ŋaa wʋbɔŋŋɔɔ nɛ arɩ la naabalɩmaba fa sɩ ŋaa ŋɩɩ. La ŋaa nɩbɔmɔ nɛ a ŋaa wʋbɔŋŋɔɔ.

WƖA YƖƖLAA 89:31

dɩ ba nɛ bɩ wɩalɩŋ mɩ sɩ sɩ ba tuto ka to, a vɩa dɩ ba to wɩalɩŋ mɩ sɩ daga dɩ ba tuto,

WƖA YƖƖLAA 89:32

mɩ jaŋ dɔgɩsɛba a tɩŋ ba wʋbɔŋŋɔɔ wɩaa, ba jaŋ na hɛɛŋ a tɩŋ ba wʋbɔŋŋɔɔ wɩaa.

AZAAYA 1:4

Aa, ma tinteeŋ deeŋ nɩaa ŋaa wʋbɔŋ ŋaara nɛ, ma cheeriŋ yʋga ma nyuŋ lɛ, ma ŋaa wʋbɔŋ ŋaara nɛ, a didii gɩrɩma. Ma vɩa ma TƖƖNA, Iziral tɩŋŋaa Wɩa sɩ bɩ disiniŋ kɛnɛ nɛ a joŋ harɩŋ yɩaʋ.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

DANƖƐL 9:13

Wʋlɔrʋnʋ-la kala sɩ hɛ ŋ wombiiŋ teŋ-la Mosis sɩ ŋmʋnsa bil dɩ la tuto lɛ, ŋaa la lɛ nɛ ka la ha vɩa dɩ la bɩrɩma lɩɩ la wʋbɔŋŋɔɔ lɛ, a ŋaa wɩalɩŋ ŋ-na La TƖƖNA Wɩa sɩ cho a to ŋ wʋtɩtɩɩ-la.

HOSIA 9:9

Ba wɩɩŋ nɛ wʋbɔŋŋɔɔ ŋaanɩŋ, a nagɛ bʋa-la ba sɩ hɛ Gɩbɩa lɛ. Wɩa jaŋ liise yi ba nɩbɔŋ wɩalɩŋ lɛ, a dɔgɩsɛba a tɩŋ ba wʋbɔmɔ-la wɩaa.

LEVI DOHO NƖAA 27:34

Wɩalɩŋ La TƖƖNA sɩ bʋla pɩ Mosis Sɩnaɩ peel-la nyuŋ dɩ ʋ bʋla pɩ Iziral tɩŋŋaa nɛ ŋɩɩ.

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”

MALAKAƖ 4:4

Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

MOSIS BƖRA WULLI WƖA WOMBIIŊ 4:1

Ŋɩɩ nɛ Mosis bʋla pɩ Iziral tɩŋŋaa: Má jegile nɩɩ wombie-la arɩ wɩalɩŋ kala mɩ sɩɩ chɛ dɩ mɩ dagɛma, a tutoba. Dɩ ma nɛ toba, ŋɩɩ jaŋ leŋ dɩ ma kɛŋ mɩɩsɩŋ a laa tintee-la a tɩɩ, tintee-la La TƖƖNA, ma naabalɩmaba Wɩa, sɩ jaŋ joŋo pɩma.

MOSIS BƖRA WULLI WƖA WOMBIIŊ 4:5

Mɩ dagɛma wombie-la arɩ wɩalɩŋ kala mɩ Tɩɩna Wɩa sɩ sɩ dɩ mɩ dagɛma nɛ. Dɩ ma nɛ mʋ tintee-la, má tuto ba.

MOSIS BƖRA WULLI WƖA WOMBIIŊ 5:1

Ŋɩɩ nɛ Mosis yɩrɛ Iziral tɩŋŋaa kala kʋ hɛ dɔŋɔ a bʋla pɩba: Iziral tɩmma, má jegile nɩɩ niiri-la arɩ wombie-la mɩ sɩɩ dagɛma jɩnɩŋ. Má gʋnnɛba woruŋ a kɛmba kaa tɩŋ.

MOSIS BƖRA WULLI WƖA WOMBIIŊ 6:1

Wombiee arɩ niiriŋ deemba nɛ ma TƖƖNA Wɩa dagɛmɛ dɩ mɩ joŋo dagɛma, dɩ ma tutoba dɩ ma nɛ mʋ chol Jɔdaŋ fuo-la a jʋʋ tintee-la ʋ sɩ jaŋ joŋo pɩma dɩ ʋ ŋaa ma kʋŋ.

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”