NƐHƖMAAYA 1:6 - WƖA TENIŊ

⁶ La TƖƖNA, suri sɩaa pɩmɛ, aŋ jegile nɩɩ mɩ-na ŋ tɩntɩnna teeŋ, ŋɩɩ mɩ sɩɩ sʋlʋŋ wɩɩhɛyɛ arɩ tɩtaŋɩŋ a pɩpɩ ŋ tɩntɩnnaa, Iziral tɩŋŋaa. Mɩ dagɛ wʋbɔmɔ-la la Iziral tɩŋŋaa sɩ ŋaa ŋ lɛ aa pɩŋ nɛ. Mɩ dɩ mɩ naabalɩmaba kala ŋaa wʋbɔŋŋɔɔ nɛ ŋ lɛ.

NƐHƖMAAYA 1:6 ပူးပေါင်းရင်းမြစ်များ

1 KUOROO 8:30

Mɩ ŋaa ŋ tɩntɩnnʋ nɛ, Iziral tɩŋŋaa ma ŋaa ŋ nɩaa. Ŋɩɩ wɩaa, bʋa na-kala dɩ la kʋŋ nɛ joŋ sɩaa a chaasɛ ŋ dɩɩ-balɩŋ deeŋ a sʋlʋŋ, ŋ hɛ ŋ jaŋ lɛ nɛ, jegile nɩɩ a laa la sʋla a joŋ la wʋbɔŋŋɔɔ chɛla.

1 KUOROO 8:47

dɩ ba nɛ hɛ tintee-la ba sɩ kɛsɛba mʋ ba ŋaa yosi lɛ, aŋ bɩrɩmɛ ba tʋɔbɩɩnaa a sʋlʋŋ arɩ wʋbɔmɔ-la ba sɩ ŋaa ba cheye nɛ,

2 IZIRAL TƖŊŊAA NAABARƖŊ 28:10

Lɛɛlɛ maa chɛ dɩ ma kɛŋ Juda arɩ Jerusalɛm baalaa arɩ haalaa bɩrɩmɛ ma yosi nɛ. Ama ma ma ŋaa wʋbɔŋŋɔɔ nɛ ma TƖƖNA Wɩa teeŋ.

2 IZIRAL TƖŊŊAA NAABARƖŊ 29:6

La nyɩmmaba fa bɩ wʋtɩtɩɩ kɛnɛ La TƖƖNA Wɩa teeŋ, ba faa ŋaa wɩalɩŋ sɩ bɩ ʋ tʋɔŋ ka tɔrɛ nɛ. Ba fa vɩa La TƖƖNA dɩɩ-bal-la ta nɛ aŋ joŋ harɩŋ yɩa La TƖƖNA.

2 IZIRAL TƖŊŊAA NAABARƖŊ 6:40

Mɩ Wɩa, suri ŋ sɩaa pɩla, leŋ dɩ ŋ dɩgɩlaa hɛ ŋ dɩɩ-balɩŋ deeŋ lɛ bʋa na-kala dɩ la nɛ sʋlʋŋ dɩ ŋ nɩɩ.

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

ƐZƖRA 10:11

Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

NƐHƖMAAYA 1:11

Mɩ Tɩɩna, jegile nɩɩ mɩ-na ŋ tɩntɩnna sʋla arɩ ŋ tɩntɩnnaa dɔnsʋŋ Wɩɩsʋlʋŋ, la nɩalɩŋ sɩ choŋ a ziziliŋ. Leŋ dɩ mɩ-na ŋ tɩntɩnna cheŋ nyu-sɩmɩŋ, a leŋ dɩ kuoro tʋɔŋ tɔrɛ mɩ nyuŋ.” Bʋa deeŋ lɛ dɩ mɩ nɛ fa ŋaa nɩɩ-la sɩɩ kori kuoru-la nyʋnyʋala.

WƖA YƖƖLAA 102:17

Ʋ jaŋ jegile nɩɩ nɩalɩŋ sɩ bɩ ba tɩtɩa lɛ wuo pɛ Wɩɩ-chʋɔlʋŋ, ʋ bɩ jaŋ vɩa ba sʋla.

WƖA YƖƖLAA 106:6

La ŋaa wʋbɔŋŋɔɔ nɛ arɩ la naabalɩmaba fa sɩ ŋaa ŋɩɩ. La ŋaa nɩbɔmɔ nɛ a ŋaa wʋbɔŋŋɔɔ.

WƖA YƖƖLAA 130:2

La Tɩɩna, nɩɩ mɩ yele, jegile nɩɩ mɩ nii-ŋmobo-la mɩ sɩ ŋmoo pɩpɩŋ dɩ ŋ fá mɩ nenige.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

WƖA YƖƖLAA 34:15

La Tɩɩna sɩaa pɛ tʋɔpʋl tɩŋŋaa lɛ nɛ, a jegilee nɩɩ ba nii-ŋmobo.

WƖA YƖƖLAA 55:17

Dɩdaanɩŋ, chʋchʋɔŋ arɩ wɩɩhɛyɛ kala nɛ mɩ yie yel arɩ tʋɔ-cheeŋ, ʋ nɩɩ mɩ yikoro.

WƖA YƖƖLAA 88:1

La TƖƖNA Wɩa mɩ Laataara, tɩtaŋɩŋ arɩ wɩɩhɛyɛ kala nɛ mɩɩ ŋmoo niiŋ ŋ sɩpaaŋ dɩ ŋ pɛ mɩ lɛ.

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

JEMBIEE 5:7

La naabalɩmaba nɛ ŋaa wʋbɔŋŋɔɔ aŋ tuo, ka la mɩɩraa na hɛɛŋ ba wʋbɔmɔ-la wɩaa.

DANƖƐL 9:15

La TƖƖNA Wɩa, ŋ nɛ kɛŋ ŋ naduo-la a kɛŋ ŋ nɩaa kaa lɩɩ Ijipiti tinteeŋ lɛ a laa yɩrɩŋ pɩ ŋ tɩtɩa a kaa kɔ arɩ jɩnɩŋ. La ŋaa wʋbɔŋ nɛ, la cheye nɛ.

DANƖƐL 9:20

Mɩ fa sɩɩ chʋɔlɛ Wɩa a dɩdagɛ mɩ dɩ mɩ nɩaa Iziral tɩŋŋaa wʋbɔŋŋɔɔ, a sʋsʋl mɩ TƖƖNA Wɩa a mʋ tɩgɛ ʋ dundolo-la sɩ bɩ disiniŋ kɛnɛ lɛ ŋɩɩ,

DANƖƐL 9:4

Mɩ sɩɩ sʋl mɩ TƖƖNA Wɩa ŋɩɩ, mɩ dagɛ wʋbɔmɔ-la mɩ nɩaa sɩ ŋaa a bʋl: “La TƖƖNA ŋ nɛ Wɩa sɩ yʋga a kɛŋ fawʋllʋŋ. Ŋ kɛŋ wʋtɩtɩɩ nɛ nii-la sɩ hɛ la dɩ ŋ pɛgɛ. Ŋ dagɛ ŋ chono-la sɩ bɩ dɛrɛ a pɩ nɩalɩŋ sɩ choŋ a ŋɩŋaa wɩalɩŋ ŋ sɩ daga nɛ.

DANƖƐL 9:5

La ŋaa wʋbɔŋ nɛ a ŋaa wɩaa sɩ bɩ ba bʋa lɛ ŋaa. La ŋaa nɩbɔmɔ nɛ a vɩa ŋ niiŋ, la joŋ harɩŋ yɩa wɩalɩŋ ŋ sɩ daga arɩ wombie-la ŋ sɩ bile dɩ la tuto nɛ.

DANƖƐL 9:8

La TƖƖNA, hɩɩsɩŋ kɛŋ la dɩ la kuoroo, la sɩpaalaaraa arɩ la nyɩmmaba kala nɛ, bɛɛ wɩaa la ŋaa wʋbɔŋ nɛ ŋ teeŋ.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Luuk 2:37

ka ʋ ŋaa yo-haal a kaa mʋ yi ʋ jɩsɩŋ mahɩŋ banɛsɛ arɩ banɛsɛ lɛ. Ʋ fa yie hɛ Wɩa dɩɩ-balɩŋ lɛ nɛ wɩɩhɛyɛ arɩ tɩtaŋɩŋ kala, ʋ bɩ lɩɩ. Ʋ yie vɔɔ niiŋ nɩmɛ aŋ pɛ chʋchʋɔlɛ Wɩa.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

1 Timoti 5:5

Yo-haal-la chaasa bɩ nʋʋkala kɛnɛ dɩ ʋ benu, ʋ yie joŋ ʋ yɩɛlaa kala hɛ Wɩa lɛ aa sʋlʋ tɩtaŋɩŋ arɩ wɩɩhɛyɛ bʋa na-kala dɩ ʋ pɛ ʋ lɛ.

2 Timoti 1:3

Mɩɩ lɔllɛ Wɩa kɩŋkɛŋ, nɩɩ-la mɩ sɩ tɩma pa arɩ tʋɔ-bala, a nagɛ mɩ naabalɩmaba fa sɩ tɩma pʋ ŋɩɩ. Dɩ mɩ nɩɩ chʋɔlɛ Wɩa tɩtaŋɩŋ arɩ wɩɩhɛyɛ kala, mɩ yie liliisi ŋ wɩaa nɛ.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.