NƐHƖMAAYA 1:5 - WƖA TENIŊ

⁵ Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

NƐHƖMAAYA 1:5 ပူးပေါင်းရင်းမြစ်များ

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

1 IZIRAL TƖŊŊAA NAABARƖŊ 17:21

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa nɛ. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee nɩaa ta nɛ ŋ nɩaa sɩpaaŋ, ŋ nɩalɩŋ ŋ sɩ laa ta Ijipiti tinteeŋ lɛ.

ƐZƖRA 1:2

Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ.

NƐHƖMAAYA 2:4

Ŋɩɩ nɛ kuoro pɩɛsɛmɛ, “Bɛɛ kʋŋ nɛ saa ŋ chɩchɛ?” Ŋɩɩ nɛ mɩ sʋl Wɩa sɩ hɛ ʋ jaŋ lɛ dɩ ʋ pɛ mɩ lɛ,

NƐHƖMAAYA 4:14

Ŋɩɩ nɛ mɩ beŋ wɩaa jim, aŋ bʋla pɩ tinteeŋ nɩbalaa, tɩntɩnnɩ-hɩasɩŋ arɩ nɩkaana-la, “Má sɩ́ leŋe dɩ fawʋllʋŋ kɛmma a tɩŋ la dʋndɔŋŋɔɔ wɩaa. Má liisi ŋɩɩ La TƖƖNA sɩ kɛŋ doluŋ, nɩaa fɩfáʋ, aŋ yuo laa ma naambiiriŋ, ma hambolibiisiŋ, ma toloo, ma haalaa arɩ ma dɩɩsɩŋ.”

NƐHƖMAAYA 4:8

Ba kala vʋʋrɛ dɩ ba kʋ hɛ yuosuŋ Jerusalɛm lɛ a kɛŋ wɩaa vʋgʋmɛ.

NƐHƖMAAYA 9:32

Lɛɛlɛ la Wɩa, ŋ nɛ yʋga a kɛŋ doluŋ nɩaa fɩfáŋ, ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ kaa tɩtɩŋ nɛ. Sɩ́ bee kieli hɛɛ-la la sɩ na a chɩŋ bʋa-la lɛ Asiiria kuoroo sɩ dɔgɩsɛla a kaa kɔ jɩnɩŋ. La kuoroo arɩ la sɩpaalaaraa, la ŋ Wɩɩsʋllɩ sɩpaalaaraa arɩ ŋ wʋlaabʋllaa, la naabalɩmaba arɩ ŋ nɩaa kala nɛ na hɛɛ-la.

WƖA YƖƖLAA 47:2

Ʋ maga dɩ ma fá La Tɩɩna sɩ kɩɩ kʋŋkala nɛ, ʋ nɛ kuoru-balɩŋ sii beŋ dʋnɩa kala.

WƖA YƖƖLAA 76:8

Ŋ hɛ ŋ jaŋ lɛ nɛ, aŋ bʋl arɩ ŋ jaŋ dii nɩaa sarɩya, fawʋllʋŋ kɛŋ dʋnɩa nɩaa nɛ ba ŋaa fʋɩɩ,

WƖA YƖƖLAA 89:2

Mɩ jaŋ leŋ dɩ ba jɩŋ arɩ ŋ chono-la chaasa chɩŋ nɛ a kaa mʋ wuu. Ŋ wʋtɩtɩɩ ma chɩŋ kpaŋkpaŋ a nagɛ wɩa-nyuŋ.

WƖA YƖƖLAA 89:3

Ŋ bʋla, “Mɩ bil niiŋ nɛ mɩ dɩ nɩɩ-la mɩ sɩ lɩɩsa pɛgɛ, mɩ ŋmɩɛsa pɩ mɩ tɩntɩnna Devit nɛ a bʋl,

WƖA YƖƖLAA 89:8

La Tɩɩna Wɩa doluŋ kala Tɩɩna, kʋbɛɛ nɛ magɩŋ? La TƖƖNA, ŋ nɛ kɛŋ doluŋ arɩ wʋtɩtɩɩ.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

MOSIS BƖRA WULLI WƖA WOMBIIŊ 7:12

Dɩ ma nɛ to wombie-la woruŋ a kɛmba tɩtɩŋ, ma TƖƖNA Wɩa jaŋ choma a leŋ dɩ nii-la ʋ sɩ hɛ ʋ dɩ ma pɛgɛ chɩŋ, arɩ ʋ sɩ ŋmɩɛsɛ ŋɩɩ pɩ ma naabalɩmaba.

MOSIS BƖRA WULLI WƖA WOMBIIŊ 7:21

Má sɩ́ leŋe dɩ fawʋllʋŋ kɛmma a tɩŋ nɩalɩŋ wɩaa, ma TƖƖNA Wɩa hɛ ma teeŋ nɛ, ʋ ŋaa Wɩa sɩ kɛŋ doluŋ nɛ woruŋ a magɛ dɩ nʋʋkala fɩfáʋ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.