NƐHƖMAAYA 1:4 - WƖA TENIŊ

⁴ Mɩ sɩ nɩɩ wɩaa deemba, ŋɩɩ nɛ mɩ hɔŋ a yel. Mɩ yel tapʋl daŋ, a vɔɔ niiŋ a chʋɔlɛ Wɩa sɩ hɛ ʋ jaŋ lɛ.

NƐHƖMAAYA 1:4 ပူးပေါင်းရင်းမြစ်များ

2 SAMƲƐL 12:16

Devit sʋl Wɩa dɩ ʋ leŋ dɩ bile duori. Ʋ yie vɩa kʋdiilee aŋ jʋʋ pɩŋ ʋ dɩa tinteeŋ tɩtaŋ na-kala.

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 6:13

Ʋ fa kɛŋ kɔlɩɩŋ ŋaa kʋ-taala nɛ, ʋ duomuŋ ŋaa naakieliŋ bʋlɩa arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa arɩ kpaa magɛ dɔŋɔ, ka ʋ leŋiŋ ŋaa naakieli-bala arɩ kpaa magɛ dɔŋɔ, ʋ joŋo bil Wɩa dɩɩ-bal-la harɩŋ kaala-la tʋtʋɔbaanɩŋ. Ŋɩɩ nɛ ʋ jɩl kʋ-la nyuŋ a tuu kpirimi Iziral tɩŋŋaa kala sɩpaaŋ, a kɛŋ ʋ nɩsaa je wɩa-nyuŋ.

ƐZƖRA 1:2

Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ.

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

ƐZƖRA 9:3

Mɩ-na Ɛzɩra sɩ nɩɩ wɩɩŋ deeŋ, mɩ kɛŋ mɩ gɛnnɩŋ kɩɛsɛ, a lɛrɛ mɩ nyu-pʋnaa arɩ tɔŋŋɔɔ churi aŋ hɔŋ a kala vɔgɛ arɩ tʋɔ-cheeŋ.

ƐZƖRA 9:5

Dɩdaanɩŋ Wɩɩsʋlʋŋ bʋa-la lɛ, mɩ sii lee-la mɩ fa sɩ hɔnɔ arɩ tʋɔ-cheeŋ, aŋ ha laalɛ gɛnnɩ-la mɩ sɩ kaa kɩɛsɛ. Ŋɩɩ nɛ mɩ tuu kpirimi mɩ naadʋsʋŋ nyuŋ a kɛŋ nɩsaa je mɩ Tɩɩna Wɩa teeŋ,

NƐHƖMAAYA 2:20

Mɩ bʋla pɩba, “Wɩa sɩ hɛ ʋ jaŋ lɛ jaŋ pɛ la lɛ dɩ la tɩŋ tɩntɩmɩɩ-la dɛrɛ. La ŋaa ʋ tɩntɩnnaa nɛ, la jaŋ suomo sɩsaa jebii-la. Ama ma-na bɩ kpaal kala kɛnɛ Jerusalɛm lɛ, a bɩ ʋ naaba wɩaa tʋɔŋ ma lɛ pɛ.”

NƐHƖMAAYA 2:4

Ŋɩɩ nɛ kuoro pɩɛsɛmɛ, “Bɛɛ kʋŋ nɛ saa ŋ chɩchɛ?” Ŋɩɩ nɛ mɩ sʋl Wɩa sɩ hɛ ʋ jaŋ lɛ dɩ ʋ pɛ mɩ lɛ,

WƖA YƖƖLAA 102:15

Tinteyee nɩaa jaŋ fá La Tɩɩna, dʋnɩa kuoroo kala jaŋ zilu a tɩŋ ʋ tʋla wɩaa.

WƖA YƖƖLAA 136:26

Má lɔllɛ Wɩa sɩ hɛ ʋ jaŋ lɛ. Ʋ chonuŋ bɩ dɛrɛ.

WƖA YƖƖLAA 137:1

Bʋa-la lɛ la sɩ hɔŋ Babɩlɔŋ fuonu-la sɛmɛ, nɩmɛ nɛ la liisi Zaayɔŋ wɩaa a yel woruŋ.

DANƖƐL 10:2

Bʋa-la lɛ, mɩ-na Danɩɛl yele yɔɔsʋŋ batori nɛ.

DANƖƐL 2:18

Ʋ bʋla pɩba dɩ ba sʋl Wɩa sɩ hɛ ʋ jaŋ lɛ a bibeŋ kʋŋkala dɩ ʋ fá ba nenige a dagɛba wʋkpuŋkpere-la bʋbʋɔŋ, dɩ ba sɩ́ ʋ dɩ ʋ nandɔnsʋŋ kpʋ a pɛ wʋjɩnna-la sɩ hɛ Babɩlɔŋ lɛ.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”

ZEFANAAYA 3:18

La TƖƖNA bʋla, “Mɩ jaŋ lɩɩsɛ tʋɔ-chei-la ma sɩ kɛnɛ a tɩŋ ma bɩra sɩ́ bɩ gbiele-la ma sɩ yie vɛnɛɛ gbieli ka gbieli wɩaa. Ʋ ŋɩɩ fa ŋaa chʋga arɩ hɩɩsɛ nɛ ma lɛ.

Rom Tɩŋŋaa 12:15

Dɩ nɩaa tʋɔŋ nɛ tɔrɔ, ŋ ma leŋ dɩ ŋ tʋɔŋ tɔrɛ, dɩ nɩaa tʋɔŋ nɛ cheye, ŋ ma chɩl ba tʋɔ-cheeŋ wɩaa.