NƐHƖMAAYA 1:3 - WƖA TENIŊ

³ Ŋɩɩ nɛ ba bʋla pɩmɛ, “Nɩalɩŋ sɩ bɩ sʋba yoŋ-baga lɛ mɩɩra kɔ tintee-la nɛ a chaasa hɛ wʋwalɩmaa arɩ hɩɩsɩŋ tʋɔŋ. Jebii-la sɩ golli Jerusalɛm kala nɛ ba ŋmoo lo a nyɩgɛ ʋ boi-baalaa kala.”

NƐHƖMAAYA 1:3 ပူးပေါင်းရင်းမြစ်များ

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

2 KUOROO 25:10

Ŋɩɩ nɛ Nebuzaradaŋ leŋ ʋ laalɩyuoroo ŋmoo kɛrɛ-la ba fa sɩ saa golli Jerusalɛm a lo.

2 IZIRAL TƖŊŊAA NAABARƖŊ 36:19

Ŋɩɩ nɛ ba chol nyiniŋ hɛ Wɩa dɩɩ-bal-la lɛ aŋ ŋmoo jebii-la sɩ golli Jerusalɛm lo a nyɩgɛ kuoru dɩɩsɩ-la a chei kʋzɔŋ na-kala sɩ hɛ nɩmɛ.

ƐZƖRA 2:1

Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

ƐZƖRA 5:8

Kuoro, laa chɛ dɩ ŋ jɩŋ arɩ la mʋ Juda tinteeŋ sɛmɛ dɔŋɔ nɛ, lee-la ba sɩɩ saa Wɩɩ-balɩŋ dɩɩ-bal-la. Nɩalɩŋ kɛŋ tabɩaa sɩ jalɩa nɛ a sɩsaa a joŋ doloo hɩhɛ jebiee lɛ. Ba fɩɛsɛ sɩɩŋ nɛ a tɩtɩŋ tɩntɩmɩɩ-la ʋ mʋmʋ sɩpaaŋ arɩ ba sɩ dagɛ ŋɩɩ.

NƐHƖMAAYA 11:3

Iziral tinteeŋ ba sɩ kaa kpaa leree sɩpaalaaraa fa hɔŋ Jerusalɛm lɛ nɛ. Iziral tɩŋŋaa dɔnsʋŋ, a pɛ Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ tɩŋ Wɩa dɩɩ-bal-la lɛ, arɩ Solomoŋ tɩntɩnnaa doho nɩaa fa hɔŋ ba tɩtɩa tinteyee lɛ nɛ Juda tasɩŋ lɛ.

NƐHƖMAAYA 2:13

Tɩtaŋ-la mɩ to boi-baal-la ba sɩɩ yɩrɛ Fuonaaŋ Boi-baalɩŋ nɛ lɩɩ a chaasɛ vil-la ba sɩɩ yɩrɛ Jolluŋ Viliŋ a mʋ yi boi-baal-la ma ba sɩɩ yɩrɛ Nɛ-bɩnɩŋ Boi-baalɩŋ a gɔllɔɔ beŋ Jerusalɛm jebie-la ba sɩ ŋmoo lo, arɩ ʋ boi-baala-la nyiniŋ sɩ dii chei.

NƐHƖMAAYA 2:17

Ŋɩɩ nɛ mɩ bʋla pɩba, “Ma tɩtɩa na wʋwalɩmɩa-la tʋɔŋ la sɩ hɛ nɛ. Jerusalɛm kala pɩŋ jikpeeŋ nɛ, ba nyɩgɛ ʋ boi-baalaa ma. Má kɔ dɩ la paa Jerusalɛm jebii-la wasa saa, a tɔ la hɩɩsɩŋ.”

NƐHƖMAAYA 2:3

Ama mɩ bʋla pɩ kuoro, “Kuoro, a leŋ dɩ ŋ mɩɩsɩŋ duomi. Mɩ tʋɔŋ cheye bɛɛ wɩaa, tabal-la lɛ ba sɩ hugi mɩ naabalɩmaba pɩŋ jikpeeŋ nɛ, ʋ boi-baalaa ma kala nɛ nyiniŋ dii chei.”

NƐHƖMAAYA 7:6

Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

ƐSƖTA 1:1

Wɩɩŋ deeŋ nɛ ŋaa bʋa-la lɛ Zɛzɛs sɩɩ beŋ tasɩŋ zɔlɔ arɩ mara arɩ balɩpɛ a chɩŋ Indɩa lɛ a kaa mʋ Kus.

WƖA YƖƖLAA 79:4

Tinteye-la nɩaa sɩ gollila tʋʋsɛla, a mɔnla, aŋ sisieri la lɛ.

NAMAGABA 25:28

Nʋʋ sɩ bɩ ʋ tɩtɩa wuo kɛŋ, ʋ nagɛ taŋ ba sɩ saa kɛrɛ golli, ʋ tel aŋ ka taŋ-la nɛ.

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 52:14

Ŋɩɩ nɛ Nebuzaradaŋ leŋ ʋ laalɩyuoroo ŋmoo kɛrɛ-la ba fa sɩ saa golli Jerusalɛm a lo.

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

JEMBIEE 3:61

La TƖƖNA, ŋ nɩɩ jomo-la ba sɩ tʋʋsɛmɛ nɛ, wɩalɩŋ kala ba sɩ vʋʋra a chɩŋ mɩ lɛ,

JEMBIEE 5:1

La TƖƖNA, liise yi wɩalɩŋ sɩ ŋaa la lɛ, beŋ a na hɩɩsɩŋ sɩ kɛnla ŋɩɩ.

LEVI DOHO NƖAA 26:31

Mɩ jaŋ leŋ dɩ ma tasɩŋ pɩŋ jikpeeniŋ aŋ chei ma vʋɩyaa dɩ-kpaaraa, ma kʋnyɩgaa Wɩɩsʋlʋŋ sʋɔra bɩra bɩ jaŋ sɩma pɩmɛ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.