NƐHƖMAAYA 1:10 - WƖA TENIŊ

¹⁰ Ba ŋaa ŋ tɩntɩnnaa arɩ ŋ nɩaa nɛ. Ba nɛ ŋ kɛŋ ŋ dol-balɩŋ arɩ ŋ naduo-la laa ta ŋɩɩ.

NƐHƖMAAYA 1:10 ပူးပေါင်းရင်းမြစ်များ

WƖA YƖƖLAA 136:12

Ʋ naduo-la nɛ ʋ kaa laaba ta. Ʋ chonuŋ bɩ dɛrɛ.

WƖA YƖƖLAA 74:2

Liisi nɩalɩŋ ŋ sɩ laa ta faafaa kala wɩaa, ba nɛ doho-la nɩaa ŋ sɩ lɩɩsa ba ŋaa ŋ nɩaa, ŋ laaba ta. Bɩɩnɛ Zaayɔŋ peeliŋ wɩaa, lee-la ŋ fa sɩ hɛ.

WƖA YƖƖLAA 89:14

Tʋɔpʋla arɩ tɛŋɛ nɛ ŋaa ŋ kuoruŋ gentine, ŋ chono-la sɩ bɩ dɛrɛ arɩ wʋtɩtɩɩ ma nɛ laa ŋ sɩpaaŋ.

MOSIS KƐŊ IZIRAL TƖŊŊAA LƖƖ 13:14

Maachie dɩ ŋ bie nɛ pɩɛsɩŋ a chɩchɛ dɩ ʋ jɩŋ wɩɩ-la ŋ sɩɩ ŋaa bʋbʋɔŋ, bʋla pʋ, ‘La TƖƖNA kɛŋ ʋ doluŋ nɛ a kɛnla lɩɩ Ijipiti tinteeŋ lɛ, lee-la la fa sɩ hɛ a ŋaa yosi.

MOSIS KƐŊ IZIRAL TƖŊŊAA LƖƖ 13:16

Wɩaa deemba saa jaŋ nagɛ magɩlɩŋ ŋ nɩsɩŋ lɛ, a nagɛ magɩl ŋ tile lɛ arɩ La TƖƖNA nɛ kɛnla lɩɩ Ijipiti tinteeŋ lɛ arɩ ʋ doluŋ.”

MOSIS KƐŊ IZIRAL TƖŊŊAA LƖƖ 13:3

Ŋɩɩ nɛ Mosis bʋla pɩ Iziral tɩŋŋaa, “Má liisi tapʋlʋŋ deeŋ La TƖƖNA sɩ kɛmma lɩɩ Ijipiti tinteeŋ lɛ wɩaa, lee-la ma fa sɩ hɛ a ŋaa yosi. Ʋ chaasa joŋ doluŋ nɛ a kɛmma kʋ lɩɩ. Má sɩ́ kʋŋkala sɩ kɛŋ sɩbʋrʋŋ dii tapʋlɩɩ-la.

MOSIS KƐŊ IZIRAL TƖŊŊAA LƖƖ 13:9

Gbiele deeŋ jaŋ nagɛ magɩl ma nɩsaa lɛ, a nagɛ magɩl ma tilliŋ lɛ dɩ La TƖƖNA niiŋ wɩaa sɩ́ ma niiŋ lɛ lɛl. Ʋ doluŋ nɛ ʋ kaa kɛmma lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 15:13

Ŋ chonuŋ sɩ bɩ dɛrɛ wɩaa ŋ jaŋ laa nɩalɩŋ ŋ sɩ laata sɩpaaŋ. Ŋ dol-la nɛ ŋ jaŋ kaa kɛmba hɛ ŋ dɩɩ-zɔmʋŋ tʋɔŋ.

MOSIS KƐŊ IZIRAL TƖŊŊAA LƖƖ 32:11

Ŋɩɩ nɛ Mosis sʋl ʋ Tɩɩna Wɩa a bʋl, “Ou, mɩ Tɩɩna, bɛɛ nɛ tɩɩ ŋ na baanɩŋ a chɩchɛ dɩ ŋ chei nɩalɩŋ ŋ sɩ kaa kʋ lɩɩ Ijipiti tinteeŋ lɛ arɩ ŋ doluŋ?

MOSIS KƐŊ IZIRAL TƖŊŊAA LƖƖ 6:1

Ŋɩɩ nɛ La TƖƖNA bʋla pɩ Mosis, “Lɛɛlɛ ŋ jaŋ na wɩɩ-la mɩ sɩ jaŋ ŋaa Ijipiti tinteeŋ kuoro lɛ. Mɩ jaŋ fʋgʋ dɩ ʋ leŋ dɩ mɩ nɩaa mʋ. Mɩ jaŋ fʋgʋ dɩ ʋ kiriba dɩ ba lɩɩ ʋ tinteeŋ lɛ.”

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 6:7

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

AZAAYA 64:9

La TƖƖNA, sɩ́ faasa na baanɩŋ la nyuŋ a kieli, sɩ́ la wʋbɔmɔ-la wɩaa liisu a kaa mʋ wuu. Jaaŋ jaaŋ, fá la nenige. La kala ŋaa ŋ nɩaa nɛ.

MOSIS BƖRA WULLI WƖA WOMBIIŊ 15:15

Ma jɩŋ arɩ ma ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, ŋɩɩ nɛ tɩɩ mɩ joŋ wɩɩŋ deeŋ aa dagɛma jɩnɩŋ.

MOSIS BƖRA WULLI WƖA WOMBIIŊ 9:29

Ba ŋaa ŋ nɩaa nɛ, ŋ nɛ tɩɩba, ŋ nɛ kɛmba arɩ ŋ dol-balɩŋ a kaa lɩɩ Ijipiti tinteeŋ lɛ.”