NAMBABA 3:3 - WƖA TENIŊ

³ Arɔŋ hambolibiisiŋ deemba nɛ ba joŋ Wɩɩsʋllɩ nʋʋŋ tɩsɛ a jomba hɛ Wɩa nɩsɩŋ lɛ dɩ baa tɩŋ Wɩɩsʋllɩ sɩpaalaaraa tɩntɩŋŋaa.

NAMBABA 3:3 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 23:6

Ŋɩɩ nɛ Devit kɛŋ Levi doho nɩalɩŋ kpaa leree batori ba nyɩŋ-nɩaa nyusuŋ: Gɛsɔŋ, Kohaf arɩ Mɛrarɩ.

MOSIS KƐŊ IZIRAL TƖŊŊAA LƖƖ 28:41

Joŋ gɛnnɩŋ deemba a laalɛ ŋ naambie Arɔŋ arɩ ʋ hambolibiisiŋ, aŋ joŋ Wɩɩsʋllɩ nʋʋŋ a sʋl Wɩa hɛ ba lɛ a jomba hɛ mɩ-na Wɩa nɩsɩŋ lɛ dɩ ba ŋaa Wɩɩsʋllɩ sɩpaalaaraa.

MOSIS KƐŊ IZIRAL TƖŊŊAA LƖƖ 40:13

Joŋ mɩ tɩntɩnnɩ gɛnnɩ-la a laalɛ Arɔŋ, a joŋ Wɩɩsʋllɩ nʋʋŋ tɩsʋ dɩ ʋ ŋaa mɩ Wɩɩsʋllɩ sɩpaalaarʋ.

MOSIS KƐŊ IZIRAL TƖŊŊAA LƖƖ 40:15

Joŋ Wɩɩsʋllɩ nʋʋ-la tɩsɛba arɩ ŋ sɩ joŋo tɩsɛ ba nyɩmma ŋɩɩ, dɩ ba ŋaa Wɩɩsʋllɩ sɩpaalaaraa. Wɩɩsʋllɩ nʋʋ-la ŋ sɩ joŋo tɩsɛba jaŋ leŋ dɩ ba nɛ ŋaa doho-la nɩaa sɩ jaŋ ŋaa Wɩɩsʋllɩ sɩpaalaaraa a kaa mʋ wuu.”

LEVI DOHO NƖAA 8:12

aŋ wansɛ nʋʋ-la dɔnsʋŋ ma a hɛ Arɔŋ nyuŋ lɛ a sʋl Wɩa hɛ ʋ lɛ a joŋu hɛ Wɩa nɩsɩŋ lɛ.

LEVI DOHO NƖAA 8:30

Ŋɩɩ nɛ Mosis joŋ Wɩɩsʋllɩ nʋʋŋ arɩ chal-la dɔnsʋŋ sɩ hɛ Wɩɩsʋlʋŋ koru-la lɛ a mɩsa hɛ Arɔŋ arɩ ʋ hambolibiisiŋ arɩ ba gɛnnɩŋ kala lɛ. Ʋ ŋaa ŋɩɩ nɛ a joŋ Arɔŋ arɩ ʋ hambolibiisiŋ arɩ ba gɛnnɩŋ kala a hɛ Wɩa nɩsɩŋ lɛ.

NAMBABA 3:4

Ama Nadab arɩ Abihu-na tel La TƖƖNA sɩpaaŋ nɛ a sʋʋ Sɩnaɩ tintee-hɩlɩɩ-la lɛ, bʋa-la ba sɩ nyɩgɛ Wɩɩsʋlʋŋ kɩaa pɩ La TƖƖNA, ka ʋ bɩ ba ŋɩɩ daga. Nadab arɩ Abihu fa bɩ biiriŋ lʋla, ŋɩɩ wɩaa ba nyɩmma Arɔŋ mɩɩsɩŋ lɛ Elieza arɩ Ɩtama dʋndʋŋa nɛ faa tɩŋ Wɩɩsʋllɩ sɩpaalaaraa tɩntɩŋŋaa.

Hiburu TƖŊŊAA 7:28

Ba yie to wɩalɩŋ Mosis fa sɩ ŋmʋnsa bil dɩ nɩaa tuto lɛ nɛ a lɩɩsɛ nɩaa dɩ ba ŋaa Wɩɩsʋllɩ sɩpaalaaraa kʋhɩasɩŋ. Nɩalɩŋ ba sɩ lɩɩsa fa kɛŋ wʋbɔŋŋɔɔ nɛ. Ama wɩɩ-la Wɩa sɩ bʋla a tɩgɛ ʋ Bie Yesu lɛ to harɩŋ nɛ a kɔ. Wɩa ŋmɩɛsa nɛ aŋ-na lɩɩsɛ Yesu dɩ ʋ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ. Ʋ chaasa ŋaa nɩzɔŋ nɛ a kaa mʋ wuu.