NAMBABA 1:3 - WƖA TENIŊ

³ Ŋ dɩ Arɔŋ maga dɩ ma dɩɩsɛ Iziral tɩɩna na-kala sɩ ŋaa baal a yi jɩsɩŋ mara koo a kɩɩ a jaŋ wuo mʋ laalɩŋ.

NAMBABA 1:3 ပူးပေါင်းရင်းမြစ်များ

2 SAMƲƐL 24:9

Jʋab dagɛ laalɩyuoro-la kala niiŋ a pɩ kuoro: Iziral tinteeŋ lɛ nɩalɩŋ sɩ jaŋ wuo yuo laalɩŋ ŋaa bʋɩ zɔlɔ chori nɛ, Juda ma nɩaa ŋaa bʋɩ zɔɔ-banɔŋ.

1 IZIRAL TƖŊŊAA NAABARƖŊ 5:18

Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la sɩ hɛ wɩɩpɔsʋŋ dɩɩrɩŋ, ba kala fa kɛŋ laalɩyuoroo bʋɩ mahɩŋ balɩa arɩ banɛsɛ arɩ zɔɔ-balɩpɛ arɩ mahɩŋ batori nɛ sɩ kɛŋ ba tɩtɩa hɛ dɔŋɔ dɩ ba yuo laalɩŋ. Ba fa ŋaa laalɩyuoroo ba sɩ daga ba jɩŋ hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, tokobiee arɩ tosuŋ kaa yuo laalɩŋ nɛ.

2 IZIRAL TƖŊŊAA NAABARƖŊ 25:5

Kuoro Amazɩa yɩrɛ Juda nɩaa hɛ dɔŋɔ lɛ a leŋ ba chɩŋ dɩa dɩa, ʋ jomba hɛ Juda arɩ Bɛnjamɩŋ laalɩyuori-hɩasɩ-la sɩɩ beŋ laalɩyuoroo bʋɩba arɩ nɩalɩŋ sɩɩ beŋ laalɩyuoroo zɔlɔba nɩsɩŋ lɛ. Ŋɩɩ nɛ ʋ tʋɔsɛ nɩalɩŋ sɩ yi jɩsɩŋ mara koo a kieli, a na dɩ ba fa ŋaa nɩaa bʋɩ zɔɔ-batori sɩ jaŋ wuo yuo laalɩŋ, a jaŋ wuo kori timiŋ arɩ hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ.

MOSIS KƐŊ IZIRAL TƖŊŊAA LƖƖ 12:17

Ʋ maga dɩ maa gbieli boroboro-la sɩ bɩ sɩbʋrʋŋ kɛnɛ gbiele nɛ, bɛɛ wɩaa tapʋlɩɩ-la nɛ mɩ kɛŋ ma doho nɩaa kala kʋ lɩɩ Ijipiti tinteeŋ lɛ. Ma dɩ ma doho nɩaa kala sɩ jaŋ to ma harɩŋ kɔ jaŋ gbigbieli tapʋlʋŋ deeŋ chɛɛŋ a kaa mʋ wuu.

MOSIS KƐŊ IZIRAL TƖŊŊAA LƖƖ 30:14

Nʋʋ na-kala sɩ yi jɩsɩŋ mara koo a kieli jɩsɩŋ mara ba dɩɩsʋ maga dɩ ʋ tiŋ moribiiŋ deeŋ nɛ a pɩmɛ.

MOSIS KƐŊ IZIRAL TƖŊŊAA LƖƖ 38:26

Nʋʋkala ba fa sɩ dɩɩsa, ʋ time magɛ ŋɩɩ ba sɩɩ tiŋ Wɩa dɩa lɛ nɛ, baala-la kala sɩ yi jɩsɩŋ mara koo a kieli, fa ŋaa nɩaa bʋɩ zɔɔ-balɩdʋ arɩ batori arɩ zɔɔ-banɔŋ arɩ mahɩŋ balɩa arɩ fii nɛ.

NAMBABA 14:29

Ma nɩalɩŋ kala sɩ yi jɩsɩŋ mara koo a kɩɩ ŋɩɩ, ba dɩɩsʋ bʋa-la lɛ ba sɩɩ dɩɩsɛ nɩaa, nɩalɩŋ sɩ gʋrɩmɛ wɩaa mɩ teeŋ, ba jaŋ sʋʋ tintee-hɩlɩŋ deeŋ tʋɔŋ.

NAMBABA 26:2

Ʋ sɩ, “Má dɩɩsɛ Iziral tɩŋŋaa dɩa dɩa, baal na-kala sɩ yi jɩsɩŋ mara koo a kɩɩ a jaŋ wuo mʋ laalɩŋ.”

NAMBABA 3:15

“Dɩɩsɛ Levi doho nɩaa doho doho arɩ dɩa dɩa. Dɩɩsɛ baal na-kala sɩ yi chɛnɛ koo a kɩɩ ŋɩɩ.”

NAMBABA 32:11

Ʋ sɩ, ‘A tɩŋ ba sɩ bɩ mɩ to arɩ ba tʋɔŋ kala, baala-la kala sɩ lɩɩ Ijipiti tinteeŋ lɛ a yi jɩsɩŋ mara koo a kɩɩ ŋɩɩ bɩ jaŋ na tintee-la mɩ sɩ hɛ niiŋ pɩ Abɩraham, Aɩzɩk arɩ Jekɔb arɩ mɩ jaŋ joŋo pɩba,

NAMBABA 33:1

Iziral tɩŋŋaa doho kala sɩ lɩɩ Ijipiti tinteeŋ lɛ, Mosis arɩ Arɔŋ ŋaa ba sɩpaalaaraa, ba vɛŋ doho doho a hɔŋ lere-la nɛ ŋ-la.

NAMBABA 4:3

Má dɩɩsɛ baala-la kala sɩ yi jɩsɩŋ mara arɩ fii a kaa mʋ mahɩŋ balɩa arɩ fii, nɩalɩŋ kala sɩ maga dɩ ba kʋʋ tɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ.

MOSIS BƖRA WULLI WƖA WOMBIIŊ 24:5

Dɩ baal nɛ jaa ha-falɩŋ, ʋ bɩ maga dɩ ma leŋ dɩ ʋ mʋ laalɩŋ koo a pʋ tɩntɩmɩɩ-dɔŋ kala. Ʋ maga dɩ ʋ hɔŋ dɩa lɛ nɛ jɩna, a ŋaa wɩalɩŋ sɩ jaŋ leŋ dɩ ʋ haal-la tʋɔŋ tɔrɛ.

MOSIS BƖRA WULLI WƖA WOMBIIŊ 3:18

Bʋa-la lɛ mɩ bʋla pɩma, “Ma Tɩɩna Wɩa joŋ tinteeŋ deeŋ a pɩma nɛ ʋ ŋaa ma kʋŋ. Ama ma baala-la kala sɩ jaŋ wuo mʋ laalɩŋ, má paa ma laalɩyuori kɩaa a laa ma naambiiriŋ Iziral tɩŋŋaa sɩpaaŋ a chol Jɔdaŋ fuo-la.