NAHUM 2:3 - WƖA TENIŊ

³ Hɔɔtaalɩ-la ʋ laalɩyuoroo sɩ kaa kɛrɛɛ laa bayuori hɛŋŋɛɛ kala fɩɛsa nɛ. Ba gɛnnɩŋ ma fɩɛsɛ. Ba laalɩŋ janɩŋ torukoba hɔɔnʋŋ ma lɩlɩgɩsɛ tapʋlɩɩ-la ba sɩ kɛŋ ba tɩtɩa a didii barɩŋ, ba tiŋŋee viviisi.

NAHUM 2:3 ပူးပေါင်းရင်းမြစ်များ

JOB 39:23

To-huoŋ yie dʋdɔŋ nɛ ʋ sɛmɛ, a pɛ timiŋ wɩɩpɔsʋŋ sɩ leŋe ʋ lɩlɩgɩsɛ lɛ.

WƖA YƖƖLAA 80:13

Baga toonuŋ lɩɩ duuŋ tʋɔŋ a yigi tɩa-la lo nɛ, baga kɩaa didii.

AZAAYA 14:8

Tɩɩsɩ-la sɩ hɛ Lɛbanɔŋ lɛ ma paala jʋjʋɔsɛ nɛ a tɩŋ kuoru-la sɩ tele wɩaa, a bʋl, ‘Lɛɛlɛ ŋ sɩ tele ŋ-la, nʋʋkala bɩra bɩ jaŋ kerila lo.’

ƐZƖKƖƐL 23:24

Ba jaŋ kɛŋ laalɩyuori kɩaa, laalɩŋ janɩŋ torukoba arɩ torukoba arɩ nɩ-daŋ a kɔ ŋ lɛ. Ba jaŋ kʋ chɩna golluŋ a kori hɔɔtaalɩ-la laalɩyuori sɩ kaa kɛrɛɛ laa bayuori hɛŋŋɛɛ kʋjalaa arɩ kʋbiisiŋ a chu nyunchu-gbaŋkogunuŋ. Mɩ jaŋ joŋuŋ a hɛ ba nɩsɩŋ lɛ dɩ ba dɔgʋsʋŋ. Ba jaŋ dɔgʋsʋŋ a magɛ ŋɩɩ ba wombiiŋ sɩ daga.

ƐZƖKƖƐL 26:7

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛŋ Babɩlɔŋ kuoro Nebukadineza sɩ kɛŋ doluŋ kɩɩ dʋnɩa kuoroo kala kɔ dɩ ʋ yuo Taaya. Ʋ jaŋ lɩɩ wɩɩpɔsʋŋ nagʋa dɩɩrɩŋ a kɛŋ laalɩyuori daŋ, a pɛ janɩŋ, janɩŋ torukoba arɩ ja-jɩllaa sɩ yʋga lɛ.

NAHUM 3:2

Má jegili, chɩbɩsɩŋ ka dɔŋ nɛ, gɩrɩŋgɩrɩmba ma ŋmoo dɔŋɔ a dʋdɔŋ, janɩŋ naasɩŋ ma dʋdɔŋ, laalɩŋ janɩŋ torukoba ma dɔmɔ tuto.

ZƐKARƖYA 1:8

Tɩtaŋɩŋ mɩ na wɩaa a nagɛ duosoo tʋɔŋ. Mɩ na baala sɩ jɩl ja-fɩaŋ. Ʋ fa chɩŋ chɛyɛɛ tʋɔŋ nɛ fuonaa-luŋii kʋbala lɛ, ka ja-fɩaŋ, ja-bʋgʋŋ arɩ ja-pʋla hɛ ʋ harɩŋ.

ZƐKARƖYA 11:2

Bʋtʋma, ŋmoo niiŋ, bɛɛ wɩaa kuoluŋ tele nɛ. Ba chei tɩɩsɩ-la sɩ kɛŋ yɩrɩŋ nɛ. Basaŋ chɛrɩ tɩɩsɩŋ, má ŋmoo niiŋ, ba keri duu-la sɩ faasa lugi tɩɩsɩŋ kala lo nɛ.

ZƐKARƖYA 6:2

Laalɩŋ janɩŋ toruko bumbuŋ janɩŋ ŋaa kʋfɩɛsɩŋ nɛ, lɩa kʋa ma janɩŋ ŋaa kʋbisi,

Jɔɔŋ Wʋnaalaa 12:3

Ŋɩɩ nɛ kʋkpuŋkpere dɔŋɔ ma kʋ lɩɩ wɩa-nyuŋ. Kʋkpuŋkpere deeŋ fa nagɛ dɩmɩŋ sɩ yʋga kieli nɛ a kala fɩɛsɛ a nagɛ chalɩŋ. Dɩŋ-la fa kɛŋ nyusuŋ balɩpɛ nɛ arɩ nyilliŋ fii, a chu kuori nyunchuuluŋ balɩpɛ.

Jɔɔŋ Wʋnaalaa 6:4

Ŋɩɩ nɛ mɩ bee a na jaaba dɔŋɔ dɩ ʋ kʋ lɩɩ. Jɔɔ-la ŋaa ja-fɩaŋ nɛ a faasa fɩɛsɛ, ka nʋʋ hɔŋ ʋ nyuŋ. Ŋɩɩ nɛ ba pɩ tɩɩna wombiiŋ dɩ ʋ kɛŋ yuosuŋ kaa kɔ dʋnɩa, dɩ nɩaa yuyuo dɔŋɔ a kpʋkpʋ dɔŋɔ. Ba joŋ tokobii-bal nɛ a hɛ ʋ nɩsɩŋ lɛ.