NAHUM 1:3 - WƖA TENIŊ

³ La TƖƖNA baanɩŋ bɩ lɩma lɩma ka sii, ama ʋ kɛŋ doluŋ nɛ woruŋ. Ʋ bɩ jaŋ leŋ nɩalɩŋ sɩ ŋaa wɩaa chei pɛɩ, ʋ jaŋ dɔgɩsɛba. Ʋ wombiiŋ hɛ pel-vinvilimiŋ arɩ duoŋ-peliŋ tʋɔŋ nɛ, ʋ naasɩŋ bʋmbʋgʋŋ nɛ duoŋ-bɩlɩmbaanaa.

NAHUM 1:3 ပူးပေါင်းရင်းမြစ်များ

2 SAMƲƐL 22:10

Ŋ kɛŋ wɩa-nyuŋ bɛgɛ ta nɛ aŋ kʋ tuu, ka duoŋ-bɩlɩmbaaŋ-bisiŋ hɛ ŋ naasɩŋ bʋbʋɔŋ.

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

JOB 10:14

Ŋ faa beŋ nɛ dɩ ŋ na arɩ mɩ jaŋ ŋaa wʋbɔŋ, dɩ ŋ vɩa dɩ ŋ joŋo chɛmɛ.

JOB 38:1

Ŋɩɩ nɛ La TƖƖNA to duoŋ-peliŋ tʋɔŋ a bʋl wɩaa pɩ Job. Ʋ sɩ,

JOB 9:4

Wɩa wʋjɩmɩŋ yʋga, ʋ doluŋ ma pʋrɩgɛ leriŋ kala. Kʋbɛɛ nɛ ha wuo magɩsɛ Wɩa dɩ wɩɩ bɩ ʋ lɛ ŋaa?

WƖA YƖƖLAA 103:8

La Tɩɩna kɛŋ zile a fɩfá nɩaa nenige, ʋ baanɩŋ bɩ lɩma lɩma ka sii, ʋ nɩaa chonuŋ ma bɩ dɩdɛrɩ kɛnɛ.

WƖA YƖƖLAA 104:3

ka ŋ saa ŋ dɩa lɩɩŋ nyuŋ, a kɛŋ duoŋ-bɩlɩmbaanaa bɩrɩmɛ laalɩŋ janɩŋ toruko, peliŋ joŋuŋ vɩvɛŋ.

WƖA YƖƖLAA 145:8

La Tɩɩna ka fá nɩaa nenige nɛ, a kɛŋ zile. Ʋ baanɩŋ bɩ lɩma lɩma ka sii, ʋ cho nɩaa bʋa na-kala lɛ.

WƖA YƖƖLAA 147:5

La Tɩɩna nɛ yʋga, a kɛŋ doluŋ ma, ʋ wʋjɩmɩŋ bɩ dɩdɛrɩ kɛnɛ.

WƖA YƖƖLAA 50:3

La Wɩa kɔ nɛ ʋ bɩ lʋara, nyiŋgeliŋ laa ʋ sɩpaaŋ nɛ, ka pel-duoŋ gollu.

WƖA YƖƖLAA 62:11

Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 66:15

Má bee na, La TƖƖNA ka kɔ nɛ arɩ nyiniŋ, ʋ janɩŋ torukoba kala nagɛ pel-vinvilimiŋ nɛ. Ʋ jaŋ chaasa na baanɩŋ a joŋ nyiŋgeliŋ dɔgɩsɛ nɩalɩŋ nyuŋ ʋ baanɩŋ sɩ sie.

JƐRƖMAAYA 4:13

Má bee na, dʋndɔmɔ ka kɔ nɛ a nagɛ duoŋ-bɩlɩmbaanaa, ʋ janɩŋ torukoba ka kɔ nɛ a nagɛ pel-vinvilimiŋ, ka ʋ janɩŋ naasɩŋ lɩma kɩɩ kachuunuŋ sɩɩ fil. Wɩɩŋ puula, la dɩdɛrɩŋ nɛ ŋɩɩ.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

HOSIA 8:7

Kɩalɩŋ ŋ sɩ duo ba nɛ ŋ jaŋ kʋma yʋgɛ, dɩ mɩɩŋ nɛ bɩ lʋla ʋ bɩ bɩɩ. Dɩ ʋ nɛ fa paala hɛ biee ma, nʋhʋɔraa nɛ jaŋ joŋo dii.

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

ZƐKARƖYA 9:14

La TƖƖNA jaŋ kʋ chuguli ʋ nɩaa nyuŋ. Ʋ to-hɛŋŋɛɛ jaŋ lɩlɩgɩsɛ a nagɛ taŋ sɩɩ lɩgɩsʋ. La TƖƖNA Wɩɩjarɩbakɔ jaŋ ŋmʋʋ banyile, aŋ to wɩɩpɔsʋŋ nadiiŋ pel-duoruŋ tʋɔŋ.

NAMBABA 14:18

Ŋ-na La TƖƖNA baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ, a joŋ nɩaa wʋbɔŋŋɔɔ arɩ ba wʋcheelee aa chɛba, a bɩ nɩalɩŋ sɩ ŋaa wɩaa chei ka leŋ pɛɩ. Ŋ yie dɔgɩsɛ nyɩmmaba biiriŋ arɩ ba nihee arɩ ba nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.