MƖKA 7:9 - WƖA TENIŊ

⁹ Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

MƖKA 7:9 ပူးပေါင်းရင်းမြစ်များ

2 SAMƲƐL 24:17

Devit sɩ na Wɩa tɩndaarʋ-la sɩɩ kpʋ nɩalɩŋ, ʋ bʋla pɩ La TƖƖNA, “Mɩ nɛ nɩɩ-la sɩ ŋaa wʋbɔŋ-la a chei wɩaa. Nɩaa deemba nagɛ piesee nɛ. Bɛɛ nɛ ba ŋaa? Mɩɩra dɔgɩsɛ mɩ dɩ mɩ dɩa nɩaa nɛ.”

JOB 23:10

Ama ʋ-na jɩŋ wombii-la mɩ sɩɩ to nɛ. Dɩ ʋ nɛ joŋ wɩaa magɩsɛmɛ dɩ ʋ na, mɩ jaŋ lɩɩ fɩrr a nagɛ sɛlɩmɛ.

JOB 35:14

Ɛɛ nɛ saa ʋ jaŋ paala jegili ŋ teeŋ, ŋ sɩ sɩ ŋ bɩ ʋ ka na, dɩ ŋ wɩaa kala hɛ ʋ sɩpaaŋ nɛ, dɩ ŋ jaŋ gbɛrʋ?

WƖA YƖƖLAA 119:154

Chɩna gbɛrɩmɛ a laamɛ ta, a leŋ dɩ mɩ kɛŋ mɩɩsɩŋ arɩ ŋ sɩ hɛ niiŋ ŋɩɩ.

WƖA YƖƖLAA 37:6

Ʋ jaŋ leŋ dɩ ŋ tʋɔpʋla chaanɛ a nagɛ taŋ sɩ pʋla, a leŋ dɩ ŋ wʋtɩtɩɩ ma nagɛ wɩɩhɛyɛ pʋlʋmʋŋ.

WƖA YƖƖLAA 43:1

La Wɩa, leŋ dɩ nɩaa jɩŋ arɩ mɩ bɩ wɩɩ cheye, a chɩŋ mɩ harɩŋ dɩ nɩalɩŋ sɩ bɩŋ ka to sɩ́ mɩ wuo. Laamɛ ta nɩbɔŋŋɔɔ arɩ wʋnyɩɛraa nɩsɩŋ lɛ.

WƖA YƖƖLAA 7:6

Mɩ Tɩɩna, sii arɩ baanɩŋ a ŋaa wɩɩ. Yuo mɩ dʋndɔmɔ-la sɩ faasa na baanɩŋ mɩ nyuŋ. Sii a leŋ dɩ wʋtɩtɩɩ chɩŋ.

WƖA YƖƖLAA 94:15

Sarɩya diire jaŋ bɩra kɛŋ wʋtɩtɩɩ a dii nɩaa sarɩya, nɩalɩŋ kala wʋŋaalaa sɩ tʋʋla jaŋ to ŋɩɩ harɩŋ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 46:13

Mɩ kɛŋ mɩ tʋɔpʋla kʋ kpagɛma nɛ. Ʋ bɩra bɩ dɩ-bolii hɛ, mɩ bɩ jaŋ dieni aŋ laa nɩaa ta. Mɩ jaŋ laa Jerusalɛm nɩaa ta, a leŋ dɩ Iziral tɩŋŋaa kɛŋ yuŋuŋ.”

AZAAYA 51:22

Wɩɩ-la La TƖƖNA Wɩɩjarɩbakɔ, ma Wɩa sɩ chɩŋ ma harɩŋ sɩ bʋla nɛ ŋ-la: “Mɩ kɛŋ hɛɛ-la mɩ fa sɩ na baanɩŋ a joŋo hɛ ma lɛ a leŋ ma gɩgɛrɛ a dʋɔrɛ ma lɛ nɛ. Ma bɩra bɩ jaŋ naʋ.

AZAAYA 56:1

Wɩɩ-la La TƖƖNA sɩ bʋla nɛ ŋ-la: “Má to tɛŋɛ a ŋɩŋaa wɩaa ba bʋa lɛ. Bʋa-la lɛ mɩ sɩ jaŋ laa nɩaa ta kpaga nɛ. Ʋ bɩ jaŋ dieni, mɩ jaŋ dagɛ mɩ tʋɔpʋla lɛɛlɛ.

JƐRƖMAAYA 10:19

Wɩaa puumi, mɩ sɩ bolimo wɩaa. Mɩ naawɩɩlɩŋ bɩ kʋfɩɛlɩɩ ŋaa, ka mɩ ha bʋl mɩ tɩtɩa lɛ, “Mɩ nyanyalɩŋ nɛ ŋ-la, ʋ maga dɩ mɩ nyalɩmɛ nɛ.”

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

JƐRƖMAAYA 51:10

Mɩ nɩaa, má ŋaa goŋ, La TƖƖNA daga arɩ la kɩaa sɩma nɛ. Má kɔ dɩ la bʋlʋ Zaayɔŋ lɛ, wɩɩ-la La TƖƖNA Wɩa sɩ ŋaa.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

LEVI DOHO NƖAA 26:41

ŋɩɩ leŋ mɩ yaraa hosi ba lɛ, mɩ kiriba hɛ ba dʋndɔŋŋɔɔ tinteyee lɛ, dɩ ba nɛ leŋ ba babii-ballɩŋ aŋ kɛŋ ba tɩtɩa muuri a na hɛɛ-la sɩ maga dɩ ba na, a tɩŋ ba wʋbɔmɔ-la wɩaa,

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

1 SAMƲƐL 24:15

La TƖƖNA nɛ jaŋ dii mɩ dɩŋ pɛgɛ sarɩya. Ʋ nɛ jaŋ beŋ mɩ wɩɩŋ tʋɔŋ, aŋ chɩŋ mɩ harɩŋ a laamɛ ta ŋ nɩsɩŋ lɛ.”

1 SAMƲƐL 25:39

Devit sɩ nɩa dɩ Nabal sʋba, ʋ bʋl, “Mɩɩ dɛnnɛ La TƖƖNA, ʋ nɛ Nɩɩ-la sɩ joŋ ʋ baanɩŋ a fɩɩsɛ Nabal sɩ tʋʋsɛmɛ lɛ. Ʋ bɩ leŋe mɩ-na ʋ tɩntɩnna ŋaaʋ wʋbɔŋ kala. Nabal wʋbɔmɔ-la kala gʋra nyʋa ʋ tɩtɩa nyuŋ lɛ nɛ.” Ŋɩɩ nɛ Devit tɩŋ dɩ ba bʋla pɩ Abɩgɛl arɩ ʋ leŋ dɩ ʋ jaaʋ.

1 SAMƲƐL 26:10

Devit bɩra bʋl, “La TƖƖNA sɩ weye tɩtɩa nɛ jaŋ kpʋ Sɔɔl, ʋ sʋʋŋ jaŋ yi dɩ ʋ sʋʋ, koo dɩ ʋ mʋ laalɩŋ a lɛl nɩmɛ.

1 SAMƲƐL 3:18

Ŋɩɩ nɛ Samʋɛl bʋl wɩalɩŋ kala a pʋ, ʋ bɩ ba kʋŋkala joŋo faaʋ. Ŋɩɩ nɛ Eli bʋl, “Ʋ nɛ La TƖƖNA, wɩɩ-la kala ʋ sɩ bene dɩ ʋ zɔmɔ pʋ, ʋ́ ŋaa.”