MƖKA 7:8 - WƖA TENIŊ

⁸ Mɩ dʋndɔmɔ, sɩ́ mɩ nyuŋ jʋɔsʋ, mɩ tele ma nɛ, ama mɩ jaŋ sii. Mɩ hɔŋ birimiŋ tʋɔŋ nɛ, ama La TƖƖNA nɛ jaŋ ŋaa mɩ pʋlʋmʋŋ.

MƖKA 7:8 ပူးပေါင်းရင်းမြစ်များ

JOB 31:29

Mɩ tʋɔŋ ha maachie bɩ tɔrɔ a tɩŋ mɩ dʋndɔmɔ sɩɩ na hɛɛŋ wɩaa, koo a jʋɔsɛ a tɩŋ wɩaa sɩ jʋʋ-ʋ wɩaa.

WƖA YƖƖLAA 112:4

Nɩalɩŋ sɩ bɩ wʋcheeli kɛnɛ arɩ nɩalɩŋ sɩɩ fá nɩaa nenige, nɩalɩŋ sɩ kɛŋ zile arɩ nɩalɩŋ sɩ kɛŋ wʋtɩtɩɩ, dɩ ba nɛ hɛ birimiŋ tʋɔŋ ma, pʋlʋmʋŋ yie chaana pɩba nɛ.

WƖA YƖƖLAA 143:3

Mɩ dʋndɔŋŋɔɔ kire ŋmoomi lo nɛ a yuo diimi. Ba jommi hɛ birimiŋ tʋɔŋ nɛ, mɩ nagɛ nʋʋ sɩ sʋʋ faa faa.

WƖA YƖƖLAA 20:8

Nɩdosunuŋ deemba jaŋ gɛrɛ tel, ama la-na jaŋ kɛŋ doluŋ a chɩŋ kpaŋkpaŋ.

WƖA YƖƖLAA 27:1

La Tɩɩna nɛ ŋaa mɩ pʋlʋmʋŋ arɩ mɩ Laataara, mɩ bɩ kʋŋkala ka fá. La Tɩɩna nɛ ŋaa mɩ dɩ-duoŋ, mɩ bɩ nʋʋkala ka fá.

WƖA YƖƖLAA 35:19

Sɩ́ leŋe dɩ mɩ dʋndɔŋŋɔɔ jʋɔsɛ mɩ nyuŋ. Mɩ bɩ wɩɩ cheye, ka ba bɛrɛmɛ. Sɩ́ leŋe dɩ ba dierimi.

WƖA YƖƖLAA 37:21

Nɩbɔmʋŋ nɛ chɩŋ kʋŋ, ʋ bɩ tiŋ, ama tʋɔpʋl tɩɩna-na kɛŋ zile a pɩpɩ nɩaa kɩaa.

WƖA YƖƖLAA 37:24

Dɩ ʋ nɛ gɛrɛ ma, ʋ bɩ jaŋ tel, bɛɛ wɩaa La Tɩɩna kɛŋ ʋ nɩsɩŋ lɛ nɛ.

WƖA YƖƖLAA 38:16

Mɩ sɩ, “Sɩ́ leŋe dɩ mɩ dʋndɔŋŋɔɔ jʋɔsɛ mɩ nyuŋ, koo a bigisi ba tɩtɩa lɛ dɩ mɩ nɛ sɩara.”

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 97:11

Wɩa pʋlʋmʋŋ chaana hɛ tʋɔpʋl tɩŋŋaa lɛ nɛ, a ŋaa nɩalɩŋ wʋŋaalaa sɩ tʋʋla ma tʋɔŋ tɔrɛ.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

AZAAYA 9:2

Nɩalɩŋ sɩɩ vɛŋ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ birimiŋ lim tʋɔŋ, pʋlʋmʋŋ lɛɛlɛ chaanaa hɛ ba lɛ nɛ.

JƐRƖMAAYA 48:27

Mʋab, ŋ fa sieri Iziral tɩŋŋaa lɛ nɛ. Ŋ kɛnʋ gaaraa tʋɔŋ nɛɛ a magɛ dɩ ŋ vigisi nyuŋ a sisieri ʋ lɛ dɩ ŋ nɩɩ bʋl ʋ wɩaa?

JƐRƖMAAYA 50:11

La TƖƖNA sɩ, “Babɩlɔŋ nɩaa, má yuo paa mɩ tinteeŋ kɩaa nɛ. Ma tʋɔŋ tɔrɔ nɛ ma jʋjʋɔsɛ a nagɛ nɛŋ sɩɩ nʋɔsɛ mɩaa koo a nagɛ jaaba sɩɩ yel.

JƐRƖMAAYA 8:4

Pɩɛsɛba na, “Wɩɩ-la mɩ-na ma TƖƖNA sɩ pɩɛsa nɛ ŋ-la: Dɩ nɩaa nɛ tele, ba bɩ sii? Dɩ nʋʋ nɛ yeŋŋe, ʋ bɩ harɩŋ ka mɩɩrɛ?

ƐZƖKƖƐL 25:6

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: A tɩŋ ma tʋɔŋ sɩ tɔrɔ ma porisi nɩsaa a fɩla jʋɔsɛ Iziral tinteeŋ sɩ cheye wɩaa,

ƐZƖKƖƐL 35:15

bɛɛ wɩaa, ma ma faa jʋɔsʋ nɛ mɩ nɩaa Iziral tɩŋŋaa tinteeŋ sɩ pɩŋ hoi. Ŋɩɩ nɛ mɩ jaŋ joŋo to ma ma lɛ. Ɛdɔm peelee arɩ ʋ tinteeŋ kala jaŋ pɩŋ hoi. Ŋɩɩ nɛ ma jaŋ jɩŋ arɩ mɩ nɛ ba TƖƖNA.”

ƐZƖKƖƐL 36:5

Mɩ-na ma TƖƖNA Wɩɩjarɩbakɔ na baanɩŋ nɛ tinteye-la sɩ gollima arɩ Ɛdɔm tinteeŋ kala nyuŋ. Ba mɔŋ mɩ nɩaa nɛ a sieri ba lɛ, a laa mɩ tinteeŋ ma ʋ ŋaa ba kʋŋ a kɛŋ ʋ pʋsʋŋ dɩ-diilee ma kaa laa.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

OBADAAYA 1:12

Ʋ fa bɩ maga ŋ bee gʋʋnɛ ŋ naambie tapʋlɩɩ-la wɩaa sɩ jʋʋ, koo dɩ ŋ jʋjʋɔsɛ tapʋlɩɩ-la ba sɩ chei Juda nɩaa koo ŋ sisieri ba lɛ a tɩŋ wɩaa sɩ jʋʋba.

MƖKA 4:10

Zaayɔŋ nɩaa, maa na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ nɛ. Ʋ lɛɛlɛ maga dɩ ma lɩɩ tabal-la lɛ nɛ a mʋ ŋmoo buguŋ pɔkɔŋ nyuŋ. Ma jaŋ mʋ Babɩlɔŋ, nɩmɛ nɛ mɩ jaŋ laama ta. Mɩ-na ma TƖƖNA jaŋ laama ta ma dʋndɔŋŋɔɔ nɩsɩŋ lɛ.

MƖKA 7:10

Mɩ dʋndɔmɔ jaŋ na wɩɩ-la dɩ hɩɩsɩŋ kɛnʋ. Nɩɩ-la sɩ pɩɛsɛmɛ, “Nɩɩ nɛ ŋ TƖƖNA Wɩa hɛ?” Mɩ sɩɩŋ jaŋ na ʋ teliŋ, dɩ ba nʋɔsʋ a nagɛ vʋchɔɔŋ sɩ hɛ womporuŋ lɛ.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 4:16

Ʋ bʋla pɩba, “Nɩalɩŋ sɩ hɛ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ biriŋ lim tʋɔŋ, pʋlʋmʋŋ lɛɛlɛ chaana hɛ ba lɛ nɛ.”

Jɔɔŋ 16:20

Wʋtɩtɩɩ nɛ mɩ bʋlaa pɩma, ma jaŋ ŋmuŋmoo niiŋ ka dɩ dʋnɩa nɩaa tʋɔŋ tɔrɛ, ma tʋɔŋ jaŋ chei, ama ma tʋɔ-chei-la jaŋ mɩɩra bɩrɩmɛ tʋɔtɔrʋŋ.

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 4:9

Ba yie to naasɩŋ a dʋdɔgɩsɛla, ama Wɩa bɩ la vɩa ta. Nɩaa yie ŋmoola lo, ama la bɩ sʋʋ.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.