MƖKA 7:6 - WƖA TENIŊ

⁶ bɛɛ wɩaa hambolibiisiŋ sɩɩŋ bɩ ba nyɩmmaba ka su. Hantolibiisiŋ ma kɛŋ ba naamba yuyuo yuosuŋ, bii-haalaa kɛŋ ba bala naamba yuyuo yuosuŋ. Nuhuobiine dʋndɔŋŋɔɔ nɛ ŋaa ʋ tɩtɩa dɩa nɩaa.

MƖKA 7:6 ပူးပေါင်းရင်းမြစ်များ

WƖAA DƖ-SUOMUŊ 49:4

Ŋ nagɛ fuoŋ sɩ suo nɛ a pɛllɛ paa kɩaa vɩvɛŋ, ama ŋ bɩ jaŋ dii dɩa, bɛɛ wɩaa ŋ kɛŋ mɩ haala ketiiŋ pɩŋ nɛ a ŋaa disiniŋ hɛ mɩ kʋpɩnaa lɛ.

2 SAMƲƐL 16:11

Ŋɩɩ nɛ Devit bɩra bʋla pɩ Abɩsaɩ arɩ ʋ tɩntɩnnɩ-hɩasɩŋ kala, “Mɩ tɩtɩa bii-lʋlʋŋ nɩɩ walɩmɛ dɩ ʋ kpʋmɛ. Bɛɛ nɛ jaŋ tɩɩ Bɛnjamɩŋ doho nɩa deeŋ-na bɩ jaŋ chɩchɛ dɩ ʋ kpʋmɛ? Má leŋu dɩ ʋ tʋʋsɛmɛ ŋɩɩ kala ʋ sɩɩ chɛ. La TƖƖNA nɛ sɩ ʋ tʋʋsɛmɛ.

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

NAMAGABA 30:11

Nɩaa dɔnsʋŋ hɛ nɩmɛ a bʋl wʋlɔrʋnʋŋ pɩpɩ ba nyɩmmaba a bɩ wʋzɔŋ bʋla pɩpɩ ba naamba ma.

NAMAGABA 30:17

Dɩ nʋʋ nɛ hɛ nɩmɛ aa mɔŋ ʋ nyɩmma, a kɛŋ ʋ naaŋ ŋmuŋmoo gbɛɛŋ a bɩ ba niiŋ ka to, gɩlɩŋgaamba jaŋ chaarɛ ʋ sɩaa, dɩ duunuŋ ma dii ʋ kala.

AZAAYA 3:5

Nɩaa jaŋ nyagɛ dɔŋɔ bibil. Nɩaa jaŋ sii chɩŋ dɔŋɔba lɛ, nandɔsʋŋ jaŋ yʋ dɔŋɔba wɩaa. Hambiisiŋ bɩ jaŋ zizil nɩhɩasɩŋ. Nɩalɩŋ sɩ bɩ lee kɛnɛ ma paala bɩ jaŋ zizil nɩalɩŋ sɩ kɛŋ lee.

AZAAYA 9:19

La TƖƖNA doluŋ kala Tɩɩna baanɩŋ jaŋ nagɛ nyiniŋ a dii tintee-la arɩ nɩaa kala. Nʋʋkala bɩ jaŋ fá ʋ naambie nenige.

JƐRƖMAAYA 12:6

Ŋ naambiiriŋ, ŋ dɩa nɩaa tɩtɩa nɛ paala joŋuŋ yallɛ. Ba chaasa chɩŋ ŋ lɛ nɛ. Sɩ́ ba laa dii, arɩ ba sɩ bʋl wʋzɔŋŋɔɔ a tɩgɛ ŋ lɛ ma kala.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

JƐRƖMAAYA 9:4

Má kɛŋ ma tɩtɩa arɩ ma nandɔnsʋŋ. Má sɩ́ ma naambiiriŋ laa dii. Naambii kala ka nyɩsɛ ʋ dɔŋɔ tɩɩna nɛ. Nandɔŋ ma kala ŋaa yɩrɩ-cheeru.

ƐZƖKƖƐL 22:7

Ŋ lɛ nɛ ba bɩ nyɩmmaba arɩ naamba ka zil. Ba nyagɛ nʋhʋɔra-la sɩ hɔŋ ŋ lɛ bil nɛ, aŋ dʋdɔgɩsɛ biisinsiŋ arɩ yo-haalaa.

OBADAAYA 1:7

Ŋ sɩŋŋaa jaŋ kiriŋ ta ŋ tinteeŋ lɛ, ŋ nandɔnsʋŋ jaŋ nyɩsɩŋ a yuo diiŋ, ŋ dɩ nɩalɩŋ sɩ gbaara didii kɩaa jaŋ dɩdaa dɩ ba kɛnɩŋ, ama ŋ bɩ jaŋ jɩŋ.”

Matiu 10:21

Naambiiriŋ jaŋ kɛŋ dɔŋɔ a kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ ŋaa ŋɩɩ a kɛsɛ ba nyɩmmaba arɩ ba naamba a kaa mʋ pa dɩ ba kpʋ.

Matiu 26:23

Ŋɩɩ nɛ Yesu bʋla pɩba, “Mɩ dɩ nɩɩ-la sɩ chala kɛŋ boroboro tuu yuu gbaŋa tʋɔŋ nɛ jaŋ jommi yallɛ.

Luuk 12:53

Nyɩmmaba arɩ ba hambolibiisiŋ jaŋ pɔrɛ dɔŋɔ lɛ, a gʋraa yuo dɔŋɔ. Naamba arɩ ba toloo ma jaŋ gʋraa yuo dɔŋɔ. Bala naamba arɩ ba bii-haalaa ma jaŋ gʋraa yuo dɔŋɔ.”

Luuk 21:16

Ma nyɩmmaba arɩ ma naambiiriŋ arɩ ma doho nɩaa arɩ ma nandɔnsʋŋ paala jaŋ jomma hɛ ma dʋndɔŋŋɔɔ nɩsɩŋ lɛ. Ba jaŋ kpʋ ma dɔnsʋŋ.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.