MƖKA 7:4 - WƖA TENIŊ

⁴ Ba tʋɔŋ kʋ-la sɩ kpɩa nagɛ sɔgɩrɩgalɩa nɛ ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ. Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ, tapʋlɩɩ-la Wɩa sɩ jaŋ dɔgɩsɛma. Bʋa deeŋ lɛ nɛ ma wɩaa jaŋ vʋgʋmɛ.

MƖKA 7:4 ပူးပေါင်းရင်းမြစ်များ

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 22:5

La TƖƖNA doluŋ kala Tɩɩna lɩɩsɛ tapʋlɩɩ nɛ nɩaa sɩ jaŋ ŋaa goŋ, dɩ fuonaa-la lɛ ba sɩ mʋ nɩna wɩaa Wɩa teeŋ kala vʋgʋmɛ a kɛŋ fawʋllʋŋ woruŋ. Tapʋlɩɩ-la, jeye-la sɩ golli la taŋ, ba jaŋ ŋmooba lo ka nɩaa yiyel peelee tʋɔŋ aa chɛ dɩ nɩaa pɛ ba lɛ.

AZAAYA 55:13

Lere-la sɔsʋŋ sɩ nyʋ tɔ, bʋtʋnsʋŋ nɛ jaŋ mɩɩra nyʋ nɩmɛ. Lere-la sɩ jaŋ lugo tɔ kɩŋkɛŋ, chɛyɛɛ jaŋ mɩɩra nyʋ nɩmɛ. Wɩɩŋ deeŋ jaŋ ŋaa magɩl sɩ jaŋ hɛ nɩmɛ deeŋ deeŋ, a liliisi wɩɩ-la La TƖƖNA sɩ ŋaa, ʋ bɩ jaŋ kɔ dɩ ʋ dɩsa.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 11:23

Ba nɩbala ma bɩ jaŋ ka, bɛɛ wɩaa mɩ jaŋ lɛrɛ wʋlɔrʋŋ kʋ hɛ Anatɔf nɩalɩŋ lɛ, jɩna-la lɛ mɩ sɩ jaŋ dɔgɩsɛba.”

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

ƐZƖKƖƐL 2:6

Ama ŋ-na nuhuobiiŋ, sɩ́ ba fá, a sɩ́ ba wʋbʋlaa ma fá. Ʋ jaŋ nagɛ ŋ hɛ chɛyɛɛ arɩ sɔpʋllʋŋ arɩ nʋɔmaa tʋɔŋ nɛ, ama sɩ́ leŋe dɩ ŋ bɔyɛ joŋ ba wʋbʋlaa lɛ, sɩ́ ba fá. Jɩŋ arɩ ba ŋaa nɩa sɩ bɩ dagɩŋ ka sɛɩ nɛ.

ƐZƖKƖƐL 28:24

Tinteye-la kala sɩ golli Iziral tɩŋŋaa a kɛmba ŋmuŋmoo gbɛɛŋ bɩra bɩ jaŋ nagɛ sɔsʋŋ a tʋtɔɔba. Ŋɩɩ nɛ ba jaŋ jɩŋ arɩ mɩ nɛ ba TƖƖNA Wɩɩjarɩbakɔ.

AMƆS 8:2

La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.” Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.

NAHUM 1:10

A nagɛ nyiniŋ sɩ joŋ sɔsʋŋ sɩ vɔɔ kɛŋ dɔŋɔ arɩ ya-hɩlɩŋ dii ŋɩɩ, ŋɩɩ tɩtɩa nɛ nyiniŋ jaŋ dii Nɩnɩvɛ nɩaa sɩɩ begilu ba wʋŋaalaa lɛ a nagɛ sɩ-nyʋaraa.

Luuk 21:25

Ŋɩɩ nɛ Yesu bɩra bʋl, “Nɩaa jaŋ na wʋmagɩlaa wɩɩpɔsʋŋ arɩ chɛnɛ arɩ chɛnwʋlaa lɛ. Dʋnɩa kala lɛ, nɩaa bɩ jaŋ jɩŋ wɩɩ-la kala lɛ ba sɩ hɛ. Dɩ mʋgʋ-balaa nɩɩ huuru, fawʋllʋŋ jaŋ kɛmba.

Hiburu TƖŊŊAA 6:8

Ama dɩ yaŋ arɩ sɔsʋŋ dʋndʋŋa nɩɩ nyʋ lee-la, ŋɩɩ-na tintee-la bɩ bʋbʋɔ kɛnɛ. Wɩa jaŋ wuo ŋmɩɛsa hɛ tintee-la lɛ. Ba jaŋ chaanɛ nyiniŋ hɛ dɩ ʋ dii buru.