MƖKA 7:19 - WƖA TENIŊ

¹⁹ Ŋ jaŋ bɩra fá la nenige, ŋ jaŋ nʋɔsa tɔ la wʋcheelee aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.

MƖKA 7:19 ပူးပေါင်းရင်းမြစ်များ

2 SAMƲƐL 24:14

Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ la jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

WƖA YƖƖLAA 103:12

La Tɩɩna laa la wʋbɔŋŋɔɔ ta dɩ-bolii nɛ, ʋ bolie magɛ a chɩŋ wɩɩpɔsʋŋ a kaa mʋ wɩɩjʋʋlʋŋ nɛ.

WƖA YƖƖLAA 130:8

Ʋ nɛ jaŋ laa Iziral tɩŋŋaa ta ba wʋbɔŋŋɔɔ kala lɛ.

WƖA YƖƖLAA 85:3

Ŋ fa sɩ faasa na baaŋ-la ba nyuŋ, ŋ joŋo ta nɛ.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 38:17

Wʋtɩtɩɩ, hɛɛ-la mɩ fa sɩ na kɛŋ nyʋʋrʋŋ nɛ a pɩmɛ. Ŋ chonuŋ bʋbʋɔŋ lɛ nɛ ŋ lɩɩsɛmɛ lɩɩ-lɩma lɛ aŋ joŋ mɩ wʋbɔŋŋɔɔ kala chɛmɛ.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

JEMBIEE 3:32

Ʋ yie wuo leŋ nɩa na hɛɛŋ, ka ʋ bɩra fá ʋ nisusuŋ. Ʋ chono-la sɩ bɩ dɛrɛ yʋga kɩŋkɛŋ.

ƐZƖKƖƐL 18:22

Mɩ jaŋ joŋ wʋbɔmɔ-la kala ʋ fa sɩ ŋaa a chɛʋ, aŋ ka dɩ ʋ kɛŋ mɩɩsɩŋ a tɩŋ tʋɔpʋl wɩalɩŋ ʋ sɩ ŋaa wɩaa.

ƐZƖKƖƐL 39:29

Mɩ bɩra bɩ jaŋ joŋ harɩŋ yɩa Iziral tɩŋŋaa. Mɩ jaŋ joŋ mɩ Dɩma hɛ ba lɛ. Mɩ-na ma TƖƖNA Wɩɩjarɩbakɔ nɛ bʋla.”

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

ZƐKARƖYA 3:4

Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.” Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”

Rom Tɩŋŋaa 6:14

Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.

Rom Tɩŋŋaa 8:13

Dɩ ma nɛ to ma yaraa wʋŋaalaa lɛ, ma jaŋ sʋʋ. Ama dɩ ma nɛ vɩa ma yaraa wʋŋaalaa, ma jaŋ kɛŋ mɩɩsɩŋ Wɩa Dɩŋ-zɔŋ-la doluŋ lɛ.

MOSIS BƖRA WULLI WƖA WOMBIIŊ 30:3

ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.

MOSIS BƖRA WULLI WƖA WOMBIIŊ 30:6

Ma TƖƖNA Wɩa jaŋ suri ma dɩ ma doho nɩaa kala tʋɔŋ, dɩ ŋɩɩ leŋ dɩ ma chou arɩ ma tʋɔŋ arɩ ma wɩɩ-wɩɩkala a wuo kɛŋ mɩɩsɩŋ.

MOSIS BƖRA WULLI WƖA WOMBIIŊ 32:36

La TƖƖNA jaŋ laa ʋ nɩaa ta, aŋ fá ʋ tɩntɩnnaa nenige, dɩ ʋ nɛ na dɩ ba doluŋ kala dɛrɛ, nɩalɩŋ sɩ ŋaa yosuŋ arɩ nɩalɩŋ sɩ tɩɩ ba tɩtɩa.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 8:12

Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa.”

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.