MƖKA 7:18 - WƖA TENIŊ

¹⁸ Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

MƖKA 7:18 ပူးပေါင်းရင်းမြစ်များ

WƖAA DƖ-SUOMUŊ 4:7

Dɩ ŋ nɛ fa ŋaa woruŋ, mɩ fa bɩŋ ka laa? Aŋ ka ŋ sɩ bɩ woruŋ ŋaa, wʋbɔmʋŋ chɩna gbɛrɩŋ nɛ a chɩchɛ dɩ ʋ kɛnɩŋ. Ʋ maga dɩ ŋ yuo diiu nɛ.”

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

2 IZIRAL TƖŊŊAA NAABARƖŊ 30:9

Dɩ ma nɛ mɩɩra kɔ La TƖƖNA teeŋ, ʋ jaŋ leŋ dɩ ma dʋndɔmɔ-la fa sɩ yuo kɛsɛ ma naambiiriŋ arɩ ma biiriŋ fá ba nenige, a jomba ta dɩ ba mɩɩra kɔ dɩa. Ma TƖƖNA Wɩa kɛŋ zile a fɩfá nɩaa nenige. Dɩ ma nɛ mɩɩra kɔ ʋ teeŋ, ʋ jaŋ laama.”

2 IZIRAL TƖŊŊAA NAABARƖŊ 6:21

Mɩ ŋaa ŋ tɩntɩnnʋ nɛ, Iziral tɩŋŋaa ma ŋaa ŋ nɩaa. Ŋɩɩ wɩaa, bʋa na-kala dɩ la kʋŋ nɛ joŋ sɩaa a chaasɛ ŋ dɩɩ-balɩŋ deeŋ a sʋlʋŋ, ŋ hɛ ŋ jaŋ lɛ nɛ, jegile nɩɩ a laa la sʋla a joŋ la wʋbɔŋŋɔɔ chɛla.

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

WƖA YƖƖLAA 103:13

A nagɛ nyɩmma sɩɩ fá ʋ biiriŋ nisusuŋ ŋɩɩ, ŋɩɩ tɩtɩa nɛ La Tɩɩna ma fɩfá nɩalɩŋ sɩɩ zilu nenige.

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 35:10

Mɩ jaŋ bʋl arɩ mɩ tʋɔŋ kala, “Kʋbɛɛ nɛ nagɛ La Tɩɩna? Ŋ nɛ yie laa puwuoloo ta nɩduoruŋ nɩsɩŋ lɛ, dɩ ba sɩ́ summoo arɩ nɩalɩŋ sɩ bɩ ba tɩtɩa lɛ wuo pɛ kɩaa kaa laa arɩ doluŋ.”

WƖA YƖƖLAA 65:3

La wʋbɔŋŋɔɔ fa sɩ nyagɛla bil, ŋ joŋo chɛla nɛ.

WƖA YƖƖLAA 65:4

Ŋ pɛ nɩalɩŋ ŋ sɩ lɩɩsa lɛ nɛ, a kɛmba kʋ hɛ ŋ dɩa lɛ. Wʋzɔmɔ-la sɩ hɛ ŋ dɩa-la ŋ sɩ lɩɩsa pɩ ŋ tɩtɩa lɛ, la jaŋ nɩɩ ba sɩma.

WƖA YƖƖLAA 71:19

Mɩ Wɩa, ŋ tʋɔpʋl wʋŋaalaa paala jɩla teeli wɩa-nyuŋ ma kala nɛ. Wɩa, ŋ ŋaa wʋbalaa a yʋgɛ nɛ, nʋʋkala tuo a magɩŋ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

WƖA YƖƖLAA 89:6

Kʋŋkala tuo wɩa-nyuŋ sɩ jaŋ wuo kɛŋ ʋ tɩtɩa magɩsɛ La Tɩɩna. Ŋ tɩndaara-la kʋŋkala tuo a magɛ ŋ-na La Tɩɩna.

WƖA YƖƖLAA 89:8

La Tɩɩna Wɩa doluŋ kala Tɩɩna, kʋbɛɛ nɛ magɩŋ? La TƖƖNA, ŋ nɛ kɛŋ doluŋ arɩ wʋtɩtɩɩ.

MOSIS KƐŊ IZIRAL TƖŊŊAA LƖƖ 15:11

La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?

MOSIS KƐŊ IZIRAL TƖŊŊAA LƖƖ 34:9

Ʋ sɩ, “Ou mɩ Tɩɩna, dɩ ŋ tʋɔŋ nɛ tɔrɛ mɩ nyuŋ, mɩɩ sʋlʋŋ laa la sɩpaaŋ a kɛnla mʋ. Nɩalɩŋ ŋaa tʋɔ-dol tɩmma nɛ. Ama joŋ la wʋbɔŋŋɔɔ arɩ la wʋcheelee chɛla, aŋ jonla dɩ la ŋaa ŋ nɩaa.”

AZAAYA 1:18

La TƖƖNA saa yɩrɛma nɛ a bʋl, “Lɛɛlɛ má kɔ dɩ la bʋla nɩɩ dɔŋɔ lɛ. Ma wʋbɔŋŋɔɔ nɛ paala fɩɛsɛ a nagɛ chalɩŋ ma, mɩ jaŋ chɛsɛba ta ka ma pʋllɛ a nagɛ kuŋkunuŋ. Dɩ ba nɛ paala fɩɛsɛ a nagɛ vachalɩŋ ma, ma jaŋ pʋllɛ a nagɛ pie-pʋnaa.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 38:17

Wʋtɩtɩɩ, hɛɛ-la mɩ fa sɩ na kɛŋ nyʋʋrʋŋ nɛ a pɩmɛ. Ŋ chonuŋ bʋbʋɔŋ lɛ nɛ ŋ lɩɩsɛmɛ lɩɩ-lɩma lɛ aŋ joŋ mɩ wʋbɔŋŋɔɔ kala chɛmɛ.

AZAAYA 40:18

Bɛɛ kʋŋ nɛ ŋ jaŋ wuo kɛŋ Wɩa magɩsɛ? Ŋ jaŋ wuo dagɛ ŋɩɩ ʋ sɩ nagaa?

AZAAYA 40:25

Wɩa sɩ bɩ disiniŋ kɛnɛ sɩ, “Kʋbɛɛ nɛ ŋ jaŋ wuo kɛmmɛ magɩsɛ? Koo kʋbɛɛ nɛ magɛmɛ?”

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

AZAAYA 57:10

Maa lɔl ma tɩtɩa nɛ wɩaa deemba kala lɛ, aŋ bɩ chɛ ma leŋ, a tɩŋ ma sɩ cho vesiŋ kɩŋkɛŋ wɩaa a bɩɩnɛ ba jaŋ pɩma doluŋ.

AZAAYA 57:16

Mɩ bɩ jaŋ bʋbʋl ma teeŋ deeŋ deeŋ, koo a na baanɩŋ ma nyuŋ wuu. Bɛɛ wɩaa mɩ-na nɛ ŋaa nuhuobiine, mɩ bɩ chɛ dɩ ma tʋɔŋ chei dɩ ma yɩɛlaa kala dɛrɛ.

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

AZAAYA 64:9

La TƖƖNA, sɩ́ faasa na baanɩŋ la nyuŋ a kieli, sɩ́ la wʋbɔmɔ-la wɩaa liisu a kaa mʋ wuu. Jaaŋ jaaŋ, fá la nenige. La kala ŋaa ŋ nɩaa nɛ.

AZAAYA 65:19

Mɩ tʋɔŋ jaŋ tɔrɛ Jerusalɛm lɛ, mɩ tʋɔŋ jaŋ tɔrɛ mɩ nɩaa nyuŋ. Nɩaa bɩra bɩ jaŋ nɩɩ dɩ baa ŋmoo niiŋ koo a yiyel nɩmɛ.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:5

Ŋ jaŋ na baanɩŋ la nyuŋ bʋa na-kalaa? Ŋ baanɩŋ jaŋ sii la nyuŋ a kaa mʋ wuu?’ Ŋ-la nɛ ma yie bʋl wɩaa, ama ma yie ŋaa wʋbɔŋ na-kala ma sɩ jaŋ wuo ŋaa nɛ.”

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 32:41

Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 38:8

Ɛbɛd-Mɛlɛk lɩɩ bʋla pʋ,

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JƐRƖMAAYA 9:24

Ama, leŋ dɩ nʋʋkala nɩɩ ŋmoo ʋ bɔyɛ, ʋ ŋmoo ʋ bɔyɛ a mʋ tɩgɛ wɩɩŋ deeŋ nɛ: Arɩ ʋ jɩŋ mɩ wɩaa sɩaa nɛ, a jɩmmɛ dɩ mɩ nɛ ŋaa ʋ TƖƖNA. Nɩɩ-la sɩ cho nɩaa a kɛŋ wʋtɩtɩɩ arɩ tʋɔpʋla a ŋɩŋaa wɩaa tinteeŋ lɛ, wɩaa deemba nɩɩ tɔrɛ mɩ tʋɔŋ. Mɩ-na ma TƖƖNA nɛ bʋla.”

ƐZƖKƖƐL 18:23

Mɩ-na ma TƖƖNA Wɩɩjarɩbakɔ pɩɛsa: Ma bɩɩna mɩ cho dɩ nɩbɔŋŋɔɔ sʋsʋʋ nɛɛ? Mɩ yie cho dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ nɛ a kɛŋ mɩɩsɩŋ.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

ƐZƖKƖƐL 33:16

Wʋbɔmɔ-la ʋ sɩ laa sɩpaaŋ ŋaa kʋŋkala bɩra bɩ jaŋ tutou. Ʋ to wʋtɩtɩɩ nɛ a ŋaa wɩaa ba bʋa lɛ, ʋ jaŋ kɛŋ mɩɩsɩŋ.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

HOSIA 14:5

Mɩ jaŋ nagɛ nyalɩŋ a nyala hɛ Iziral tɩŋŋaa lɛ. Ʋ jaŋ fɩɩlɛ a nagɛ tɩa sɩ fɩɩla. Ʋ jaŋ nagɛ kuolo sɩ hɛ Lɛbanɔŋ lɛ, ʋ naapoloo tuu tinteeŋ,

JOWƐL 2:32

Nɩɩ-la kala sɩ jaŋ yɩrɛ mɩ-na ma TƖƖNA yɩrɩŋ, mɩ jaŋ laaʋ ta, bɛɛ wɩaa, Zaayɔŋ peel-la arɩ Jerusalɛm lɛ laatanɩŋ jaŋ hɛ nɩmɛ, arɩ mɩ-na ma TƖƖNA sɩ bʋl ŋɩɩ. Ba nɛ ŋaa nɩkaana-la mɩ-na ma TƖƖNA sɩ lɩɩsa.

AMƆS 1:11

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Ɛdɔm nɩaa a tɩŋ ba wʋbɔŋ dandaŋ-la wɩaa. Ba baanɩŋ sɩ sie a faasa hosi, ba bɩ wuo kɛŋ ba tɩtɩa aŋ kire to kpʋ ba naambiiriŋ Iziral tɩŋŋaa a bɩ ba nenige fá.

AMƆS 7:8

Ŋɩɩ nɛ La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Ŋmɛnɩŋ ba sɩ kaa magɩsɛ jeeŋ a sɩsaa nɛ.” La Tɩɩna bʋl, “Bee na, mɩ kɛŋ ŋmɛŋ-la a mɩmagɩsɛ mɩ nɩaa Iziral tɩŋŋaa nɛ. Mɩ bɩra bɩ jaŋ joŋo chɛba.

AMƆS 8:2

La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.” Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 4:7

Mɩ jaŋ leŋ dɩ gbɛrɩgɛ-la kʋkaanaa arɩ nɩalɩŋ ba sɩ kire ta ŋaa tintee-duo, dɩ mɩ-na ma TƖƖNA bemba Zaayɔŋ peel-la nyuŋ a chɩŋ tapʋlɩɩ-la a kaa mʋ wuu.

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

NAMBABA 23:21

Wʋbɔŋ koo hɛɛ-kala bɩ jaŋ jʋʋ Iziral tɩŋŋaa. Ba Tɩɩna Wɩa chɩŋ ba harɩŋ nɛ. Ba yɩyɩrɛ ʋ yɩrɩŋ a jʋjʋɔsɛ ʋ sɩ ŋaa ba kuoro.

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Rom Tɩŋŋaa 11:4

Ɩlaaja sɩ bʋl ŋɩɩ, bɛɛ nɛ Wɩa bɩra bʋla pʋ? Ʋ sɩ, “Mɩ lɩɩsɛ nɩaa bʋɩ balɩpɛ nɛ a bile pɩ mɩ tɩtɩa. Nɩaa deemba kʋŋkala bɩ vene-la ba sɩɩ yɩrɛ Baal kpaara.”

MOSIS BƖRA WULLI WƖA WOMBIIŊ 33:26

Kʋŋkala tuo a magɛ ma Iziral tɩŋŋaa Wɩa. Ʋ yie lɩɩ wɩa-nyuŋ a to duoŋ-bɩlɩmbaanaa tʋɔŋ arɩ ʋ tʋla a kʋ tuu pɛ ma lɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.