MƖKA 7:16 - WƖA TENIŊ

¹⁶ Tinteyee nɩaa jaŋ na wɩalɩŋ dɩ hɩɩsɩŋ kɛmba, arɩ ba sɩ kɛŋ doluŋ ma kala. Ba niiŋ jaŋ maa, ka dɩ ba dɩgɩlaa ma taŋ.

MƖKA 7:16 ပူးပေါင်းရင်းမြစ်များ

JOB 21:5

Ma bemmi aŋ tuo bibeŋ, aŋ ŋaa ma niiŋ chɩm.

JOB 40:4

“Mɩ bɩ kʋŋkala ŋaa, wʋbɛɛ nɛ mɩ jaŋ wuo laa bʋl ŋ niiŋ lɛ? Mɩ tɔ mɩ niiŋ nɛ, mɩ bɩ jaŋ bʋl wɩɩkala.

WƖA YƖƖLAA 126:2

La mɔmɔ nɛ woruŋ, a yɩɩ yɩɩlaa arɩ tʋɔtɔrʋŋ. Ŋɩɩ nɛ tintee-wogusuŋ nɩaa bʋl, “La Tɩɩna ŋaa wʋduoruŋ nɛ a pɩba.”

NAMAGABA 30:32

Dɩ ŋ nɛ ŋaa nɩyaarɩ aŋ bigisi ŋ tɩtɩa lɛ, koo dɩ ŋ nɩɩ bɩɩnɛ dɩ ŋ ŋaa wʋbɔŋ, ŋ leŋ.

AZAAYA 26:11

La TƖƖNA, ŋ kɛŋ ŋ nɩsɩŋ je nɛ dɩ ŋ dɔgɩsɛba, ka ba bɩ ʋ na. Leŋ dɩ ba na ŋɩɩ ŋ sɩ cho ŋ nɩaa aŋ leŋ ŋ dʋndɔŋŋɔɔ dii hɩɩsɩŋ. Leŋ dɩ nyiŋ-la ŋ sɩ joŋo bile gbɛrɛ diiba.

AZAAYA 52:15

Ʋ wɩaa jaŋ teeli tinteyee kala, kuoroo niiriŋ jaŋ maa dɩ ba chɛ wɩɩ ka dɩ ba bʋl a tɩŋ ʋ wɩaa. Wɩalɩŋ ba ha sɩ bɩ na a bɩ nɩa ma, ba jaŋ naba a jɩŋ ba bʋbʋɔŋ.”

AZAAYA 66:18

Mɩ jɩŋ ba tʋɔbɩɩnaa arɩ ba wɩɩkala nɛ. Bʋa-la yie nɛ mɩ sɩ jaŋ kɛŋ tinteyee sɩɩ bʋl yikori doho na-kala kʋ hɛ dɔŋɔ dɩ ba na mɩ tʋla.

ƐZƖKƖƐL 38:23

Dɩ mɩ nɛ ŋaa ŋɩɩ, tintee daŋ nɩaa jaŋ jɩŋ arɩ mɩ kɛŋ doluŋ nɛ a bɩ disiniŋ kɛnɛ. Ba jaŋ jɩŋ arɩ mɩ nɛ ma TƖƖNA.”

MƖKA 3:7

Hɩɩsɩŋ jaŋ dii mɩ sɩɩ-naaraa, nɩalɩŋ ma sɩ pɩɛsɛmɛ nɩna wɩaa jaŋ dii hɩɩsɩŋ. Ba kala jaŋ gʋrɛ nyuŋ a dagɛ arɩ ba dii hɩɩsɩŋ nɛ, bɛɛ wɩaa mɩ-na Wɩa bɩ jaŋ bʋl wɩɩ ba teeŋ.”

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

ZƐKARƖYA 12:9

Tapʋlɩɩ-la, mɩ jaŋ chei tinteye-la kala sɩɩ yuo Jerusalɛm.

Rom Tɩŋŋaa 3:19

La jɩma arɩ wɩalɩŋ Mosis sɩ ŋmʋnsa bil dɩ nɩaa tuto, dɩ ʋ nɛ dagɛ wɩɩkala, nɩalɩŋ sɩɩ to wɩalɩŋ nɛ ʋ daga pɩpa. Ŋɩɩ wɩaa nʋʋkala bɩra bɩ jaŋ wuo bʋl wɩɩkala dɩ Wɩa nɛ dii dʋnɩa nʋʋkala sarɩya.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”