MƖKA 7:14 - WƖA TENIŊ

¹⁴ La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

MƖKA 7:14 ပူးပေါင်းရင်းမြစ်များ

WƖA YƖƖLAA 100:3

Ma jɩma La Tɩɩna nɛ Wɩa, ʋ nɛ ŋaala a tɩɩla, la ŋaa ʋ nɩaa nɛ, ʋ dɩdaala a nagɛ piesee.

WƖA YƖƖLAA 143:5

Mɩ liise yi jɩsɩ-la sɩ bala lɛ nɛ, a kɛŋ wʋdaŋ-la ŋ sɩ ŋaa chʋchɔgɩsɛ mɩ tʋɔŋ lɛ, a kɛŋ ŋ wʋŋaalaa bɩbɩɩnɛ.

WƖA YƖƖLAA 28:9

Laa ŋ nɩaa ta a pɛ ba lɛ. Ŋaa Nɩɩ-la sɩɩ beŋ ba nyuŋ, dɩ ba hɛ ŋ nɩsɩŋ lɛ a kaa mʋ wuu.

WƖA YƖƖLAA 95:7

Ʋ nɛ la Wɩa, la ma ŋaa ʋ nɩaa, ʋ bibenla a nagɛ ʋ piesee. Jɩnɩŋ ma jegile nɩɩ wɩɩ-la ʋ sɩɩ chɛ dɩ ʋ bʋl,

MOSIS KƐŊ IZIRAL TƖŊŊAA LƖƖ 33:16

Wʋbɛɛ nɛ jaŋ dagɛ arɩ ŋ cho mɩ dɩ ŋ nɩaa nɛ dɩ la dɩŋ nɛ bɩ dɔŋɔ to mʋ? Wʋbɛɛ nɛ jaŋ dagɛ arɩ mɩ dɩ ŋ nɩaa ŋaa dabaŋ nɛ dʋnɩa nɩaa kala tʋɔŋ?”

SOLOMOŊ YƖƖL-SƖMƖŊ 4:1

Mɩ hɩɩla, ŋ chaasa zɔŋ nɛ woruŋ. Wʋtɩtɩɩ, ŋ chaasa zɔŋ nɛ. Ŋ sɩaa zɔmɔ a nagɛ kokomo nɛ nyu-kpal duduoŋ ŋ sɩ tɔ tʋɔŋ. Ŋ nyu-pʋnaa nagɛ bʋ-laalɩŋ sɩ lɩɩ Gɩlɩad peeliŋ nyuŋ a kʋʋ tuu nɛ, mɛlɛlɛ.

AZAAYA 27:13

Tapʋlɩɩ-la ba jaŋ nɩɩ dɩ ba faasa ŋmʋʋ banyile. Iziral tɩmma-la ba sɩ kɛsɛ a kaa mʋ Asiiria arɩ Ijipiti tinteeŋ jaŋ mɩɩra kɔ La TƖƖNA teeŋ a dɛnnʋ peel-la sɩ bɩ disiniŋ kɛnɛ a hɛ Jerusalɛm lɛ nyuŋ.

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

AZAAYA 37:24

Ŋ leŋe ŋ tɩndaaraa tʋʋsɛ La TƖƖNA joŋŋoo nɛ woruŋ. Ŋ sɩ: Mɩ laalɩŋ janɩŋ torukoba sɩ yʋga ŋɩɩ, ba nɛ mɩ kaa jɩl Lɛbanɔŋ peelee nyu-gbaŋa, a jʋʋ ʋ duuŋ tʋɔŋ a keri ʋ kuolu tɩɩ-duduosuŋ arɩ bʋtʋŋ zɔŋŋɔɔ kala lo.’

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 49:10

Losuŋ koo lɩɩnyʋasʋŋ bɩ jaŋ kɛmba. Wɩɩpɔsʋŋ arɩ tintee-hɩlɩŋ lɩmɩŋ ma bɩ jaŋ lɩma kɛmba, bɛɛ wɩaa nɩɩ-la sɩɩ fá ba nenige jaŋ laa ba sɩpaaŋ a kɛmba mʋ lɩɩ-bulo leriŋ.

AZAAYA 65:10

Sarɔŋ tinteeŋ jaŋ ŋaa mɩ nɩalɩŋ sɩɩ tomi pʋsʋŋ dɩ-diiliŋ, dɩ Akɔ fuonaaŋ ma bɩrɩmɛ lee ba sɩ jaŋ pɩna wiesi.

JƐRƖMAAYA 49:31

“Má sii a mʋ yuo tintee nɩa sɩ hɔnɔ ta jɩa a bɩ wɩɩ ka fá. Mɩ-na ma TƖƖNA nɛ bʋla. Tinteeŋ deeŋ bɩ boi-baalaa koo doloo kɛnɛ ba kaa tɔ. Ʋ nɩaa yie hɔŋ ba dʋndʋŋa nɛ.

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

JEMBIEE 5:21

La TƖƖNA, laala dɩ la bɩra ŋaa ŋ nɩaa. Leŋ dɩ la bɩra nagɛ ŋɩɩ la fa sɩ naga,

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

LEVI DOHO NƖAA 27:32

Ma pʋsʋŋ tʋɔŋ, pʋŋ fii tɩɩna na-kala ŋaa mɩ-na ma TƖƖNA kʋa nɛ.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

OBADAAYA 1:19

Nɛgɛf nɩaa jaŋ laa Ɛsɔ tinteeŋ tɩɩ, dɩ nɩalɩŋ sɩ hɛ dundollu-la sɩ hɛ peeliŋ bʋbʋɔŋ ma laa Fɩlɩsɩtɩa nɩaa tinteeŋ. Ba jaŋ laa Efirem arɩ Samarɩa tinteeŋ, ka dɩ Bɛnjamɩŋ ma tɩɩ Gɩlɩad tinteeŋ.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZƐKARƖYA 10:10

Mɩ jaŋ kɛmba mɩɩra lɩɩ Ijipiti tinteeŋ kɔ, a kɛmba lɩɩ Asiiria tinteeŋ ma kɔ. Mɩ jaŋ kɛmba kɔ Gɩlɩad arɩ Lɛbanɔŋ tinteyee dɩ ba paala su lee-la kala, dɩ leriŋ bɩra tuo.

ZƐKARƖYA 11:7

Ŋɩɩ nɛ mɩ daa piese-la ba sɩ magɩla dɩ ba kpʋ, a wasa nyaŋ piese-la ba sɩ nyaga bil. Ŋɩɩ nɛ mɩ joŋ dantɩgɩsɩŋ balɩa a hɛ dɔŋɔ yɩrɩŋ Chonuŋ, dɔŋɔ ma Nii-maga, aŋ dɩdaa piese-la.

MALAKAƖ 3:4

dɩ Juda arɩ Jerusalɛm nɩaa Wɩɩsʋlʋŋ kɩaa tɔrɛ La TƖƖNA tʋɔŋ, arɩ ba fa sɩɩ tɔrɛ ʋ tʋɔŋ ŋɩɩ bumbuŋ-la.

NAMBABA 23:9

Mɩ chɩŋ bʋŋ nyuŋ nɛ aŋ na nɩalɩŋ, a bɩra chɩŋ dundolo ma nyuŋ aŋ bibemba. Ba ŋaa nɩaa sɩ chɩŋ ba dʋndʋŋ nɛ, ba bɩ tinteye-la dɔnsʋŋ naga.

NAMBABA 32:1

Rubiŋ doho nɩaa arɩ Gad doho nɩaa fa kɛŋ pʋsʋŋ nɛ woruŋ. Ŋɩɩ nɛ ba na arɩ Jaza tinteeŋ arɩ Gɩlɩad tinteeŋ zɔmɔ arɩ pʋsʋŋ dɩɛsɩŋ.

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

Jɔɔŋ 17:16

Ba dɩ dʋnɩa nɩaa bɩ kʋbala ŋaa, a nagɛ mɩ dɩ dʋnɩa nɩaa sɩ bɩ kʋbala ŋaa ŋɩɩ.

MOSIS BƖRA WULLI WƖA WOMBIIŊ 33:28

Iziral tɩŋŋaa jaŋ hɔŋ tintee-la sɩ kɛŋ fɩɛlɩŋ lɛ, tintee-la duoŋ-zɔmʋŋ sɩ jaŋ nɩɩ, dɩ kʋdiilee arɩ tɩɩnɛnɛɛ sɩnɩŋ hɛ nɩmɛ.