MƖKA 7:12 - WƖA TENIŊ

¹² Tapʋlɩɩ-la nɩaa jaŋ lɩɩ Asiiria arɩ Ijipiti tinteeŋ a kɔ ma teeŋ. Nɩaa jaŋ paala kɔ ma teeŋ a chɩŋ Ijipiti tinteeŋ lɛ a kaa mʋ yi Yufireti fuo-la, a bɩra chɩŋ mʋgʋ-balɩŋ dɔŋɔ lɛ a kaa mʋ dɔŋɔ, a chɩŋ peeliŋ dɔŋɔ lɛ a kaa mʋ dɔŋɔ.

MƖKA 7:12 ပူးပေါင်းရင်းမြစ်များ

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 11:16

Womporuŋ jaŋ pɩŋ a pɩ ʋ nɩkaana-la sɩ jaŋ lɩɩ Asiiria lɛ, a nagɛ ʋ fa sɩ pɩŋ ŋɩɩ pɩ Iziral tɩŋŋaa naabalɩmaba bʋa-la lɛ ba sɩ lɩɩ Ijipiti tinteeŋ lɛ.

AZAAYA 43:6

Mɩ jaŋ bʋla pɩ wɩɩpɔsʋŋ nadiiŋ nɩaa: ‘Má jomba tɩa,’ a bʋla pɩ wɩɩpɔsʋŋ nagʋa nɩaa: ‘Má sɩ́ ba lɛrɛ bil.’ Má jomba ta dɩ ba lɩɩ dʋnɩa sɛmɛ na-kala a kɔ.

AZAAYA 49:12

Mɩ nɩaa jaŋ lɩɩ dɩ-boloo a kɔ. Dɔnsʋŋ jaŋ lɩɩ wɩɩpɔsʋŋ nagʋa dɩɩrɩŋ, dɩ dɔnsʋŋ ma lɩɩ wɩɩjʋʋlʋŋ dɩɩrɩŋ, ka dɔnsʋŋ ma lɩɩ tintee-la ba sɩɩ yɩrɛ Asɩwaŋ.”

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

ƐZƖKƖƐL 29:21

Dɩ wɩɩŋ deeŋ mɩ sɩ bʋla nɛ kʋ ŋaa, mɩ jaŋ leŋ dɩ Iziral tɩŋŋaa kɛŋ doluŋ, aŋ pɩ ŋ ma Ɛzɩkɩɛl doluŋ dɩ ŋ wuo bʋl wɩaa pɩba. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 37:21

Bʋla pɩba, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ mʋ kɛsɛ mɩ nɩaa kala hɛ dɔŋɔ tinteye-la ba sɩ pɩsa hɛ lɛ, a kɛmba kaa mɩɩra kɔ ba tɩtɩa tinteeŋ.

HOSIA 11:11

Ba jaŋ nagɛ diibii-laalɩŋ a lɩɩ Ijipiti tinteeŋ, a lɩɩ Asiiria tinteeŋ a nagɛ kokosuŋ. Mɩ jaŋ bɩra holliba ba dɩɩsɩŋ lɛ. La TƖƖNA nɛ bʋla.”