MƖKA 7:11 - WƖA TENIŊ

¹¹ Jerusalɛm nɩaa, tapʋlɩɩ-la ma sɩ jaŋ bɩra paa ma kɛrɩsɩŋ saa ka kɔ nɛ, tapʋlɩɩ-la nɛ ma jaŋ kɛŋ ma tinteeŋ bʋa jalla pɛ.

MƖKA 7:11 ပူးပေါင်းရင်းမြစ်များ

NƐHƖMAAYA 2:17

Ŋɩɩ nɛ mɩ bʋla pɩba, “Ma tɩtɩa na wʋwalɩmɩa-la tʋɔŋ la sɩ hɛ nɛ. Jerusalɛm kala pɩŋ jikpeeŋ nɛ, ba nyɩgɛ ʋ boi-baalaa ma. Má kɔ dɩ la paa Jerusalɛm jebii-la wasa saa, a tɔ la hɩɩsɩŋ.”

NƐHƖMAAYA 2:8

Bɩra ŋmʋnsɛ teniŋ dɔŋɔ ma dɩ mɩ joŋo pɩ Asaf, nɩɩ-la sɩɩ beŋ ŋ duuŋ dɩ ʋ pɩmɛ doloo dɩ mɩ kaa ŋaa dɩ-duo-la sɩ hɛ Wɩa dɩɩ-bal-la boi-baalaa, a pɛ tabal-la kɛrɛ arɩ lee-la mɩ sɩ jaŋ jʋjʋʋ lɛ. A tɩŋ mɩ Wɩa naduo-la sɩ daŋ mɩ lɛ wɩaa, kuoro sɛɩ wɩalɩŋ kala mɩ sɩ pɩɛsa chɩchɛ.”

NƐHƖMAAYA 4:3

Bʋa-la lɛ dɩ Tobia sɩ ŋaa Amɔŋ tɩɩna ma fa chɩŋ Sambalat sɛmɛ, a bʋl, “Kʋ-la ba sɩɩ saa, dɩ jolo ma nɛ paala jɩlʋ, ʋʋ bori ʋ tel nɛ.”

NƐHƖMAAYA 4:6

Ŋɩɩ nɛ la wasa saa jebii-la ŋɩɩ a mʋ yi ʋ leŋiŋ kpaa-magɛ dɔŋɔ, bɛɛ wɩaa nɩalɩŋ chaasa tɩŋ nɛ arɩ ba tʋɔŋ kala.

AZAAYA 54:11

Jerusalɛm, ŋ ŋaa taŋ-la sɩ chaasa na hɛɛŋ nɛ kɩŋkɛŋ, ka nʋʋ tuo dɩ ʋ nyagɛ ŋ bɔyɛ. Mɩ jaŋ wasa saaŋ, mɩ jaŋ kɛŋ tabɩɩ-tʋlɩa-la ba sɩɩ yɩrɛ takʋa arɩ safɩya a bil ŋ gentine.

AZAAYA 54:2

Kɛŋ ŋ lɛbɩŋ jalla pɛ, a lɛrɛ ʋ patɩɩsamba arɩ ʋ ŋmɛsɩŋ ta ba lɩɩ harɩŋ, a leŋ dɩ ʋ daapɛ-biisiŋ kɛŋ doluŋ.

AZAAYA 58:12

Ma nɩaa jaŋ paa ma jikpeeniŋ wasa saa, dɩ ba chɩŋ ba gentiŋ-bɩnaa lɛ. Nɩaa jaŋ yɩyɩrɛma nɩalɩŋ sɩ paa jikpeeniŋ kɛrɩsɩŋ arɩ dɩɩsɩŋ saa, dɩ nɩaa bɩra hɛ ma dɩ-jʋʋlaa lɛ.”

AZAAYA 61:4

Ba jaŋ paa jikpee-bɩnɩa-la arɩ tasɩ-la kala sɩ pɩŋ jikpeeniŋ a dieni a wasa saa.

DANƖƐL 9:25

Jɩŋ wɩɩŋ deeŋ sɩaa woruŋ: A chɩŋ bʋa-la lɛ ba sɩ pa wombiiŋ dɩ ba paa Jerusalɛm wasa saa, a kaa kɔ bʋa-la lɛ Wɩa sɩ jaŋ lɩɩsɛ sɩpaalaarʋ-la dɩ ʋ kɔ, jaŋ ŋaa yɔɔsʋŋ balɩpɛ sɩ bala lɛ. Ba sɩ jaŋ bɩra bil wombiee ma a lu bʋɔsʋŋ ma a kaa pɔ ba tɩtɩa Jerusalɛm lɛ jaŋ ŋaa jɩsɩŋ zɔɔ-banɛsɛ arɩ mahɩŋ banɛsɛ arɩ batori lɛ. Ama bʋa deeŋ lɛ wʋjʋʋlaa jaŋ hɛ nɩmɛ.