MƖKA 6:9 - WƖA TENIŊ

⁹ Ʋ ŋaa wʋjɩmɩɩ nɛ dɩ ŋ nɩɩ fá La TƖƖNA. Má jegile nɩɩ, ma nɩalɩŋ sɩɩ hilimi tabal-la lɛ, má jegile nɩɩ ŋɩɩ La TƖƖNA sɩ jaŋ dɔgɩsɛma.

MƖKA 6:9 ပူးပေါင်းရင်းမြစ်များ

2 SAMƲƐL 21:1

Bʋa-la lɛ Devit sɩ ŋaa kuoro, losuŋ fa jʋʋ Iziral tinteeŋ nɛ jɩsɩŋ batori a tɩgɛ dɔŋɔ lɛ. Devit pɩɛsɛ La TƖƖNA dɩ ʋ na wɩɩ-la sɩ tɩɩ. Ŋɩɩ nɛ La TƖƖNA bʋl, “Cheeriŋ lɩɩ Sɔɔl arɩ ʋ dɩa nɩaa nɛ, a tɩŋ nɩalɩŋ ʋ sɩ kpʋa wɩaa, ʋ nɛ kpʋ Gibioŋ tɩŋŋaa.”

JOB 10:2

Mɩ jaŋ bʋla pɩ Wɩa: Sɩ́ cheeriŋ joŋo pɩmɛ, dagɛmɛ wɩɩ-la mɩ sɩ ŋaa chei.

JOB 23:14

Ʋ jaŋ ŋaa wɩalɩŋ kala ʋ sɩ bɩɩna dɩ ʋ ŋaa mɩ lɛ. Wʋdosunuŋ yʋga ʋ kɛŋ.

JOB 5:17

Nɩɩ-la kala Wɩa sɩ kaa tʋraa kɩɩ jaŋ kɛŋ tʋɔtɔrʋŋ, ŋɩɩ wɩaa, sɩ́ Wɩa doluŋ kala Tɩɩna dagɩŋ vɩa.

WƖA YƖƖLAA 107:43

Nʋʋ na-kala sɩ jɩŋ wɩaa, ʋ tɩɩna joŋ wɩaa deemba hɛ ʋ tʋɔŋ lɛ, a kɛŋ La Tɩɩna chono-la sɩ bɩ dɛrɛ wɩaa bɩbɩɩnɛ.

WƖA YƖƖLAA 48:10

Wɩa, nɩaa ka dɛnnɩŋ nɛ lee-kala. Ŋ yɩrɩŋ teeli dʋnɩa sɛmɛ kala nɛ. Ŋ naduo-la ka tɩŋ tʋɔpʋl tɩntɩŋŋaa nɛ.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

WƖA YƖƖLAA 9:16

La Tɩɩna wʋtɩtɩɩ lɛ nɛ ŋ jaŋ to a jɩmʋ. Wʋbɔmɔ-la nɩbɔŋŋɔɔ sɩ ŋaa nagɛ bɛrɛ nɛ a gʋra kɛsɛba.

NAMAGABA 22:3

Wʋjɩnna yie na wʋbɔmʋŋ dɩ ʋʋ kɔ ʋ gɛbɛ faa, ama nɩɩ-la sɩ bɩ wɩaa jɩŋ woruŋ-na yie vɛnɛ vɛnɛ mʋ jʋʋ, a na hɛɛŋ.

AZAAYA 26:11

La TƖƖNA, ŋ kɛŋ ŋ nɩsɩŋ je nɛ dɩ ŋ dɔgɩsɛba, ka ba bɩ ʋ na. Leŋ dɩ ba na ŋɩɩ ŋ sɩ cho ŋ nɩaa aŋ leŋ ŋ dʋndɔŋŋɔɔ dii hɩɩsɩŋ. Leŋ dɩ nyiŋ-la ŋ sɩ joŋo bile gbɛrɛ diiba.

AZAAYA 27:10

Taŋ-la ba sɩ saa kɛrɛ a golli kala pɩŋ hoi nɛ, ba vɩa ta nɛ, ʋ nagɛ tintee-hɩlɩŋ, nɛsɩŋ didii kɩaa nɩmɛ aŋ pɛ pɩpɩŋ nɩmɛ a gbegisi ʋ tɩɩsɩŋ pɩpaarɩŋ kala.

AZAAYA 30:27

Má bee na, La TƖƖNA doluŋ arɩ ʋ tʋla nɛ lɩɩ dɩ-bolii a kʋkɔ. Ʋ baanɩŋ chaasa sii nɛ a nagɛ duoŋ-bɩlɩmbaanɩŋ sɩ tɔ nyʋɔsʋŋ. Ʋ niiŋ wʋbʋlaa kɛŋ baanɩŋ, ʋ nɛ suri ʋ niiŋ ʋ nagɛ nyiniŋ sɩ joŋ kɩaa didii nɛ.

AZAAYA 66:6

Má nɩɩ dɔmɔ-la sɩɩ dɔŋ tabalɩŋ lɛ, a nɩɩ goŋ-la sɩɩ ŋaa mɩ-na dɩɩ-balɩŋ lɛ. Mɩ-na ma TƖƖNA nɛ joŋ ʋ dʋndɔŋŋɔɔ wʋŋaalaa chɩmɩŋ titiŋ ba lɛ ŋɩɩ.

AZAAYA 9:13

Arɩ ŋɩɩ kala, Iziral tɩŋŋaa ha vɩa nɛ dɩ ba bɩrɩma lɩɩ ba wʋbɔŋŋɔɔ lɛ aŋ kɔ La TƖƖNA doluŋ kala Tɩɩna sɩ dɔgɩsɛba teeŋ.

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 47:7

Ama ɛɛ nɛ ʋ jaŋ ŋaa wiesi, mɩ-na ma TƖƖNA nɛ sɩ hɛʋ dɩ ʋ yuo Asɩkɛlɔŋ arɩ mʋgʋ-balɩŋ niiŋ nɩaa?”

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

HOSIA 13:16

Nɩalɩŋ sɩ hɛ Samarɩa lɛ, ba cheeriŋ jaŋ nyʋa ba nyuŋ lɛ, bɛɛ wɩaa ba lɩɩ ba Wɩa harɩŋ nɛ. Ba jaŋ kpʋba laalɩŋ lɛ, aŋ paa ba biibiisiŋ vɩɩrɛ tinteeŋ kpʋ, a kɛsɛ ba hapuugoo ma kpɛrɛ.”

HOSIA 14:9

Nɩɩ-la kala sɩ kɛŋ wʋjɩmɩŋ, ʋ jaŋ jɩŋ wɩaa deemba. Nɩɩ-la sɩɩ jɩŋ wɩaa sɩaa, ʋ jaŋ jɩŋ ba bʋbʋɔŋ. La TƖƖNA wombiee ŋaa wʋtɩtɩɩ wombiee nɛ, tʋɔpʋl tɩŋŋaa vɩvɛŋ ba lɛ, ama nɩalɩŋ sɩ vɩaba gɛrɛ titel nɛ.

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

MƖKA 6:10

Ʋ sɩ, “Mɩ bɩ jaŋ yʋ nɩbɔŋŋɔɔ wɩaa, ma nɩalɩŋ sɩ gɩrɩma dʋa kɩaa su ma dɩɩsɩŋ, a kɛŋ gbaŋa-la sɩ bɩ yie kaa magɩsɛ kɩaa. Wɩɩŋ deeŋ ŋaa wɩɩ mɩ sɩ bɛrɛ nɛ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

ZEFANAAYA 3:2

Ʋ bɩ nʋʋkala niiŋ ka nɩɩ. Ʋ bɩ sɛyɛ ba dɩdagʋ. Ʋ bɩ La TƖƖNA laa dii. Ʋ bɩ sɛyɛ a mʋ kpɩkpagɛ ʋ Wɩa.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.