MƖKA 6:7 - WƖA TENIŊ

⁷ La TƖƖNA tʋɔŋ jaŋ tɔrɛ pie-belliŋ bʋɩba nyuŋ koo nʋʋŋ sɩ su fuonuŋ bʋɩ fiiba a pɩpɛllɛ nyuŋ? Mɩ joŋ mɩ hambolibii bumbuŋ, mɩ tɩtɩa bii-lʋlʋŋ a ŋaa Wɩɩsʋlʋŋ pʋ a tɩŋ mɩ wʋbɔŋŋɔɔ wɩaa?

MƖKA 6:7 ပူးပေါင်းရင်းမြစ်များ

2 KUOROO 16:3

Ʋ fa to Iziral tinteeŋ kuoroo naabʋɔsʋŋ nɛ. Ʋ paala kɛŋ ʋ nanʋala nɛ a kaa kpaarɛ tɔmʋŋ a nyɩga pʋ, a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

2 KUOROO 21:6

Ʋ kɛŋ ʋ tɩtɩa nanʋala a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 KUOROO 3:27

Ŋɩɩ nɛ ʋ kɛŋ ʋ hambolibii-hɩaŋ-la sɩ jaŋ laa ʋ nyuŋ dii kuoruŋ a kpʋʋ ba taŋ jebiiŋ nyuŋ a kpaarɛ ba vene. Fawʋllʋŋ faasa kɛŋ Iziral tɩŋŋaa, ba mɩɩra mʋ ba tinteeŋ.

JOB 29:6

Bʋa-la lɛ mɩ nɛsɩŋ fa kɛŋ nɛ-yɩlɩŋ nɛ woruŋ, ba yie tugu mɩ olif nʋʋŋ bʋŋ nyuŋ ʋ pɩpɛllɛ leriŋ kala.

WƖA YƖƖLAA 50:9

Mɩ bɩ nɛ-bele ka chɛ ma nɛ-dɩa lɛ. Mɩ bɩ bʋʋŋ maa chɛ ma bʋ-dɩa lɛ.

WƖA YƖƖLAA 51:16

Ba sɩ kpʋ pʋsʋŋ a sʋl Wɩɩsʋlʋŋ arɩ kʋnyɩgaa Wɩɩsʋlʋŋ dee ŋ chɩchɛ. Dɩ ŋ nɛ faa chɛba, mɩ fa jaŋ ŋaa pɩŋ.

WƖA YƖƖLAA 51:18

La Tɩɩna, leŋ dɩ ŋ tʋɔŋ tɔrɛ Zaayɔŋ nyuŋ, dɩ ŋ pɛ ʋ lɛ, a wasa saa Jerusalɛm jeyee.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:3

Dɩ nʋʋ nɩɩ ŋaa wɩaa ba bʋa lɛ a kɛŋ wʋtɩtɩɩ, ŋɩɩ nɩɩ tɔrɛ La Tɩɩna tʋɔŋ a kɩɩ nʋʋ sɩ kpʋ pʋsʋŋ a ŋaa Wɩɩsʋlʋŋ pʋ.

AZAAYA 1:1

Wɩalɩŋ Amos nanʋala Azaaya sɩ na a nagɛ duosoo tʋɔŋ, a mʋ tɩgɛ Juda arɩ Jerusalɛm lɛ nɛ ŋ-la, bʋa-la lɛ kuoroo deemba sɩɩ beŋ Juda tinteeŋ: Uzia, Jotaŋ, Ahas arɩ Hezikaaya.

AZAAYA 40:16

Lɛbanɔŋ tinteeŋ daasɩŋ kala bɩ yʋga magɛ dɩ ba kaa hɛ nyiniŋ Wɩɩsʋllɩ koruŋ nyuŋ. Ʋ pʋsʋŋ ma bɩ yʋga magɛ dɩ ba kaa kpʋ a ŋaa kʋnyɩgaa Wɩɩsʋlʋŋ.

JƐRƖMAAYA 19:5

Ba saa Baal vesiŋ dɩ-kpaaraa nɛ dɩ ba nyɩgɛ ba hambolibiisiŋ a pɩ Baal. Mɩ dee bɩ wɩɩŋ deeŋ daga, ŋɩɩ paala bɩ mɩ tʋɔbɩɩnaa kɔ.

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

JƐRƖMAAYA 7:31

Ba bil vene-la ba sɩɩ yɩrɛ Tɔfɛf dɩ-kpaarɩŋ nɛ Bɛŋ Hɩnɔm fuonaaŋ lɛ, dɩ ba kɛsɛ ba hambolibiisiŋ arɩ ba hantolibiisiŋ a nyɩnyɩgɛ. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa kɔ.”

ƐZƖKƖƐL 23:37

Ba ŋaa hachɔrʋŋ wɩaa nɛ a kpʋ nɩaa. Ba to tɔŋŋɔɔ nɛ a ŋaa hachɔrʋŋ wɩaa, a paala kɛsɛ hambolibiisi-la ba sɩ lʋla pɩmɛ a kpʋ nyɩga pɩ ba tɔŋŋɔɔ.

HOSIA 5:6

Dɩ ba nɛ kɛŋ ba piesee arɩ nɛsɩŋ mʋ dɩ ba ŋaa Wɩɩsʋlʋŋ a chɛ na La TƖƖNA, ba bɩ jaŋ naʋ, bɛɛ wɩaa ʋ mɩɩrɛ ba harɩŋ nɛ.

HOSIA 6:6

Mɩ cho dɩ ma fɩfá nɩaa nenige nɛ a kɩɩ ma sɩ kpʋ pʋsʋŋ pɩpɩmɛ, a jɩŋ mɩ-na Wɩa a kɩɩ ma sɩ nyɩgɛ Wɩɩsʋlʋŋ kɩaa pɩmɛ.

LEVI DOHO NƖAA 18:21

Má pʋpɔ ma sɩ́ ma bii kaa pa dɩ ba kaa kpaarɛ vene-la ba sɩɩ yɩrɛ Mɔlɛk, a hɛ ma Wɩa hɩɩsɩŋ. Mɩ nɛ ŋaa ma TƖƖNA.

LEVI DOHO NƖAA 20:1

La TƖƖNA bʋla pɩ Mosis,

AMƆS 5:22

Mɩ bɩ jaŋ laa ma kʋnyɩgaa Wɩɩsʋlʋŋ arɩ ma mɩaa Wɩɩsʋlʋŋ. Mɩ bɩ pʋŋ-nɛrɛɛ-la ma sɩ yie kpʋ a sʋl nii-magɛ dɔŋɔ Wɩɩsʋlɩɩ-la ma ka chɛ.

Fɩlɩmɔŋ 1:12

Mɩ leŋe ʋ kʋkɔ ŋ teeŋ nɛ, mɩ chou nɛ woruŋ.

SƖPAALAARAA 11:31

kʋŋ na-kala sɩ laa sɩpaaŋ lɩɩ mɩ dɩa lɛ a kʋ lɩɩ chemmi, ʋ jaŋ ŋaa ŋ-na La TƖƖNA kʋŋ, mɩ sɩ jaŋ kpʋ a kaa sʋl kʋnyɩgaa Wɩɩsʋlʋŋ a pɩŋ.”

SƖPAALAARAA 11:39

Chɛnsɩ-la balɩa sɩ bala, ʋ mɩɩra kɔ ʋ nyɩmma teeŋ ʋ kɛnʋ ŋaa ŋɩɩ ʋ sɩ ta nii-la a bʋl, dɩ ʋ ha ŋaa hapuŋ. A chɩŋ ŋɩɩ lɛ nɛ wɩɩ-la ŋaa Iziral tɩŋŋaa naaba wɩɩ.

1 SAMƲƐL 15:22

Samʋɛl pɩɛsɛ, “Wʋbɛɛ nɛ La TƖƖNA chɩchɛ, kʋnyɩgaa Wɩɩsʋlʋŋ koo ba sɩ kpʋ pʋsʋŋ a sʋl Wɩɩsʋlʋŋ koo nʋʋ sɩ to ʋ niiŋ lɛ nɛ? Dɩ ŋ nɛ to ʋ niiŋ ʋ nɛ kpɩa ŋ sɩ kpʋ pie-belliŋ sɩ zɔmɔ a nyɩga ŋaa Wɩɩsʋlʋŋ pʋ.