MƖKA 6:6 - WƖA TENIŊ

⁶ Bɛɛ kʋŋ nɛ mɩ jaŋ kaa kɔ La TƖƖNA sɩpaaŋ a kpirime joŋo pɩ Wɩa sɩ kɩɩ kʋŋkala? Mɩ kɛŋ kʋnyɩgaa Wɩɩsʋlʋŋ nɛ-biisiŋ sɩ yi jɩna kɔ ʋ sɩpaaŋ?

MƖKA 6:6 ပူးပေါင်းရင်းမြစ်များ

2 SAMƲƐL 21:3

Ŋɩɩ nɛ kuoro Devit yɩrɛ Gibioŋ tɩmma-la a pɩɛsɛba, “Bɛɛ nɛ ma chɩchɛ dɩ mɩ ŋaa pɩma? Ɛɛ nɛ mɩ jaŋ ŋaa a wasɛ wɩɩ-la ka dɩ ma sʋl La TƖƖNA dɩ ʋ bɩra pɛ ʋ nɩaa lɛ?”

WƖA YƖƖLAA 116:12

Bɛɛ nɛ mɩ jaŋ ŋaa tiŋ La Tɩɩna, a tɩŋ wʋzɔmɔ-la kala ʋ sɩ ŋaa pɩ mɩ wɩaa?

WƖA YƖƖLAA 22:29

Nɩalɩŋ kala sɩ kɛŋ kɩaa kɩŋkɛŋ jaŋ kʋ kpirimi ŋ sɩpaaŋ. Nɩalɩŋ ma naaŋ sɩɩ lieŋi sʋʋŋ bʋa lɛ a bɩ wuo wiesee yi kala jaŋ kʋ kpirimi ŋ sɩpaaŋ a chʋɔlʋŋ.

WƖA YƖƖLAA 95:2

Má kɔ ʋ sɩpaaŋ a lɔllʋ, a yɩɩ yɩɩlaa arɩ tʋɔtɔrʋŋ a dɛnnʋ.

WƖA YƖƖLAA 95:6

Má kɔ dɩ la kpirimi a chʋɔlɛ La Tɩɩna. Má leŋ dɩ la kpirimi ʋ sɩpaaŋ, ʋ nɛ ŋaala.

MOSIS KƐŊ IZIRAL TƖŊŊAA LƖƖ 12:5

Pʋna-la ma sɩ jaŋ lɩɩsɛ maga dɩ ʋ ŋaa pie-bele koo gbuŋgbogo a yi jɩna a sɩ́ nyɔɔ kala kɛŋ.

MOSIS KƐŊ IZIRAL TƖŊŊAA LƖƖ 23:15

Chɛnɛ-la ba sɩɩ yɩrɛ Abib tʋɔŋ, chɛnɛ-la lɛ mɩ sɩ kɛmma lɩɩ Ijipiti tinteeŋ lɛ, má gbieli gbiele-la ba sɩ yie gbieli a dii boroboro-la sɩ bɩ sɩbʋrʋŋ kɛnɛ. Tapʋlaa balɩpɛ ma jaŋ dii boroboro-la sɩ bɩ sɩbʋrʋŋ kɛnɛ arɩ mɩ sɩ dagɛma ŋɩɩ. Nʋʋkala pɔ dɩ ʋ sɩ́ mɩ sɩpaaŋ kɔ arɩ na-hɩllɩŋ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:3

Dɩ nʋʋ nɩɩ ŋaa wɩaa ba bʋa lɛ a kɛŋ wʋtɩtɩɩ, ŋɩɩ nɩɩ tɔrɛ La Tɩɩna tʋɔŋ a kɩɩ nʋʋ sɩ kpʋ pʋsʋŋ a ŋaa Wɩɩsʋlʋŋ pʋ.

AZAAYA 40:16

Lɛbanɔŋ tinteeŋ daasɩŋ kala bɩ yʋga magɛ dɩ ba kaa hɛ nyiniŋ Wɩɩsʋllɩ koruŋ nyuŋ. Ʋ pʋsʋŋ ma bɩ yʋga magɛ dɩ ba kaa kpʋ a ŋaa kʋnyɩgaa Wɩɩsʋlʋŋ.

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

ƐZƖKƖƐL 46:9

Dɩ tintee-la nɩaa nɛ kɔ mɩ-na ma TƖƖNA sɩpaaŋ ba gbieli-la kʋŋkala lɛ, dɩ nʋʋ nɛ to wɩɩpɔsʋŋ nagʋa boi-baalɩŋ jʋʋ chʋɔlɛmɛ, ʋ maga ʋ to wɩɩpɔsʋŋ nadiiŋ boi-baalɩŋ nɛ a lɩɩ. Dɩ nʋʋ ma nɛ to wɩɩpɔsʋŋ nadiiŋ boi-baalɩŋ jʋʋ, ʋ maga ʋ to wɩɩpɔsʋŋ nagʋa boi-baalɩŋ nɛ a lɩɩ. Nʋʋkala bɩ maga ʋ to boi-la ʋ sɩ to kʋ jʋʋ a lɩɩ, ama ʋ maga ʋ to boi-la dɔŋɔ sɩ chaasɛ kʋ-la ʋ sɩ to kʋ jʋʋ nɛ a lɩɩ.

DANƖƐL 3:26

Ŋɩɩ nɛ Nebukadineza mʋ kpagɛ nyiŋ-bal-la niiŋ aŋ kpɩa yɩrɛ, “Sadɩrak, Mɛsak arɩ Abedinego, Wɩa sɩ kɩɩ kʋŋkala tɩntɩnnaa, má kʋ lɩɩ a kɔ daha.” Ŋɩɩ nɛ Sadɩrak, Mɛsak arɩ Abedinego kʋ lɩɩ nyiŋ-la tʋɔŋ.

DANƖƐL 4:9

Mɩ bʋla pɩ Bɛlɩtɛsaza, chichiribee kuoro, mɩ jɩma vesiŋ doluŋ hɛ ŋ lɛ nɛ, wʋkpuŋkpere kala tuo a hɛɩ pɩŋ. Mɩ duoso nɛ ŋ-la, dagɛ ʋ bʋbʋɔŋ pɩmɛ.

DANƖƐL 5:18

Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

DANƖƐL 5:21

Ba kiru ta, ʋ lɩɩ nɩaa tʋɔŋ, ʋ tʋɔbɩɩnaa nagɛ pʋna kɩaa, ʋ guoli kosuŋ tʋɔŋ a dii yaŋ a nagɛ nɛŋ. Nyalɩŋ nyala hɛ ʋ lɛ halɩɩ, a mʋ yi bʋa-la lɛ ʋ sɩ kʋ jɩŋ, dɩ Wɩa sɩ kɩɩ kʋŋkala nɛ kɛŋ doluŋ nuhuobiinee kuoruŋ nyuŋ, a jaŋ wuo jomba pɩ nɩɩ-la kala ʋ sɩ cho.

HOSIA 5:6

Dɩ ba nɛ kɛŋ ba piesee arɩ nɛsɩŋ mʋ dɩ ba ŋaa Wɩɩsʋlʋŋ a chɛ na La TƖƖNA, ba bɩ jaŋ naʋ, bɛɛ wɩaa ʋ mɩɩrɛ ba harɩŋ nɛ.

AMƆS 5:22

Mɩ bɩ jaŋ laa ma kʋnyɩgaa Wɩɩsʋlʋŋ arɩ ma mɩaa Wɩɩsʋlʋŋ. Mɩ bɩ pʋŋ-nɛrɛɛ-la ma sɩ yie kpʋ a sʋl nii-magɛ dɔŋɔ Wɩɩsʋlɩɩ-la ma ka chɛ.

NAMBABA 7:51

a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

Matiu 19:16

Baal kʋbala ma nɛ sie a kɔ Yesu teeŋ. Ŋɩɩ nɛ ʋ pɩɛsɛ Yesu, “Mɩ kʋhɩaŋ, wʋzɔŋ bɛɛ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Maak 12:33

Ŋ sɩ cho Wɩa arɩ ŋ tʋɔŋ, ŋ doluŋ arɩ ŋ wɩɩ-wɩɩkala, a cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ, ʋ nɛ kpɩa ŋ sɩ joŋ pʋsʋŋ kpʋ a nyɩga pɩ Wɩa, koo ŋ sɩ joŋ kɩaa dɔnsʋŋ a bile pɩ Wɩa.”

Maak 5:7

aŋ faasa ŋaa goŋ a bʋl, “Yesu, Wɩa sɩ kɩɩ kʋŋkala Bie, bɛɛ nɛ ŋ chɛ dɩ ŋ ŋaa mɩ lɛ? Mɩ joŋ Wɩa chʋŋʋŋ, sɩ́ mɩ dɔgɩsʋ.”

Luuk 10:25

Ŋɩɩ nɛ Wɩa teniŋ kerichi kʋbala kɔ a wʋwalɩmɛ dɩ ʋ magɩsɛ Yesu a pɩɛsʋ, “Kʋhɩaŋ, bɛɛ kʋŋ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Jɔɔŋ 6:26

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, maa chɛmɛ a tɩŋ boroboro-la ma sɩ dii vɔgɛ wɩaa nɛ, ama wʋmagɩla-la ma sɩ na dɩ mɩ ŋaa wɩaa dee.

Tɩntɩŋŋaa 16:17

Ʋ to la dɩ Pɔɔl harɩŋ a yie faasaa bʋl, “Nɩaa deemba Wɩa sɩ kɩɩ kʋŋkala tɩntɩnnaa nɛ. Ba bʋlaa pɩma ŋɩɩ ma sɩ jaŋ ŋaa dɩ Wɩa laama ta nɛ.”

Tɩntɩŋŋaa 16:30

Ʋ kɛmba kaa lɩɩ a pɩɛsɛba, “Mɩ nandɔnsʋŋ, ɛɛ nɛ mɩ jaŋ ŋaa dɩ Wɩa laamɛ ta?”

Tɩntɩŋŋaa 2:37

Nɩalɩŋ sɩ nɩɩ wɩɩŋ deeŋ Pɩɩta sɩ bʋla, ʋ faasa wʋwalɩmɛba kɩŋkɛŋ. Ŋɩɩ nɛ ba pɩɛsɛ Pɩɩta arɩ Yesu nanzɔɔba-la dɔnsʋŋ, “La naambiiriŋ, bɛɛ kʋŋ nɛ saa la jaŋ ŋaa?”

Ɛfɛsɩs Nɩaa 3:14

Dɩ mɩ nɛ bɩɩnɛ wɩalɩŋ Wɩa sɩ ŋaa pɩla, mɩ yie tuu kpirimi la Nyɩmma Wɩa sɩpaaŋ nɛ.

Hiburu TƖŊŊAA 10:11

Wɩɩsʋllɩ sɩpaalaarʋ kala yie chɩŋ ʋ leriŋ nɛ a tɩtɩŋ ʋ tɩntɩŋŋaa tapʋlɩɩ-na kala, a vɛnɛɛ kpʋ pʋsʋŋ a ŋɩŋaa Wɩɩsʋlʋŋ tapʋlɩɩ-na kala. Ʋ sɩ yie kpʋ pʋsʋŋ deemba a ŋaa Wɩɩsʋlʋŋ pɩpɩ Wɩa, ba bɩ jaŋ wuo laa nɩaa wʋbɔŋŋɔɔ ta.

1 SAMƲƐL 15:22

Samʋɛl pɩɛsɛ, “Wʋbɛɛ nɛ La TƖƖNA chɩchɛ, kʋnyɩgaa Wɩɩsʋlʋŋ koo ba sɩ kpʋ pʋsʋŋ a sʋl Wɩɩsʋlʋŋ koo nʋʋ sɩ to ʋ niiŋ lɛ nɛ? Dɩ ŋ nɛ to ʋ niiŋ ʋ nɛ kpɩa ŋ sɩ kpʋ pie-belliŋ sɩ zɔmɔ a nyɩga ŋaa Wɩɩsʋlʋŋ pʋ.