MƖKA 6:4 - WƖA TENIŊ

⁴ Mɩ nɛ kɛmma kʋ lɩɩ Ijipiti tinteeŋ lɛ, a laama ta ma fa sɩ ŋaa yosu lɛ. Mɩ-na nɛ tɩŋ Mosis, Arɔŋ arɩ Mɩrɩam ba laa ma sɩpaaŋ.

MƖKA 6:4 ပူးပေါင်းရင်းမြစ်များ

2 SAMƲƐL 7:23

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee arɩ ba vesiŋ ta nɛ ŋ nɩaa sɩpaaŋ. Ba nɛ nɩalɩŋ ŋ sɩ laa ta Ijipiti tinteeŋ lɛ.

WƖA YƖƖLAA 77:20

Ŋ daa ŋ nɩaa a nagɛ pie-laalɩŋ nɛ, a lɩɩsɛ Mosis arɩ Arɔŋ ba ŋaa ba sɩpaalaaraa.

MOSIS KƐŊ IZIRAL TƖŊŊAA LƖƖ 12:51

Tapʋlɩɩ-la tɩtɩa nɛ La TƖƖNA kɛŋ Iziral tɩŋŋaa doho doho kala kʋ lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 20:2

“Mɩ-na nɛ ma TƖƖNA Wɩa. Mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS KƐŊ IZIRAL TƖŊŊAA LƖƖ 3:10

Ŋɩɩ wɩaa mʋ, mɩɩ tɩmɩŋ nɛ Ijipiti tinteeŋ kuoro teeŋ, dɩ ŋ kɛŋ mɩ nɩaa kʋ lɩɩ Ijipiti tinteeŋ lɛ.”

MOSIS KƐŊ IZIRAL TƖŊŊAA LƖƖ 4:10

Ŋɩɩ nɛ Mosis bʋla pɩ La TƖƖNA, “Mɩ TƖƖNA, mɩ-na ŋ tɩntɩnna, mɩ bɩ wʋbʋllʋ ŋaa, a lɩɩ bʋa-la kala lɛ ŋ sɩ suomo bʋl wɩaa mɩ teeŋ arɩ lɛɛlɛ kala. Mɩ nandelimiŋ yuŋŋie arɩ wɩaa bʋlʋŋ.”

MOSIS KƐŊ IZIRAL TƖŊŊAA LƖƖ 4:16

Arɔŋ jaŋ laa ŋ niiŋ wɩaa bʋlaa pɩ nɩalɩŋ, ŋ ma Mosis jaŋ chɩŋ mɩ-na Wɩa naasɩŋ lɛ aa dagʋ wɩɩ-la sɩ maga dɩ ʋ bʋl.

MOSIS KƐŊ IZIRAL TƖŊŊAA LƖƖ 6:27

Ba nɛ bɩra bʋla pɩ Ijipiti tinteeŋ kuoro arɩ ʋ leŋ dɩ Iziral tɩŋŋaa lɩɩ Ijipiti tinteeŋ lɛ.

JƐRƖMAAYA 32:21

Ŋ ŋaa wʋmagɩlaa arɩ wʋkpuŋkperisiŋ nɛ, a dagɛ ŋ doluŋ, a ŋaa wɩaa sɩ kɛŋ fawʋllʋŋ a kɛŋ ŋ nɩaa Iziral tɩŋŋaa kaa kʋ lɩɩ Ijipiti tinteeŋ lɛ.

AMƆS 2:10

Mɩ nɛ kɛmma kaa kʋ lɩɩ Ijipiti tinteeŋ lɛ, a kɛmma gɔllɛ tintee-hɩlɩŋ lɛ jɩsɩŋ mahɩŋ balɩa a joŋ Amɔrɩ tɩŋŋaa tinteeŋ pɩma.

NAMBABA 12:1

Mosis fa jaa Kus tɩŋŋaa tolo nɛ, ŋɩɩ nɛ Mɩrɩam arɩ Arɔŋ lɩɩ Mosis harɩŋ a gʋrɩmɛ wɩaa.

NAMBABA 33:1

Iziral tɩŋŋaa doho kala sɩ lɩɩ Ijipiti tinteeŋ lɛ, Mosis arɩ Arɔŋ ŋaa ba sɩpaalaaraa, ba vɛŋ doho doho a hɔŋ lere-la nɛ ŋ-la.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

MOSIS BƖRA WULLI WƖA WOMBIIŊ 15:15

Ma jɩŋ arɩ ma ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, ŋɩɩ nɛ tɩɩ mɩ joŋ wɩɩŋ deeŋ aa dagɛma jɩnɩŋ.

MOSIS BƖRA WULLI WƖA WOMBIIŊ 24:18

Má liise yi arɩ ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, a kɛmma lɩɩ nɩmɛ. Ŋɩɩ nɛ tɩɩ mɩ sɩ ma to wɩɩŋ deeŋ ŋɩɩ.

MOSIS BƖRA WULLI WƖA WOMBIIŊ 4:20

Ma nɛ ŋaa nɩalɩŋ La TƖƖNA sɩ laa ta Ijipiti tɩŋŋaa nɩsɩŋ lɛ, lee-la ma fa sɩ chaasa na hɛɛŋ. Ʋ laama dɩ ma ŋaa ʋ nɩaa nɛ arɩ ma sɩ ŋaa ʋ nɩaa ŋɩɩ jɩnɩŋ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 5:6

Mɩ nɛ ŋaa ma TƖƖNA Wɩa, mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 7:8

Ama La TƖƖNA paala choma nɛ a bɩ chɛ dɩ nii-la ʋ sɩ hɛ pɩ ma naabalɩmaba kʋ ŋaa pɛɩ. Ŋɩɩ nɛ tɩɩ ʋ yuo laama arɩ ʋ doluŋ Ijipiti tinteeŋ kuoro nɩsɩŋ lɛ, a kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 9:26

Mɩ sʋllʋ a bʋl, “Mɩ Tɩɩna Wɩɩjarɩbakɔ, sɩ́ ŋ nɩaa ŋ tɩtɩa sɩ lɩɩsa chei. Ŋ nɛ laaba arɩ ŋ doluŋ Ijipiti tɩŋŋaa nɩsɩŋ lɛ a kɛmba kaa lɩɩ Ijipiti tinteeŋ lɛ.

1 SAMƲƐL 12:6

Ŋɩɩ nɛ Samʋɛl bʋla pɩba, “La TƖƖNA nɛ lɩɩsɛ Mosis arɩ Arɔŋ, a kɛŋ ma naabalɩmaba kʋ lɩɩ Ijipiti tinteeŋ lɛ.