MƖKA 6:16 - WƖA TENIŊ

¹⁶ bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

MƖKA 6:16 ပူးပေါင်းရင်းမြစ်များ

1 KUOROO 18:4

Jɛzɛbɛl fa sɩɩ kpʋ La TƖƖNA wʋlaabʋllaa, Obadaaya kɛsɛ Wɩa wʋlaabʋllaa zɔlɔ a faa bʋ-bʋɔsʋŋ balɩa lɛ. Mahɩŋ balɩa arɩ fii hɛ dɔŋɔ lɛ, mahɩŋ balɩa arɩ fii ma hɛ dɔŋɔ lɛ, a pɩpɩba kʋdiilee arɩ lɩɩŋ.)

1 KUOROO 9:8

Lɛɛlɛ-na mɩ dɩɩ-balɩŋ deeŋ kɛŋ yɩrɩŋ nɛ woruŋ, ama dɩ ŋɩɩ nɛ ŋaa, nʋʋkala sɩ jaŋ to dɩa deeŋ bʋbʋɔŋ bɩbal jaŋ naʋ dɩ ʋ ŋaaʋ wʋkpuŋkpere dɩ ʋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ arɩ Wɩa dɩɩ-balɩŋ deeŋ ŋ-la?’

2 KUOROO 16:3

Ʋ fa to Iziral tinteeŋ kuoroo naabʋɔsʋŋ nɛ. Ʋ paala kɛŋ ʋ nanʋala nɛ a kaa kpaarɛ tɔmʋŋ a nyɩga pʋ, a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

2 KUOROO 21:3

Ʋ wasa saa vesiŋ dɩ-kpaarɩa-la kala ʋ nyɩmma Hezikaaya fa sɩ ŋmoo giri nɛ, aŋ saa korunuŋ a pɩ vene-la ba sɩɩ yɩrɛ Baal, aŋ pɛ vene-la ba sɩɩ yɩrɛ Asɩra daaŋ ma, arɩ Iziral tinteeŋ kuoro Ahab fa sɩ ŋaa ŋɩɩ. Ʋ fa kpirime aa chʋɔlɛ wɩa-nyuŋ kɩaa kala ma nɛ.

2 IZIRAL TƖŊŊAA NAABARƖŊ 22:4

Ʋ fa ŋaa wʋbɔŋŋɔɔ nɛ La TƖƖNA teeŋ arɩ Ahab dɩa nɩaa fa sɩ ŋaa ŋɩɩ, bɛɛ wɩaa ʋ nyɩmma sʋʋŋ harɩŋ, ba nɛ nɩalɩŋ fa sɩ bʋl wɩaa chɩchagɩlʋ. Ŋɩɩ nɛ leŋe ʋ tel.

2 IZIRAL TƖŊŊAA NAABARƖŊ 34:25

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii kɩalɩŋ ba tɩtɩa sɩ ŋaa lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

WƖA YƖƖLAA 1:1

Wɩa jaŋ pɛ nɩalɩŋ sɩ bɩ nɩbɔŋŋɔɔ niiŋ ka to lɛ, a bɩ wʋbɔŋ ŋaaraa harɩŋ ka to, a bɩ nɩalɩŋ ma sɩɩ sieri Wɩa lɛ tʋɔŋ ka guoli.

WƖA YƖƖLAA 44:13

Ŋ leŋe la ŋaa mɔmɩa nɛ nɩalɩŋ sɩ jʋʋ kpɩkpagɛla teeŋ. Tinteye-la sɩ gollila ma sisieri la lɛ.

WƖA YƖƖLAA 44:14

Tinteye-la ma tʋɔŋ la sɩ guolo, ŋ leŋe la nagɛ mɔmɩa nɛ ba teeŋ, ba mɔmɔ duduuri.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

JƐRƖMAAYA 19:8

Mɩ jaŋ chei tabalɩŋ deeŋ dɩ ʋ ŋaa kʋŋ nɩaa sɩ jaŋ mʋmɔŋ. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 51:51

Ma sɩ, ‘Ba hɩɩsɛla nɛ, a tʋʋsɛla, a leŋ la dii hɩɩsɩŋ bɛɛ wɩaa nɩwogusuŋ jʋʋ La TƖƖNA dɩɩ-balɩŋ lee-la sɩ bɩ disiniŋ kɛnɛ.’

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JEMBIEE 5:1

La TƖƖNA, liise yi wɩalɩŋ sɩ ŋaa la lɛ, beŋ a na hɩɩsɩŋ sɩ kɛnla ŋɩɩ.

ƐZƖKƖƐL 39:26

Dɩ ba nɛ bɩra hɔŋ sɔm ba tɩtɩa tinteeŋ lɛ, nʋʋkala bɩ baa walɩmɛ, ba jaŋ yʋ hɩɩsɩ-la ba sɩ die arɩ ŋɩɩ ba sɩ bɩ wʋtɩtɩɩ kɛnɛ arɩ mɩ.

DANƖƐL 9:16

La TƖƖNA, a tɩŋ tʋɔpʋl wɩalɩŋ kala ŋ sɩ ŋaa wɩaa, sɩ́ baanɩŋ na. Leŋ dɩ ŋ baanɩŋ fɩɛlɛ Jerusalɛm nyuŋ sɩ ŋaa ŋ tabalɩŋ, a ŋaa ŋ dundolo sɩ bɩ disiniŋ kɛnɛ. La wʋbɔŋŋɔɔ arɩ la nyɩmmaba wʋbɔŋŋɔɔ leŋe Jerusalɛm arɩ ŋ nɩaa ŋaa nɩmɔmɩa nɛ nɩalɩŋ kala sɩ gollila teeŋ.

HOSIA 12:14

Ama Efirem chaasa leŋ La TƖƖNA baanɩŋ sii nɛ ʋ nyuŋ. La TƖƖNA jaŋ leŋ dɩ nɩalɩŋ ʋ sɩ kpʋa cheeriŋ nyʋa ʋ nyuŋ lɛ. Ʋ jaŋ joŋ jomo-la ʋ sɩ tʋʋsʋ chɩmɩŋ timu.

HOSIA 5:11

Ba nyagɛ Efirem bil nɛ, a nʋɔsʋ bil sarɩya dɩ-diiliŋ, bɛɛ wɩaa ʋ faa kpaarɛ vʋɩyaa nɛ.

MƖKA 2:6

Ba nɩalɩŋ sɩ sɩ ba ŋaa Wɩa wʋlaabʋllaa nɛ bʋla pɩmɛ, “Sɩ́ Wɩa wɩaa bʋla pɩla. Sɩ́ Wɩa wɩaa bʋla tɩgɛ wɩaa deemba lɛ, Wɩa bɩ jaŋ leŋ dɩ la dii hɩɩsɩŋ.

MƖKA 6:13

Ŋɩɩ wɩaa, mɩ suomo dɩ mɩ cheima nɛ, mɩɩ cheima a tɩŋ ma wʋbɔŋŋɔɔ wɩaa nɛ.

Jɔɔŋ Wʋnaalaa 2:20

Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.