MƖKA 5:6 - WƖA TENIŊ

⁶ Ba jaŋ yuo dii Asiiria tinteeŋ, a jaŋ chei Nɩmɩrɔd tintee-la. Ba jaŋ laala ta Asiiria tɩŋŋaa nɩsɩŋ lɛ, dɩ ba nɛ kʋ jʋʋ la tinteeŋ a yuyuola.

MƖKA 5:6 ပူးပေါင်းရင်းမြစ်များ

2 KUOROO 15:29

Bʋa-la lɛ Pɛka sɩ dii kuoruŋ Iziral tinteeŋ lɛ nɛ, Asiiria tinteeŋ kuoro ba sɩɩ yɩrɛ Tɩgɩlaf Pɩlɩsa kʋ yuo Iziral tinteeŋ a laa tasɩŋ deemba: Ɩjɔŋ, Abɛl Bɛf Maaka, Janʋa, Kɛdɛs arɩ Hazɔ, a pɛ Gɩlɩad arɩ Galilii arɩ Nafɩtalɩ tinteeŋ kala lɛ, a kɛsɛ ba nɩaa kala kaa mʋ Asiiria tinteeŋ.

1 IZIRAL TƖŊŊAA NAABARƖŊ 1:10

Kus nɛ lʋl Nɩmɩrɔd, ʋ sii waa a ŋaa laalɩyuori-duo dʋnɩa lɛ.

2 IZIRAL TƖŊŊAA NAABARƖŊ 33:11

Ŋɩɩ nɛ La TƖƖNA leŋ Asiiria laalɩyuori-hɩasɩŋ kʋ yuo Juda tinteeŋ, a kɛŋ Manasɛ a joŋ nenii-pɩrɩŋ hɛ ʋ mɩɩsɩŋ lɛ aŋ vɔbʋ arɩ kɔlɩɩŋ chɔrʋmɔɔ a kɛnʋ kaa mʋ Babɩlɔŋ tinteeŋ.

JOB 29:22

Dɩ mɩ nɛ bʋl wɩaa dɛrɛ, nʋʋkala bɩra bɩ niiŋ ka suri. Mɩ wʋbʋlaa faa jʋʋ ba dɩgɩlaa nɛ woruŋ.

WƖA YƖƖLAA 110:3

Tapʋlɩɩ-la ŋ sɩ jaŋ yuo ŋ dʋndɔŋŋɔɔ, ŋ nɩaa jaŋ kɛŋ ba tɩtɩa kʋ lɩɩ ŋ harɩŋ a kpɩɛrɛ ba tɩtɩa. Ŋ bapʋɔsɛ biisi-la jaŋ kɔ ŋ teeŋ peel-la ŋ sɩ lɩɩsa pɩ ŋ tɩtɩa nyuŋ.

WƖA YƖƖLAA 72:6

Leŋ dɩ kuoru-la nagɛ duonuŋ sɩ nɩɩ hɛ yaŋ sɩ bumo tɔsɛ lɛ, a nagɛ duonuŋ sɩ faasa nɩɩ a hɛ tinteeŋ lɛ.

AZAAYA 14:2

Tintee-daŋ jaŋ pɛ Iziral tɩŋŋaa lɛ a kɛmba mɩɩra kɔ ba tinteeŋ. Jekɔb doho nɩalɩŋ jaŋ tɩɩ tinteye-la nɩaa dɩ baalaa arɩ haalaa tɩma pɩpɩba tintee-la La TƖƖNA sɩ joŋo pɩba lɛ. Nɩalɩŋ fa sɩ yuo kɛsɛ Iziral tɩŋŋaa, ba ma jaŋ yuo kɛsɛba, a bibeŋ nɩalɩŋ fa sɩ dɔgɩsɛba.

AZAAYA 14:25

Mɩ jaŋ chei Asiiria tɩŋŋaa Iziral tinteeŋ lɛ, mɩ tinteeŋ nɛ ŋɩɩ. Mɩ jaŋ nʋɔsɛba bil mɩ peelee nyuŋ. Hɛɛ-la sɩ nagɛ daaŋ ba joŋo daŋ mɩ nɩaa baŋŋaa lɛ, mɩ jaŋ dʋɔrʋ, a dʋɔrɛ chʋga-la ba sɩ joŋo sagɛ mɩ nɩaa vaasɩŋ lɛ.

AZAAYA 33:1

Wɩaa jaŋ jʋʋ ma nɩalɩŋ sɩ ŋaa wʋcheere arɩ zɛmbɛ tɩŋŋaa ka nʋʋkala bɩ wɩɩ ŋaa cheima koo a ŋaama zɛmbɛ. Dɩ ma nɛ leŋ nɩaa cheyiŋ ma, cheeriŋ ha jaŋ puuma. Dɩ ma nɛ leŋ zɛmbɛ ma, nɩaa ha jaŋ ŋaama ma zɛmbɛ.

AZAAYA 37:36

Ŋɩɩ nɛ La TƖƖNA Wɩa tɩndaara mʋ lee-la Asiiria tɩŋŋaa sɩ hɔnɔ, a kpʋ ba laalɩyuoroo bʋɩ zɔlɔ arɩ mahɩŋ banɛsɛ arɩ banɔŋ. Taŋ ka pʋl dɩ lee-la kala suo arɩ sʋʋnʋŋ.

AZAAYA 37:37

Asiiria kuoro Sanakɛrɩb leŋ laal-la ʋ fa sɩ bɩɩna dɩ ʋ yuo aŋ mɩɩra mʋ taŋ-la ba sɩɩ yɩrɛ Nɩnɩvɛ a hɔŋ nɩmɛ.

AZAAYA 6:13

Dɩ nɩaa fii tʋɔŋ, nɩbala ma nɛ paala ka tintee-la lɛ, ʋ ha jaŋ bɩra pɩŋ hoi. Nɩɩ-la jaŋ nagɛ piiŋ tɩa ba sɩ kere ta aŋ ka ʋ gentine bɩra tɔsɛ. Ŋɩɩ nɛ mɩ nɩaa ma jaŋ nagɛ tɩa-gentine tintee-la lɛ.”

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

NAHUM 2:11

Lɛɛlɛ, nɩɩ nɛ naachigee dɩjʋʋlʋŋ hɛ, lee-la ba sɩɩ dɩɛsɛ ba biiriŋ, lee-la naachigi-bele arɩ naachigi-haala arɩ ba biiriŋ sɩ mʋa a bɩ fawʋllʋŋ ka fá?

ZEFANAAYA 2:13

La TƖƖNA jaŋ lɩɩsɛ ʋ nɩsɩŋ liesi wɩɩpɔsʋŋ nagʋa dɩɩrɩŋ a chei Asiiria tinteeŋ, aŋ ŋaa dɩ tabal-la ba sɩɩ yɩrɛ Nɩnɩvɛ pɩŋ hoi, a hɩla nagɛ tintee-hɩlɩŋ.

ZEFANAAYA 3:12

Mɩ-na ma TƖƖNA jaŋ leŋ nɩalɩŋ sɩ kɛŋ ba tɩtɩa muuri arɩ nɩalɩŋ sɩaa sɩ fɩɛla tabal-la lɛ, nɩalɩŋ sɩ laamɛ dii.

Luuk 1:71

arɩ ʋ jaŋ laala ta la dʋndɔŋŋɔɔ arɩ nɩalɩŋ kala sɩ bɛrɛla nɩsɩŋ lɛ.

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

MOSIS BƖRA WULLI WƖA WOMBIIŊ 32:2

Leŋ dɩ wɩalɩŋ mɩ sɩɩ dagʋ nagɛ duonuŋ sɩɩ nɩɩ, dɩ mɩ wʋbʋlaa nagɛ nyalɩŋ, a nagɛ duonuŋ sɩ mirise hɛ yaŋ sɩ bumo nyʋ lɛ, a nagɛ duonuŋ sɩ faasa nɩɩ a hɛ kʋduuloo ha sɩ bɩ waa lɛ.