MƖKA 5:4 - WƖA TENIŊ

⁴ Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

MƖKA 5:4 ပူးပေါင်းရင်းမြစ်များ

WƖA YƖƖLAA 145:12

Ŋɩɩ nɛ nɩaa jaŋ jɩŋ wʋduoru-la ŋ sɩ ŋaa, arɩ ŋ kuoruŋ tʋla sɩ magɛ ŋɩɩ.

WƖA YƖƖLAA 22:27

Nʋʋkala sɩ hɛ dʋnɩa lɛ jaŋ liisi La Tɩɩna wɩaa a mɩɩra kɔ ʋ teeŋ. Tinteye-la sɩ hɛ dʋnɩa lɛ nɩaa kala jaŋ kpirimi ʋ sɩpaaŋ a chʋɔlʋ,

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

WƖA YƖƖLAA 72:8

Leŋ dɩ tintee-la ʋ sɩɩ beŋ jallɛ a chɩŋ mʋgʋ-balɩŋ sɛmɛ dɔŋɔ a mʋ yi sɛmɛ dɔŋɔ, a chɩŋ fuo-la ba sɩɩ yɩrɛ Yufireti lɛ, a mʋ yi tinteeŋ sɛmɛ na-kala.

WƖA YƖƖLAA 93:1

La Tɩɩna nɛ kuoro, ʋ laalɛ ʋ kuoru-gɛrɩŋ nɛ, a gigenni. Ʋ kɛŋ doluŋ nɛ woruŋ, a leŋ tinteeŋ chɩŋ kpaŋkpaŋ, a bɩ jigisi.

WƖA YƖƖLAA 98:3

Ʋ liise yi ʋ chono-la arɩ wʋtɩtɩɩ-la ʋ sɩ kɛnɛ Iziral tɩŋŋaa lɛ nɛ. Dʋnɩa nɩaa kala na ŋɩɩ la Wɩa sɩ laa nɩaa tɩta nɛ.

MOSIS KƐŊ IZIRAL TƖŊŊAA LƖƖ 23:21

Má sɛɩ a tuto wɩɩ-la kala ʋ sɩ jaŋ bʋla pɩma. Má pɔ dɩ ma sɩ́ ʋ niiŋ wɩaa vɩa. Dɩ nʋʋkala nɛ vɩa ʋ niiŋ, ʋ bɩ jaŋ joŋo chɛ tɩɩna, bɛɛ wɩaa mɩ yɩrɩŋ nɛ ʋ kaa tɩŋ.

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

AZAAYA 49:5

Ŋɩɩ nɛ La TƖƖNA bʋl arɩ ka ba na lʋlmɛ, ʋ lɩɩsɛmɛ nɛ, mɩ ŋaa ʋ tɩntɩnnʋ, dɩ mɩ kɛŋ Jekɔb mɩɩra kɔ ʋ teeŋ, dɩ Iziral tɩŋŋaa hɛ dɔŋɔ lɛ kɔ ʋ leriŋ. La TƖƖNA zilmi nɛ, mɩ Wɩa nɛ mɩ doluŋ.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 52:13

La TƖƖNA sɩ, “Mɩ tɩntɩnna jaŋ dii nyuŋ ʋ wɩaa kala lɛ. Ʋ yɩrɩŋ jaŋ sii kɩŋkɛŋ, dɩ nɩaa zizilu woruŋ.

AZAAYA 8:7

mɩ-na ma TƖƖNA jaŋ leŋ dɩ Asiiria kuoro arɩ ʋ laalɩyuoroo kala kʋ yuo Juda tɩŋŋaa. Ba jaŋ kɔ a nagɛ Yufireti fuo-la lɩɩŋ sɩ suo a gbu lɩlɩɩ.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

ZƐKARƖYA 9:10

Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ, arɩ laalɩŋ janɩ-la sɩ hɛ Jerusalɛm lɛ, aŋ bori ba laalɩŋ tosuŋ. Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala. Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ, a lɩɩ Yufireti fuo-la lɛ a kaa mʋ dʋnɩa dɩdɛrɩŋ.

MALAKAƖ 1:5

Ma Iziral tɩŋŋaa tɩtɩa jaŋ na wɩɩŋ deeŋ, a bʋl, ‘La TƖƖNA chaasa kɛŋ doluŋ a kieli Iziral tinteeŋ mʋ dɩ-bolii nɛ.’ ”

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Luuk 1:32

Ʋ jaŋ ŋaa nɩbal. Ba jaŋ kɛnʋ yɩrɛ Wɩɩ-balɩŋ Bie. Wɩa jaŋ ŋaa dɩ ʋ dii kuoruŋ arɩ ʋ naabalɩma Devit fa sɩ dii kuoruŋ ŋɩɩ.

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”