MƖKA 5:3 - WƖA TENIŊ

³ Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

MƖKA 5:3 ပူးပေါင်းရင်းမြစ်များ

1 KUOROO 14:16

La TƖƖNA jaŋ vɩa Iziral tɩŋŋaa ta a tɩŋ wʋbɔmɔ-la Jerobuam sɩ ŋaa, a leŋ Iziral tɩŋŋaa ma pɛ ŋaaba.”

2 IZIRAL TƖŊŊAA NAABARƖŊ 30:7

Má sɩ́ ma nyɩmmaba arɩ ma naambiiriŋ nagʋ, ba fa bɩ wʋtɩtɩɩ kɛnɛ La TƖƖNA ba nyɩmmaba Wɩa teeŋ, ŋɩɩ nɛ ʋ leŋ ba ŋaa mɔmɩaa nɩaa sisieri ba lɛ, ma tɩtɩa jɩŋ ŋɩɩ lɛ nɛ.

WƖA YƖƖLAA 67:3

Wɩa, a leŋ dɩ nɩaa kala dɛnnɩŋ, a leŋ dɩ ba kala ŋaa goŋ a dɛnnɩŋ.

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

HOSIA 2:14

Ŋɩɩ wɩaa, mɩ jaŋ bʋl nii-sɩŋ wɩaa kɛnʋ, mɩ jaŋ kɛnʋ kaa jʋʋ tintee-hɩlɩŋ a fɩɛla bʋl wɩaa pʋ.

HOSIA 2:9

Ŋɩɩ wɩaa mɩ jaŋ laa mɩ mɩaa dɩ ba nɛ bɩa, a laa mɩ girep nɛnɛɛ sɩ-falɩŋ dɩ ba nɛ ŋaaʋ dɛrɛ. Mɩ jaŋ laa mɩ pie-pʋnaa gɛrɩ-la arɩ mɩ gɛrɩ-fʋfʋlɩɩ-la mɩ fa sɩ joŋo tɔ ʋ yarɩ-biree.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

MƖKA 4:4

Nʋʋkala jaŋ hɔŋ ʋ girep tɩa bʋbʋɔŋ a hɔŋ ʋ tutogo bʋbʋɔŋ arɩ yarɩfɩɛlaa. Nʋʋkala bɩ jaŋ ŋaa dɩ fawʋllʋŋ kɛmba, bɛɛ wɩaa La TƖƖNA doluŋ kala Tɩɩna nɛ bʋla.

MƖKA 4:7

Mɩ jaŋ leŋ dɩ gbɛrɩgɛ-la kʋkaanaa arɩ nɩalɩŋ ba sɩ kire ta ŋaa tintee-duo, dɩ mɩ-na ma TƖƖNA bemba Zaayɔŋ peel-la nyuŋ a chɩŋ tapʋlɩɩ-la a kaa mʋ wuu.

MƖKA 5:7

Jekɔb doho nɩalɩŋ sɩ ka a bɩ sʋba jaŋ guoli nɩ-daŋ tʋɔŋ. Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ, koo duonuŋ sɩ yie mirise hɛ kɩaa lɛ ba wasɛ ŋɩɩ. Wɩaa deemba kala ka ŋaa Wɩa doluŋ lɛ nɛ, nuhuobiine doluŋ lɛ dee.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MƖKA 6:14

Ma jaŋ dii aŋ bɩ vɔgɛ, ma luobiee jaŋ wuoli. Ma jaŋ tʋɔlɛ kɩaa aŋ chɛ ka, mɩ jaŋ leŋ dɩ ba yuo diima aŋ paa kɩalɩŋ ma sɩ tʋɔla viiri.

MƖKA 7:13

Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la nɩalɩŋ sɩ hɛ ʋ lɛ sɩɩ ŋaa wɩaa.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

Matiu 1:21

Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.”

Matiu 12:50

Nɩɩ-la kala sɩ ŋaa wɩɩ-la mɩ Nyɩmma Wɩa sɩ hɛ Wɩa-jaŋ lɛ sɩ cho, ʋ nɛ ŋaa mɩ ŋaana arɩ mɩ dɩhaala arɩ mɩ naaŋ.”

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.