MƖKA 5:2 - WƖA TENIŊ

² Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

MƖKA 5:2 ပူးပေါင်းရင်းမြစ်များ

WƖAA DƖ-SUOMUŊ 35:16

Ŋɩɩ nɛ ba lɩɩ Bɛtɛl lɛ a mʋmʋ a ka mʋa, ka dɩ ba yi Ɛfɩraf, Rakɛl chɩchɛ dɩ ʋ lʋl. Ʋ luoruŋ faasa wʋwɩɩ ʋ chaasa na hɛɛŋ.

WƖAA DƖ-SUOMUŊ 35:19

Rakɛl sɩ sʋba, ba joŋu hugi Ɛfɩraf wombiiŋ (Bɛtɩlɛhɛm nɛ ŋɩɩ).

WƖAA DƖ-SUOMUŊ 48:7

Mɩ sɩ lɩɩ Mesopotemia lɛ aa kɔ, ŋ naaŋ Rakɛl sʋʋ Kɛnaŋ tinteeŋ lɛ dɩ mɩ ka mʋa, ka dɩ mɩ yi Ɛfɩrata. Mɩ joŋu hugi Ɛfɩrata wombiiŋ lɛ (ʋ nɛ ha Bɛtɩlɛhɛm). Ŋɩɩ leŋ mɩ tʋɔŋ chei woruŋ lee-la.”

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

1 IZIRAL TƖŊŊAA NAABARƖŊ 2:54

Salɩma ma doho nɩaa nɛ ŋ-la: Bɛtɩlɛhɛm tɩŋŋaa, Netofa tɩŋŋaa, Atɩrɔf Bɛf Jʋab tɩŋŋaa, arɩ Manaha tɩŋŋaa kpaa magɛ dɔŋɔ, Zori tɩŋŋaa,

1 IZIRAL TƖŊŊAA NAABARƖŊ 5:2

Arɩ ŋɩɩ kala Juda doho nɩaa nɛ ha wuo kɛŋ doluŋ a lɩɩsɛ sɩpaalaara ʋ bibeŋ ba doho doho-la kala.

WƖA YƖƖLAA 132:6

Bʋa-la lɛ la fa sɩ hɛ taŋ-la ba sɩɩ yɩrɛ Ɛfɩrata lɛ, la nɩa dɩ Wɩa niiriŋ daga-la hɛ lee dɔŋ nɛ a kpagɛ lee-la ba sɩɩ yɩrɛ Jaa.

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

MOSIS KƐŊ IZIRAL TƖŊŊAA LƖƖ 18:21

Ama tʋɔsɛ baalaa sɩ kaasa nɩalɩŋ tʋɔŋ, nɩalɩŋ sɩɩ fá Wɩa a kɛŋ wʋtɩtɩɩ a bɩ gɩrɩma ka dii. Chaarɛba dɩ ba ŋaa kʋhɩasɩŋ, dɩ dɔnsʋŋ bibeŋ nɩaa bʋɩba, dɔnsʋŋ ma bibeŋ nɩaa zɔlɔba, dɩ dɔnsʋŋ ma bibeŋ nɩaa mahɩŋ balɩa arɩ fiiba, dɩ dɔnsʋŋ maa beŋ nɩaa fiiba.

MOSIS KƐŊ IZIRAL TƖŊŊAA LƖƖ 18:25

Ʋ tʋɔsɛ baalaa sɩ kaasa Iziral tɩŋŋaa kala tʋɔŋ, a leŋ ba ŋaa nɩalɩŋ sɩpaalaaraa, dɔnsʋŋ bibeŋ nɩaa bʋɩba, dɔnsʋŋ zɔlɔba, dɔnsʋŋ mahɩŋ balɩa arɩ fiiba, dɔnsʋŋ ma fiiba.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

JƐRƖMAAYA 30:21

Ba tɩtɩa dɔŋɔ nɛ jaŋ ŋaa ba sɩpaalaara. Nɩɩ-la sɩ jaŋ bibemba jaŋ lɩɩ ba tɩtɩa tʋɔŋ. Mɩ jaŋ kɛnʋ kʋ kpagɛmɛ, dɩ ʋ kʋ yimi. Kʋbɛɛ nɛ nɩɩ-la sɩ jaŋ sɛɩ a kɛŋ ʋ tɩtɩa a kʋ kpagɛmɛ? Mɩ-na ma TƖƖNA nɛ pɩɛsa.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

MƖKA 4:10

Zaayɔŋ nɩaa, maa na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ nɛ. Ʋ lɛɛlɛ maga dɩ ma lɩɩ tabal-la lɛ nɛ a mʋ ŋmoo buguŋ pɔkɔŋ nyuŋ. Ma jaŋ mʋ Babɩlɔŋ, nɩmɛ nɛ mɩ jaŋ laama ta. Mɩ-na ma TƖƖNA jaŋ laama ta ma dʋndɔŋŋɔɔ nɩsɩŋ lɛ.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 2:1

Ba lʋl Yesu Bɛtɩlɛhɛm lɛ nɛ. Tabie-la fa hɛ Judiya tinteeŋ lɛ nɛ. Bʋa deeŋ lɛ baal kʋbala baa yɩrɛ Hɛrɔd nɛ fa ŋaa tintee-la kuoro. Ba sɩ lʋl Yesu, wʋjɩnnaa lɩɩ taŋ-bʋbʋɔŋ a kɔ Jerusalɛm a pɩɛsɛ, “Juu tɩŋŋaa kuoru-la ba sɩ lʋla hɛ nɩɩ nɛ? La na ʋ chɛnwʋlʋŋ taŋ-bʋbʋɔŋ nɛ a kɔ dɩ la chʋɔlʋ.”

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Luuk 23:2

Nɩmɛ nɛ ba suomo dɩdagɛ wɩalɩŋ ʋ sɩ cheye, “La kɛŋ baala deeŋ dɩ ʋ nyɩsɛ la nɩaa dɩ ba vɩa la wombii-la la sɩɩ to, aŋ bʋl dɩ ba sɩ́ lampoo ma time pɩ Rom tinteeŋ kuoru-balɩŋ. Ʋ bɩra bʋla a tɩgɛ ʋ tɩtɩa lɛ dɩ ʋ nɛ ŋaa Kirisito, Nɩɩ-la Wɩa sɩ lɩɩsa, aŋ bʋl dɩ ʋ ŋaa kuoru ma nɛ.”

Luuk 23:38

Ba ŋmʋnsa mɛrɛ ʋ daagɛsɛ-la lɛ a bʋl: JUU TƖŊŊAA KUORO NƐ Ŋ-LA.

Jɔɔŋ 7:42

Wɩa teniŋ tʋɔŋ ba bʋla arɩ Kirisito, Nɩɩ-la Wɩa sɩ lɩɩsa, jaŋ ŋaa Devit doho nʋʋ nɛ a lɩɩ Bɛtɩlɛhɛm. Devit jaŋ nɛ fa Bɛtɩlɛhɛm.”

MOSIS BƖRA WULLI WƖA WOMBIIŊ 1:15

Ŋɩɩ nɛ mɩ laa nɩalɩŋ ma sɩ lɩɩsa a leŋ dɔnsʋŋ bibeŋ nɩaa bʋɩba, dɔnsʋŋ ma bibeŋ zɔlɔba, dɔnsʋŋ ma bibeŋ mahɩŋ balɩa arɩ fiiba dɔnsʋŋ ma bibeŋ nɩaa fiiba, aŋ leŋ dɔnsʋŋ ma ŋaa tɩntɩnnɩ-hɩasɩŋ doho na-kala lɛ.

Koloosi Nɩaa 1:17

Ʋ nɛ laa sɩpaaŋ hɛ nɩmɛ, ka kʋŋkala-na hɛ nɩmɛ. Ʋ nɩɩ beŋ kɩaa kala ba chɩŋ ba dɩchɩnaa.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Hiburu TƖŊŊAA 7:14

Nʋʋkala jɩma arɩ Yesu lɩɩ Juda doho nɩaa tʋɔŋ nɛ. Ama bʋa-la lɛ Mosis fa sɩ bʋl wɩaa a tɩgɛ nɩalɩŋ sɩ jaŋ ŋaa Wɩɩsʋllɩ sɩpaalaaraa lɛ, ʋ bɩ bʋla arɩ ba lɩɩsɛ nʋʋ sɩ lɩɩ Juda doho nɩaa tʋɔŋ.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

SƖPAALAARAA 17:7

Bʋa-la tɩtɩa lɛ dɩ Levi doho nɩaa bapʋɔsɛ bie kʋbala fa hɛ nɩmɛ. Ʋ hɛ Bɛtɩlɛhɛm sɩ hɛ Juda tinteeŋ lɛ, a jʋjʋʋ Juda nyɩŋ-nɩaa tʋɔŋ.

RUF 1:1

Bʋa-la lɛ kuoroo fa sɩ tuo Iziral tinteeŋ lɛ ka bawajɩaba bibemba, losu-kʋbala nɛ fa jʋa. Ŋɩɩ nɛ baal kʋbala sɩ ŋaa Bɛtɩlɛhɛm tɩɩna a lɩɩ Juda tinteeŋ, ʋ dɩ ʋ haala arɩ ʋ hambolibiisiŋ balɩa sii mʋ dɩ ba hɔŋ Mʋab tinteeŋ lɛ mʋa.

RUF 4:11

Ŋɩɩ nɛ nɩhɩasɩ-la arɩ nɩalɩŋ kala sɩ hilimi taŋ-la boi-baalɩŋ niiŋ bʋl, “Oo, la pɛ na nɛ, La TƖƖNA jaŋ pɛ ŋ haal-la lɛ dɩ ʋ nagɛ Rakɛl arɩ Liya sɩ lʋl biiriŋ yʋgɛ ŋɩɩ a pɩ Jekɔb doho nɩaa. Wɩa jaŋ leŋ dɩ ŋ kɛŋ yɩrɩŋ Ɛfɩraf doho nɩaa tʋɔŋ a ŋaa nɩbal Bɛtɩlɛhɛm lɛ.

1 SAMƲƐL 10:19

Mɩ nɛ ma Wɩa, mɩ nɛ laama ta ma wʋjʋʋlaa arɩ hɛɛ-la kala ma fa sɩɩ na lɛ. Ama lɛɛlɛ ma vɩamɛ nɛ aŋ bʋl: Bil kuoro pɩla. Ŋɩɩ wɩaa má kala kɔ La TƖƖNA sɩpaaŋ doho doho arɩ nyɩŋ-nɩa nyɩŋ-nɩa.”

1 SAMƲƐL 17:12

Devit nyɩmma nɛ fa Jesi. Jesi ŋaa Yufireti tɩɩna nɛ, a lɩɩ Bɛtɩlɛhɛm sɩ hɛ Juda tinteeŋ lɛ. Ʋ kɛŋ hambolibiisiŋ chori nɛ. Bʋa-la lɛ Sɔɔl sɩ dii kuoruŋ, dɩ Jesi hɩɛsa woruŋ.

1 SAMƲƐL 17:18

Laa na-yɩl-nʋʋ-gulimoo fii a pɛ a kaa mʋ pɩ laalɩyuoru-hɩaŋ-la sɩɩ bemba, aŋ pɛ na wɩalɩŋ ŋ naambiiriŋ sɩɩ ŋaa, a laa kʋŋ ba teeŋ kaa kɔ sɩ jaŋ dagɛ arɩ ba kɛŋ yarɩfɩɛlaa nɛ.

1 SAMƲƐL 23:23

Má beŋ woruŋ a jɩŋ lere-la kala ʋ sɩ yie fɩfaa, a kʋ bʋl wʋtɩtɩɩ a pɩmɛ. Mɩ jaŋ to ma harɩŋ mʋ, dɩ ʋ nɛ hɛ lee-la, mɩ jaŋ chɛ kɛnʋ, dɩ ʋ nɛ paala magɛ dɩ mɩ gbilli Juda tinteeŋ kala ma.”

1 SAMƲƐL 8:12

Ʋ jaŋ leŋ dɩ ba dɔnsʋŋ ŋaa laalɩyuoroo bʋɩba nɩhɩasɩŋ a bibemba, dɩ dɔnsʋŋ ma bibeŋ laalɩyuoroo mahɩŋ balɩa arɩ fiiba. Ka dɩ dɔnsʋŋ ma pɩpɛrɛ ʋ baga lɛ, a ŋaa ʋ baga kɩaa pʋpʋ. Ba dɔnsʋŋ ma nɛ ha jaŋ lilibi ʋ laalɩyuori kɩaa arɩ ʋ janɩŋ torukoba kɩaa kala.