MƖKA 5:11 - WƖA TENIŊ

¹¹ Mɩ jaŋ chei tabalaa sɩ hɛ ma tinteeŋ lɛ, aŋ ŋmoo ma dɩ-duoruŋ ma kala lo.

MƖKA 5:11 ပူးပေါင်းရင်းမြစ်များ

AZAAYA 1:7

Maa beŋ nɛ ka nɩwogusuŋ kʋ yuo dii ma tabalaa a nyɩgɛ ma dɩɩsɩŋ, nʋhʋɔraa dii ma bagɩsɩŋ nɛ, ka ma tinteeŋ pɩŋ jikpeeŋ.

AZAAYA 2:6

La TƖƖNA, ŋ vɩa ŋ nɩaa nɛ, Jekɔb doho nɩalɩŋ, bɛɛ wɩaa baa ŋaa vʋgʋrʋ wɩaa nɛ, wɩalɩŋ nɩalɩŋ sɩ hɛ wɩɩpɔsʋŋ dɩɩrɩŋ arɩ Fɩlɩsɩtɩa tɩŋŋaa sɩɩ ŋaa. Baa to nɩwogusuŋ naabarɩŋ wombiee nɛ.

AZAAYA 27:9

Wɩɩ-la Iziral tɩŋŋaa sɩ jaŋ ŋaa dɩ La TƖƖNA joŋ ba wʋbɔŋŋɔɔ kala chɛba nɛ ŋ-la: Dɩ ba nɛ ŋmoo ba vʋɩyaa korunu-la tabɩaa kala a yɛrɛ muno muno arɩ ba sɩ bugisi chʋrʋŋ ʋ bii ŋɩɩ, a sɩ́ leŋe dɩ veŋ-haal-la ba sɩɩ yɩrɛ Asɩra daasɩŋ kʋŋkala hɛ nɩmɛ arɩ ba kʋsʋɔrʋsʋŋ sʋɔra sɩ sɩma korunuŋ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

HOSIA 10:14

Ŋɩɩ wɩaa laalɩŋ jaŋ sii ma nyuŋ a chei ma dɩ-duoruŋ kala, a nagɛ baal kʋbala ba sɩɩ yɩrɛ Salɩmaŋ fa sɩ chei taŋ-la ba sɩɩ yɩrɛ Bɛf Abɛl ŋɩɩ laalɩŋ tapʋlʋŋ. Bʋa-la lɛ nɛ ba paa naamba arɩ ba biiriŋ vɩɩrɛ tinteeŋ kpʋ.

AMƆS 5:9

Ʋ nɛ chei laalɩyuori babiibalaa arɩ ba dɩ-duoruŋ, a leŋ taŋ-la ba sɩ saa kɛrɛ golli pɩŋ jikpeeŋ.

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.