MƖKA 4:7 - WƖA TENIŊ

⁷ Mɩ jaŋ leŋ dɩ gbɛrɩgɛ-la kʋkaanaa arɩ nɩalɩŋ ba sɩ kire ta ŋaa tintee-duo, dɩ mɩ-na ma TƖƖNA bemba Zaayɔŋ peel-la nyuŋ a chɩŋ tapʋlɩɩ-la a kaa mʋ wuu.

MƖKA 4:7 ပူးပေါင်းရင်းမြစ်များ

WƖA YƖƖLAA 2:6

“Mɩ bil mɩ kuoro nɛ Zaayɔŋ lɛ, mɩ dundolo-la mɩ sɩ lɩɩsa pɩ mɩ tɩtɩa lɛ.”

AZAAYA 16:5

Devit doho nɩaa dɔŋɔ jaŋ dii kuoruŋ a cho nɩaa woruŋ, ʋ jaŋ kɛŋ wʋtɩtɩɩ beŋ ʋ nɩaa. Ʋ jaŋ dii ʋ nɩaa sarɩya arɩ tʋɔpʋla, a chɩchɛ dɩ wʋtɩtɩɩ chɩŋ.

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

AZAAYA 6:13

Dɩ nɩaa fii tʋɔŋ, nɩbala ma nɛ paala ka tintee-la lɛ, ʋ ha jaŋ bɩra pɩŋ hoi. Nɩɩ-la jaŋ nagɛ piiŋ tɩa ba sɩ kere ta aŋ ka ʋ gentine bɩra tɔsɛ. Ŋɩɩ nɛ mɩ nɩaa ma jaŋ nagɛ tɩa-gentine tintee-la lɛ.”

AZAAYA 60:22

Ŋ dɩa-la nɩaa sɩ paala bɩ yʋgɛ jaŋ kʋ ŋaa tintee bal a kɛŋ doluŋ. Mɩ-na nɛ ma TƖƖNA, dɩ bʋa-la nɛ yie, mɩ jaŋ guu ŋaa wɩalɩŋ kala.”

AZAAYA 66:8

Kʋbɛɛ nɛ ha nɩɩ wɩɩŋ deeŋ doho? Kʋbɛɛ nɛ ha na ŋɩɩ aŋ ka? Tinteeŋ nɩaa jaŋ wuo sii chɛ-bala a hɛ nɩmɛɛ? Tinteeŋ jaŋ wuo guu saa? Ama ŋɩɩ nɛ saa Zaayɔŋ nagɛ: Ʋ luoruŋ bɩ jaŋ wɩɩ ka dɩ ʋ lʋl ʋ biiriŋ chɛ-bala.”

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

JOWƐL 2:32

Nɩɩ-la kala sɩ jaŋ yɩrɛ mɩ-na ma TƖƖNA yɩrɩŋ, mɩ jaŋ laaʋ ta, bɛɛ wɩaa, Zaayɔŋ peel-la arɩ Jerusalɛm lɛ laatanɩŋ jaŋ hɛ nɩmɛ, arɩ mɩ-na ma TƖƖNA sɩ bʋl ŋɩɩ. Ba nɛ ŋaa nɩkaana-la mɩ-na ma TƖƖNA sɩ lɩɩsa.

JOWƐL 3:17

Ŋɩɩ nɛ ma jaŋ jɩŋ arɩ mɩ-na ma TƖƖNA Wɩa hɛ Zaayɔŋ lɛ nɛ, mɩ peel-la sɩ bɩ disiniŋ kɛnɛ lɛ. Jerusalɛm jaŋ ŋaa lee sɩ bɩ disiniŋ kɛnɛ. Nɩwogusuŋ maachie kala bɩra bɩ jaŋ kɔ dɩ ba tɔʋ hɛ.

OBADAAYA 1:21

Nɩduoruŋ jaŋ lɩɩ Zaayɔŋ peel-la lɛ a yuo dii Ɛsɔ doho nɩaa a bibemba, dɩ kuorii-la ŋaa mɩ-na ma TƖƖNA kʋŋ.”

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 2:13

Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZEFANAAYA 3:20

Bʋa-la lɛ, mɩ jaŋ kɛsɛma kʋ hilimi. Bʋa-la nɛ yie, mɩ jaŋ kɛsɛma kɔ dɩa. Mɩ jaŋ leŋ dɩ dʋnɩa nɩaa kala bɩbɛsɛ ma lɛ a zizilma dɩ mɩ nɛ leŋe dɩ ma bɩra dʋa ba sɩɩŋ lɛ.” La TƖƖNA nɛ bʋla.

Luuk 1:33

Ʋ jaŋ dii kuoruŋ Jekɔb doho nɩaa tʋɔŋ a kaa mʋ wuu. Ʋ kuoruŋ bɩ jaŋ dɛrɛ da.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”