MƖKA 4:4 - WƖA TENIŊ

⁴ Nʋʋkala jaŋ hɔŋ ʋ girep tɩa bʋbʋɔŋ a hɔŋ ʋ tutogo bʋbʋɔŋ arɩ yarɩfɩɛlaa. Nʋʋkala bɩ jaŋ ŋaa dɩ fawʋllʋŋ kɛmba, bɛɛ wɩaa La TƖƖNA doluŋ kala Tɩɩna nɛ bʋla.

MƖKA 4:4 ပူးပေါင်းရင်းမြစ်များ

1 KUOROO 4:25

Bʋa-la lɛ Solomoŋ sɩ hɛ ʋ mɩɩsɩŋ lɛ, Juda arɩ Iziral tɩŋŋaa kala, a chɩŋ taŋ-la ba sɩɩ yɩrɛ Daŋ sɩ hɛ wɩɩpɔsʋŋ nagʋa a kaa mʋ taŋ-la ba sɩɩ yɩrɛ Bɛɛsɩba sɩ hɛ wɩɩpɔsʋŋ nadiiŋ, nʋʋkala fa hɔnɔ arɩ fɩɛlɩŋ nɛ, wɩɩkala bɩ ba jʋa. Nɩalɩŋ kala fa kɛŋ ba tɩtɩa tɩɩnɛnɛɛ bagɩsɩŋ arɩ ba tutogusuŋ nɛ.

1 KUOROO 5:5

La TƖƖNA fa hɛ niiŋ pɩ mɩ nyɩmma Devit nɛ arɩ ʋ nanʋal-la sɩ jaŋ laa ʋ nyuŋ a dii kuoruŋ nɛ jaŋ saa ʋ dɩɩ-balɩŋ a pʋ. Ŋɩɩ tʋɔbɩɩnaa nɛ mɩ kɛŋ dɩ mɩ saa dɩɩ-balɩŋ a pɩ mɩ Tɩɩna Wɩa.

JOB 11:19

Ŋ jaŋ pɩŋ doŋ a ta jɩa, nʋʋkala bɩ jaŋ leŋ dɩ ŋ bɔyɛ joŋ. Nɩ-daŋ jaŋ cho dɩ ŋ pɛ ba ma lɛ.

WƖA YƖƖLAA 72:3

Leŋ dɩ tintee-la nɩbalaa arɩ nɩbiisiŋ kala dʋa, dɩ tʋɔpʋla hɛ nɩmɛ.

NAMAGABA 3:25

Ŋ bɔyɛ bɩ jaŋ joŋ arɩ wʋlɔrʋ jaŋ wuo guu jʋʋŋ, wʋbɔmɔ-la sɩɩ jʋʋ nɩbɔŋŋɔɔ bɩ jaŋ jʋʋŋ,

AZAAYA 1:20

Ama dɩ ma nɛ vɩa mɩ niiŋ aŋ to ma nyuduoŋ lɛ, ma dʋndɔŋŋɔɔ jaŋ kpʋma.” La TƖƖNA nɛ bʋla.

AZAAYA 17:2

Siiria tabalaa kala jaŋ pɩŋ hoi, a bɩrɩmɛ piesee arɩ nɛsɩŋ dɩjʋʋlʋŋ arɩ dɩ-diiliŋ, ka nʋʋkala bɩ jaŋ kiriba nɩmɛ.

AZAAYA 22:25

La TƖƖNA doluŋ kala Tɩɩna bɩra sɩ, “Tapʋlɩɩ-la, daapɛhɛ-la ba sɩ ŋmoo pɛ dɩ-duoŋ jaŋ churi, dɩ chʋgʋsʋ-la kala sɩ sagɛ ʋ lɛ kɛrɛ tel.” La TƖƖNA Wɩa nɛ bʋla.

AZAAYA 26:16

La TƖƖNA, bʋa-la lɛ ŋ sɩ dɔgɩsɛ ŋ nɩaa, ba na hɛɛŋ. Ŋ sɩ lɛrɛ ba dɩgɩlɩŋ ba kɔ ŋ teeŋ nɛ a nɛrɩgɛ munso sʋsʋlʋŋ.

AZAAYA 32:17

A tɩŋ nʋʋkala sɩ kɛŋ tʋɔpʋla wɩaa, ma jaŋ hɔŋ arɩ fɩɛlɩŋ. Wɩɩkala bɩra bɩ jaŋ walɩmɛma a kaa mʋ wuu.

AZAAYA 36:16

Má sɩ́ Hezikaaya teeŋ jegilu.’ Asiiria kuoro sɩ, ‘Má kɔ mɩ teeŋ dɩ la ŋaa sɩma, ŋɩɩ nɛ ma kʋŋkala jaŋ wuo dii ma tɩtɩa girep nɛnɛɛ aŋ nyʋa ma vilee ma lɩɩŋ,

AZAAYA 40:5

Ŋɩɩ lɛ nɛ La TƖƖNA jaŋ dagɛ ʋ tʋla dɩ nuhuobiinee kala naʋ. La TƖƖNA tɩtɩa nɛ bʋla.”

AZAAYA 54:14

Tʋɔpʋla nɛ ŋ jaŋ kaa hɔŋ. Nɩalɩŋ sɩ tɛrɛ jaŋ hɛ dɩ-bolii ŋ bɩ jaŋ fɩfá wɩɩkala. Fawʋllʋŋ bɩ jaŋ kɛnɩŋ, ŋ dɩ fawʋllʋŋ jaŋ bol.

AZAAYA 58:14

ma jaŋ kɛŋ tʋɔtɔrʋŋ mɩ-na ma TƖƖNA teeŋ. Mɩ jaŋ ŋaa dɩ dʋnɩa nɩaa kala zizilma. Ma jaŋ nɩɩ sɩma tintee-la lɛ mɩ sɩ joŋo pɩ ma naabalɩma Jekɔb. Mɩ-na ma TƖƖNA nɛ bʋla.”

JƐRƖMAAYA 23:4

Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ƐZƖKƖƐL 34:25

Mɩ jaŋ hɛ niiŋ mɩ dɩ ba pɛgɛ dɩ fɩɛlɩŋ hɛ ba tinteeŋ lɛ. Mɩ jaŋ kiri baga kʋbɔmɔ-la kala ba tinteeŋ lɛ, ka dɩ mɩ piesee wuo pɩŋ pɔkɔŋ nyuŋ arɩ duuŋ tʋɔŋ ka wɩɩkala bɩ baa ŋaa.

ƐZƖKƖƐL 34:28

Tintee-wogusuŋ nɩaa bɩra bɩ jaŋ kʋ laa ba kɩaa. Baga kɩaa ma bɩra bɩ jaŋ kɛsɛba dii. Ba jaŋ hɔŋ sɔm, nʋʋkala bɩ jaŋ joŋ fawʋllʋŋ hɛ ba lɛ.

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

ƐZƖKƖƐL 39:26

Dɩ ba nɛ bɩra hɔŋ sɔm ba tɩtɩa tinteeŋ lɛ, nʋʋkala bɩ baa walɩmɛ, ba jaŋ yʋ hɩɩsɩ-la ba sɩ die arɩ ŋɩɩ ba sɩ bɩ wʋtɩtɩɩ kɛnɛ arɩ mɩ.

LEVI DOHO NƖAA 26:6

Mɩ jaŋ leŋ dɩ ma hɔŋ Kɛnaŋ tintee-la lɛ arɩ fɩɛlɩŋ dɩ wɩɩkala sɩ leŋe dɩ ma bɔyɛ joŋ. Mɩ jaŋ lɩɩsɛ gɩrɩŋ kʋbɔŋŋɔɔ arɩ laalɩŋ ma tinteeŋ lɛ.

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”