MƖKA 4:3 - WƖA TENIŊ

³ Ʋ jaŋ laa tintee daŋ nɩaa wɩaa jɩma pɩba, a kɛŋ tintee-duoruŋ sɩ hɛ dɩ-boloo arɩ dɩ-kpagɩsɩŋ nɩaa kʋ hɛ dɔŋɔ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩ-kɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

MƖKA 4:3 ပူးပေါင်းရင်းမြစ်များ

WƖA YƖƖLAA 46:10

Wɩa sɩ, “Má hɔŋ chɩm, ŋɩɩ nɛ ma jaŋ jɩŋ arɩ mɩ nɛ Wɩa. Mɩ yɩrɩŋ jaŋ yɩrɛ tintee kala lɛ. Mɩ yɩrɩŋ jaŋ yɩrɛ dʋnɩa kala lɛ.”

WƖA YƖƖLAA 46:9

Ʋ bori tosuŋ nɛ a chei tiŋŋee kala, ʋ nyɩgɛ hɔɔtaalɩ-la ma laalɩyuoroo sɩ kaa kɛrɛɛ laa bayuori hɛŋŋɛɛ nɛ, ʋ leŋe laalɩŋ dɛrɛ dʋnɩa kala lɛ nɛ.

WƖA YƖƖLAA 72:3

Leŋ dɩ tintee-la nɩbalaa arɩ nɩbiisiŋ kala dʋa, dɩ tʋɔpʋla hɛ nɩmɛ.

WƖA YƖƖLAA 72:7

Leŋ dɩ tʋɔpʋla hɛ nɩmɛ kuoro mɩɩsɩŋ bʋa kala lɛ, dɩ yarɩfɩɛlaa hɛ nɩmɛ deeŋ deeŋ a nagɛ chɛnɛ sɩ pɔsɔ chɩŋ.

WƖA YƖƖLAA 82:8

Wɩa, sii a dii dʋnɩa nɩaa kala sarɩya, ŋ nɛ tɩɩ tintee kala nɩaa.

WƖA YƖƖLAA 96:13

Ba jaŋ yɩɩ yɩɩlaa a pɩ La Tɩɩna. Ʋ jaŋ kʋ dii dʋnɩa nɩaa kala sarɩya. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

AZAAYA 2:4

Ʋ jaŋ laa tinteyee nɩaa wɩaa a jɩma pɩba, aŋ kɛŋ ba nɩ-daŋ hɛ dɔŋɔ lɛ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩkɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

AZAAYA 25:3

Ŋɩɩ wɩaa nɩduoruŋ kala jaŋ ziliŋ, dɩ tintee-tʋɔhɛɛ tɩŋŋaa ma kala ziliŋ.

AZAAYA 51:5

Mɩ tʋɔpʋl wɩaa kʋ kpagɛma lɩma nɛ. Bʋa-la lɛ mɩ sɩ jaŋ laama ta kpaga nɛ. Mɩ doluŋ jaŋ leŋ dɩ tinteyee nɩaa kɛŋ wʋtɩtɩɩ. Tinteye-la lɩɩŋ sɩ gollo chu nɩaa joŋ ba yɩɛlaa hɛ mɩ lɛ nɛ, a gbɩgbɛrɛmɛ dɩ mɩ kʋ laaba ta.

AZAAYA 60:12

Dɩ tintee koo kuoru-gentine nɩaa nɛ hɛ nɩmɛ a bɩ sɛyɛ dɩ ba tɩma pɩpɩŋ, ba kala jaŋ sʋʋ dɛrɛ, ka dɩ ba tinteeŋ pɩŋ jikpeeŋ.

AZAAYA 65:25

Guŋguro arɩ pie-bie jaŋ pɛ dɔŋɔ a didii kɩaa. Naachigiŋ jaŋ didii yaŋ a nagɛ nɛŋ. Dɩmɩŋ ma jaŋ didii hagɩla. Ba bɩra bɩ jaŋ ŋaa wʋbɔŋ dɔŋɔ lɛ koo a chei dɔŋɔ mɩ peel-zɔŋ-la nyuŋ. Mɩ-na ma TƖƖNA nɛ bʋla.”

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

HOSIA 2:18

Tapʋlɩɩ-la, mɩ jaŋ hɛ niiŋ mɩ dɩ baga kɩaa arɩ diibiisiŋ sɩɩ zaarɛ wɩa-nyuŋ arɩ kɩalɩŋ sɩɩ tuuri tinteeŋ pɛgɛ dɩ ba sɩ́ ba walɩmʋ. Mɩ jaŋ giri laalɩŋ ta tintee-la lɛ dɩ bayuori kɩaa lɛl, tosuŋ arɩ tokobiee, ka dɩ mɩ nɩaa wuo hɔŋ sɔm.

HOSIA 2:20

Mɩ jaŋ jaaŋ arɩ wʋtɩtɩɩ. Ŋɩɩ nɛ ŋ jaŋ sɛɩ arɩ mɩ nɛ ŋ TƖƖNA.

JOWƐL 3:2

Mɩ jaŋ kɛŋ tinteyee kala kʋ hɛ dɔŋɔ, a kɛmba kʋ tuu fuonaa-la ba sɩɩ yɩrɛ Jehosafat. (Ʋ bʋbʋɔŋ nɛ La TƖƖNA dii nɩaa sarɩya.) Nɩmɛ nɛ mɩ jaŋ diiba sarɩya, a mʋ tɩgɛ mɩ nɩaa Iziral tɩŋŋaa lɛ, nɩalɩŋ mɩ sɩ lɩɩsa, bɛɛ wɩaa ba ŋaa mɩ nɩaa pɩsa hɛ tinteyee lɛ nɛ a kɛŋ mɩ tinteeŋ kpaa.

MƖKA 5:15

Mɩ jaŋ joŋ baaŋ-la mɩ sɩ faasa na a fɩɩsɛ tinteye-la nɩaa sɩ bɩ mɩ niiŋ sɛyɛ lɛ.”

ZƐKARƖYA 14:3

Ŋɩɩ nɛ La TƖƖNA jaŋ lɩɩ yuo tinteye-la, a nagɛ ʋ fa sɩ yuo laalɩŋ ŋɩɩ.

ZƐKARƖYA 8:20

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Nɩ-daŋ arɩ tabal daŋ nɩaa ha jaŋ kɔ Jerusalɛm.

ZƐKARƖYA 9:10

Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ, arɩ laalɩŋ janɩ-la sɩ hɛ Jerusalɛm lɛ, aŋ bori ba laalɩŋ tosuŋ. Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala. Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ, a lɩɩ Yufireti fuo-la lɛ a kaa mʋ dʋnɩa dɩdɛrɩŋ.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

1 SAMƲƐL 2:10

La TƖƖNA jaŋ chei nɩalɩŋ kala sɩ vɩaʋ. Ʋ jaŋ na baanɩŋ, a kpɩa ba lɛ a nagɛ duonuŋ. La TƖƖNA jaŋ dii dʋnɩa nɩaa kala sarɩya. Ʋ jaŋ joŋ doluŋ a pɩ kuoru-la ʋ sɩ lɩɩsa, dɩ ʋ kɛŋ doluŋ kʋŋkala nyuŋ.”