MƖKA 4:2 - WƖA TENIŊ

² Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

MƖKA 4:2 ပူးပေါင်းရင်းမြစ်များ

WƖA YƖƖLAA 110:2

La Tɩɩna jaŋ leŋ dɩ ŋ kuoruŋ doluŋ kieli Zaayɔŋ, dɩ ŋ yuo dii ŋ dʋndɔmɔ-la sɩ golluŋ.

WƖA YƖƖLAA 119:1

Nɩalɩŋ sɩ bɩ wʋcheeli kala kɛnɛ jaŋ kɛŋ tʋɔtɔrʋŋ, nɩalɩŋ sɩɩ to La Tɩɩna wombii-la ʋ sɩ bile dɩ la tuto.

WƖA YƖƖLAA 119:171

Mɩ jaŋ dɛnnɩŋ bʋa na-kala lɛ, a tɩŋ ŋ sɩ dagɛmɛ ŋ niiŋ wɩaa.

WƖA YƖƖLAA 122:1

Mɩ tʋɔŋ fa tɔrɔ nɛ ba sɩ bʋla pɩmɛ, “Leŋ dɩ la mʋ La Tɩɩna dɩa.”

WƖA YƖƖLAA 25:12

Nɩalɩŋ kala sɩɩ fá La Tɩɩna, ʋ jaŋ dagɛba wombii-la sɩ maga dɩ ba to.

AZAAYA 2:3

Nɩ-daŋ jaŋ kɔ a bʋl, “Má kɔ dɩ la jɩl La TƖƖNA peel-la nyuŋ, a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

AZAAYA 56:7

Mɩ jaŋ kɛmba mʋ mɩ peel-zɔŋ-la sɩ bɩ disiniŋ kɛnɛ nyuŋ, a leŋ ba kɛŋ tʋɔtɔrʋŋ mɩ dɩɩ-bal-la lɛ ba sɩɩ chʋɔlɛmɛ. Dɩ ba nɛ kɛŋ Wɩɩsʋlʋŋ kɩaa kɔ mɩ Wɩɩsʋllɩ koruŋ, mɩ jaŋ laa ba sʋla. Mɩ dɩa nɛ jaŋ ŋaa tinteyee kala Wɩa dɩ-chʋɔlʋŋ.”

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

JƐRƖMAAYA 42:3

Sʋl ŋ TƖƖNA Wɩa dɩ ʋ dagɛla lee-la la sɩ jaŋ mʋ arɩ wɩɩ-la la sɩ jaŋ ŋaa.”

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

ZƐKARƖYA 14:16

Ŋɩɩ nɛ tinteye-la nɩaa sɩ kʋ yuo Jerusalɛm aŋ bɩ sʋba, jaŋ mʋ jɩna na-kala a chʋɔlɛ Kuoro sɩ ŋaa La TƖƖNA doluŋ Tɩɩna, aŋ pɛ gbieli lɛŋŋɛɛ gbiele.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 9:10

Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ, arɩ laalɩŋ janɩ-la sɩ hɛ Jerusalɛm lɛ, aŋ bori ba laalɩŋ tosuŋ. Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala. Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ, a lɩɩ Yufireti fuo-la lɛ a kaa mʋ dʋnɩa dɩdɛrɩŋ.

Maak 16:20

Ŋɩɩ nɛ ʋ harɩ-tooroo sii lɩɩ a mʋ lee na-kala a bʋbʋl Wɩa wɩaa. La Tɩɩna Wɩa pɛ ba lɛ ba ŋɩŋaa wʋmagɩlaa, dɩ nɩaa jɩŋ arɩ wɩalɩŋ ba sɩɩ bʋl ŋaa wʋtɩtɩɩ nɛ. Amɩɩ.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Tɩntɩŋŋaa 1:8

Ama dɩ Wɩa nɛ joŋ ʋ Dɩŋ-zɔmʋŋ hɛ ma lɛ, ma jaŋ kɛŋ doluŋ, a dii mɩ dansɩa a bʋl mɩ wɩaa Jerusalɛm arɩ Judiya tinteeŋ kala arɩ Samarɩa lɛ, a kaa mʋ dʋnɩa sɛmɛ kala lɛ.”

Tɩntɩŋŋaa 13:42

Pɔɔl arɩ Banabas sɩ bʋl wɩaa deemba kala dɛrɛ, ba sii lɩɩ Wɩɩchʋɔlɛ dɩa lɛ. Ba sɩɩ mʋ, nɩalɩŋ sʋlba dɩ ba mɩɩra kɔ harɩŋ chɛ-wiesii-la chɛɛŋ, a bɩra bʋl wɩaa deemba pɩba.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

MOSIS BƖRA WULLI WƖA WOMBIIŊ 6:1

Wombiee arɩ niiriŋ deemba nɛ ma TƖƖNA Wɩa dagɛmɛ dɩ mɩ joŋo dagɛma, dɩ ma tutoba dɩ ma nɛ mʋ chol Jɔdaŋ fuo-la a jʋʋ tintee-la ʋ sɩ jaŋ joŋo pɩma dɩ ʋ ŋaa ma kʋŋ.