MƖKA 4:13 - WƖA TENIŊ

¹³ Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”

MƖKA 4:13 ပူးပေါင်းရင်းမြစ်များ

WƖA YƖƖLAA 24:1

Dʋnɩa arɩ kʋŋkala sɩ hɛ ʋ lɛ ŋaa La Tɩɩna kɩaa nɛ. Nuhuobiinee kala sɩ hɛ tinteeŋ lɛ ŋaa ʋ kɩaa nɛ.

WƖA YƖƖLAA 68:29

Ŋaa dɩ kuoroo kɛŋ zile kɩaa kʋ pɩŋ, ŋ dɩɩ-bal-la sɩ hɛ Jerusalɛm lɛ.

WƖA YƖƖLAA 72:10

Leŋ dɩ Taasɩs tinteeŋ kuoroo arɩ tinteye-la nɩaa lɩɩŋ sɩ gollo chu to ʋ niiŋ a tiŋ lampoo a pʋpʋ. Leŋ dɩ tasɩ-la ma ba sɩɩ yɩrɛ Sɛba arɩ Sɩɩba kɛŋ kɩaa kʋ dii zile kuoro lɛ.

AZAAYA 18:7

Dɩ bʋa-la nɛ yie, nɩalɩŋ sɩ waa yi, ba yaraa ŋaa mʋla mʋla, a laa yɩrɩŋ nɩaa yuo diiniŋ lɛ dʋnɩa nɩaa kala fɩfába, ba tinteeŋ nɛ fuonuŋ kaa kpaa kpaa ŋɩɩ, ba jaŋ kɛŋ kɩaa kʋ ŋaa zile pɩ La TƖƖNA doluŋ kala Tɩɩna. Ba jaŋ kɛŋ kɩalɩŋ kɔ peel-la ba sɩɩ yɩrɛ Zaayɔŋ, lee-la ba sɩɩ zil La TƖƖNA doluŋ kala Tɩɩna.

AZAAYA 21:10

Mɩ nɩaa, ba pugisi ma kala nɛ arɩ ba sɩ ŋmoo mɩaa taha lɛ, ama mɩ bʋl wɩɩ-la sɩ lɩɩ La TƖƖNA doluŋ kala Tɩɩna sɩ ŋaa Iziral tɩŋŋaa Wɩa teeŋ pɩma nɛ.

AZAAYA 23:18

Ama nyʋʋrɩ-la kala ba sɩ jaŋ na jaŋ ŋaa La TƖƖNA kɩaa, ba bɩ jaŋ joŋo bil. Nyʋʋrɩ-la nɛ ba jaŋ joŋo yɔɔ kʋdiilee yʋgɛ arɩ gɛrɩ-zɔŋŋɔɔ a pɩ nɩalɩŋ sɩ tɩma pɩpɩ La TƖƖNA.

AZAAYA 5:28

Ba to-hɛŋŋɛɛ kɛŋ niiŋ nɛ woruŋ, ba kɛŋ ba tɩtɩa hɛ dɔŋɔ nɛ dɩ ba yuo ba tosuŋ, ba janɩŋ naachɛŋŋɛɛ ma dolie a nagɛ naŋkpachɩllɩŋ nɛ, ba janɩŋ torukoba ma fɩfá a nagɛ pel-vinvilimiŋ.

JƐRƖMAAYA 51:20

La TƖƖNA sɩ, “Babɩlɔŋ, ŋ nɛ mɩ laalɩŋ toŋguluŋ, mɩ laalɩyuori kʋa. Ŋ nɛ mɩ jaŋ kaa ŋmoo tinteyee pɩsɛ, ŋ nɛ mɩ kaa chei kuori-gentisiŋ.

JƐRƖMAAYA 51:33

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Ba jaŋ ŋmoo Babɩlɔŋ a nagɛ ba sɩɩ ŋmoo mɩaa ŋɩɩ taha lɛ, bʋa-la yie nɛ dɩ ba ŋaaʋ ŋɩɩ.”

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

HOSIA 10:11

Efirem nagɛ na-paha ba sɩ daga nɛ, ʋ cho mɩaa ŋmobuŋ. Ama lɛɛlɛ mɩ jaŋ chɛ daaŋ vɔɔ mɛrɛ ʋ baŋŋa-la sɩ zɔmɔ lɛ. Mɩ jaŋ kiri Efirem dɩ ʋ vɩvɛŋ, Juda maga dɩ ʋ pɛrɛ, dɩ Jekɔb ma bugili tinteeŋ.

MƖKA 5:7

Jekɔb doho nɩalɩŋ sɩ ka a bɩ sʋba jaŋ guoli nɩ-daŋ tʋɔŋ. Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ, koo duonuŋ sɩ yie mirise hɛ kɩaa lɛ ba wasɛ ŋɩɩ. Wɩaa deemba kala ka ŋaa Wɩa doluŋ lɛ nɛ, nuhuobiine doluŋ lɛ dee.

HABAKU 3:12

Baanɩŋ nɛ ŋ kaa vɛnɛ golli tinteeŋ a nʋɔsɛ tinteyee arɩ baaŋ-la.

ZƐKARƖYA 12:3

Tapʋlɩɩ-la, dʋnɩa tinteyee kala sɩ jaŋ kʋ hɛ dɔŋɔ a chɩŋ ʋ lɛ, mɩ jaŋ leŋ dɩ Jerusalɛm nagɛ bʋŋ sɩ bɩ jigisi a pɩ tinteye-la kala. Nɩalɩŋ kala sɩɩ nɛrɩgɛ dɩ ba jigisu jaŋ pɩrɛ ba tɩtɩa.

ZƐKARƖYA 12:6

Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.

ZƐKARƖYA 4:14

Ŋɩɩ nɛ ʋ bʋl, “Kɩaa deemba balɩa ŋaa nɩa nɛ Wɩa lɩɩsɛ dɩ ba tɩma pɩpɩ ʋ-na La TƖƖNA sɩ tɩɩ dʋnɩa kala.”

ZƐKARƖYA 6:5

Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ.

1 Kɔrɩntɩ Nɩaa 16:2

Lahadi chɛɛ na-kala, moribie-la ma kʋŋkala sɩ tɩma a na yɔbɔ-la tʋɔŋ, nʋʋkala lɩɩsɛ magɛ ŋɩɩ ʋ sɩɩ chɛ dɩ ʋ joŋo bil, a bil. Dɩ mɩ nɛ kɔ, ma bɩra bɩ jaŋ kɩkɩɛsɛ moribiee.

MOSIS BƖRA WULLI WƖA WOMBIIŊ 33:25

dɩ ʋ taŋ boi-baalɩŋ kɛŋ doluŋ a nagɛ hɔɔŋ arɩ kɔlɩɩŋ, dɩ ʋ hɔŋ, dɩ wɩɩkala sɩ́ ʋ walɩmʋ.”

JOSUA 6:19

Sɛlɩmɛ, hɔpʋla arɩ kɩalɩŋ kala ba sɩ kɛŋ kɔlɩɩŋ koo hɔɔŋ ŋaa, ba ŋaa La TƖƖNA kɩaa nɛ. Ba maga dɩ ba jʋʋ ʋ dʋa dɩ-biliŋ nɛ.”