MƖKA 3:4 - WƖA TENIŊ

⁴ Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”

MƖKA 3:4 ပူးပေါင်းရင်းမြစ်များ

JOB 27:9

Dɩ wɩaa nɛ jʋʋ-ʋ dɩ ʋ yele pɩ Wɩa, ma bɩɩna ʋ jaŋ jegile nɩɩ ʋ teeŋ?

JOB 35:13

Wʋtɩtɩɩ, Wɩa bɩ ba yɩrɩ pɛɩ-la ba sɩ yie yɩrʋ ka nɩɩ, La TƖƖNA doluŋ kala Tɩɩna bɩ ba yɩrɩ pɛɩ-la ka jegili.

WƖA YƖƖLAA 18:41

Ba ŋmoo niiŋ a chɩchɛ nʋʋ nɛ dɩ ʋ pɛ ba lɛ, ka nʋʋ tuo dɩ ʋ laaba ta. Ba yɩrɛ ŋ-na La TƖƖNA ma, ŋ fʋʋla yagɛba.

NAMAGABA 1:28

ŋɩɩ lɛ nɛ ma jaŋ yɩra chɩchɛmɛ dɩ mɩ pɛ ma lɛ, ama mɩ bɩ jaŋ sɛɩ. Ma jaŋ beŋ lee-kala a chɩchɛmɛ, ama ma bɩ jaŋ namɛ.

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

AZAAYA 1:15

Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.

AZAAYA 3:11

Wɩɩŋ puu nɩbɔŋŋɔɔ, wʋlɔrʋŋ jʋʋba nɛ. Wʋbɔmɔ-la ba sɩ ŋaa nɩaa lɛ chɩmɩŋ jaŋ tiŋ ba tɩtɩa lɛ.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 33:5

bʋa-la lɛ Babɩlɔŋ tɩŋŋaa sɩ yuo diiba nɛ ŋ-la: Dɩɩsɩ-la jaŋ su arɩ sʋʋnʋŋ nɩalɩŋ mɩ sɩ jaŋ faasa na baanɩŋ a kpʋ. Mɩ jaŋ lɩɩsɛ mɩ sɩaa tabalɩŋ deeŋ lɛ a tɩŋ wʋbɔmɔ-la kala ba sɩ ŋaa wɩaa.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

MƖKA 3:7

Hɩɩsɩŋ jaŋ dii mɩ sɩɩ-naaraa, nɩalɩŋ ma sɩ pɩɛsɛmɛ nɩna wɩaa jaŋ dii hɩɩsɩŋ. Ba kala jaŋ gʋrɛ nyuŋ a dagɛ arɩ ba dii hɩɩsɩŋ nɛ, bɛɛ wɩaa mɩ-na Wɩa bɩ jaŋ bʋl wɩɩ ba teeŋ.”

MƖKA 7:13

Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la nɩalɩŋ sɩ hɛ ʋ lɛ sɩɩ ŋaa wɩaa.

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

Matiu 7:22

Dɩ Wɩa sarɩya chɛ-diiliŋ nɛ yie, nɩaa jaŋ yʋgɛ a bʋl, ‘La Tɩɩna, La Tɩɩna, la bʋl Wɩa wɩaa a pɩ nɩaa ŋ yɩrɩŋ lɛ aŋ kiri jɩnsɩŋ ma nɩaa lɛ ŋ yɩrɩŋ lɛ, a ŋaa wʋmagɩlaa ma yʋgɛ ŋ yɩrɩŋ lɛ.’

Luuk 13:25

Tapʋlɩɩ kʋbala dɩa-la tɩɩna jaŋ sii a kɛŋ ʋ boiŋ tɔ. Ka ŋ-na jaŋ hɛ jeeŋ harɩŋ a du boro a sʋsʋl, ‘La Tɩɩna, kɛŋ boro suro pɩla.’ Ŋɩɩ nɛ ʋ jaŋ bʋla pɩma, ‘Mɩ bɩ lee-la ma sɩ lɩa jɩŋ.’

Jɔɔŋ 9:31

La jɩma arɩ Wɩa bɩ wʋbɔŋ ŋaaraa wʋbʋlʋŋ ka jegili. Ʋʋ jegili nɩalɩŋ sɩɩ zilu nɛ aŋ pɛ ŋɩŋaa wɩalɩŋ ʋ sɩ cho.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

1 SAMƲƐL 8:18

Dɩ tapʋlɩɩ-la nɛ yie, ma jaŋ yele chɩchɛ dɩ La TƖƖNA laama ta kuoru-la ma sɩɩ chɛ nɩsɩŋ lɛ, ka dɩ ʋ fʋʋla yagɛma.”