MƖKA 3:3 - WƖA TENIŊ

³ Ma chaŋ mɩ nɩaa nɛ, a fɩsɛ ba puruŋ a yɛrɛ ba haŋgbelee muno muno. Ma keriba a nagɛ ba sɩ yie keri nammɩa ŋɩɩ nɛ a chɔ.

MƖKA 3:3 ပူးပေါင်းရင်းမြစ်များ

WƖA YƖƖLAA 14:4

Nɩbɔŋŋɔɔ, ma-na bɩ wɩaa wuo gʋnna pɩpɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ.

WƖA YƖƖLAA 27:2

Dɩ nɩbɔŋŋɔɔ nɛ gollimi a wʋwalɩmɛ dɩ ba kpʋmɛ, dɩ mɩ dʋndɔŋŋɔɔ nɩɩ yuomi, ba jaŋ gɛrɛ tel.

NAMAGABA 30:14

Dɔnsʋŋ ma hɛ nɩmɛ, ba niiŋ nagɛ tokobiee, ba nyɩlaa ma nagɛ sɩɩsɩŋ. Ba kɛŋ summoo arɩ nɩalɩŋ sɩ bɩ ba tɩtɩa lɛ wuo pɛ liliŋ.

AZAAYA 3:14

La TƖƖNA jaŋ dii ʋ nɩaa nɩhɩasɩŋ arɩ ba sɩpaalaaraa sarɩya. Ʋ sɩ, “Ma dii mɩ tinteeŋ kala kpʋ nɛ, a gɩrɩma laa summoo kɩaa a kaa mʋ su ma dɩɩsɩŋ.”

AZAAYA 3:15

La TƖƖNA doluŋ kala Tɩɩna sɩ, “Ma bɩ wombiiŋ kɛnɛ dɩ ma nʋɔsɛ mɩ nɩaa bil tinteeŋ a kɛŋ summoo jɩla tutuu.”

ƐZƖKƖƐL 11:3

Ba pɩɛsɛ dɔŋɔ, ‘Bʋa deeŋ lɛ dee bɩ maga dɩ la saa dɩɩsɩŋ? Tabalɩŋ deeŋ ŋaa pupoiŋ nɛ, ka la ma nagɛ nammɩa a hɛ ʋ tʋɔŋ, ama ʋ ha tɔla nɛ dɩ nyiniŋ sɩ́ la dii.’

ƐZƖKƖƐL 24:4

Joŋ nammɩa a kaa keri muno muno a hɛ, lere-la kala sɩ zɔmɔ huiyee arɩ vaasɩŋ. Paa haŋgbele-la sɩ zɔmɔ pɛ a su pupoi-la.

AMƆS 8:4

Ŋɩɩ nɛ Amɔs bʋl, “Má jegile nɩɩ wɩɩŋ deeŋ, ma nɩalɩŋ sɩ yie kɛŋ nɩalɩŋ sɩ bɩ ba tɩtɩa lɛ wuo pɛ a jɩla tutuu, a leŋ summoo nyɩɩgɛ tinteeŋ lɛ.

MƖKA 2:8

Ŋɩɩ nɛ La TƖƖNA bʋl, “Tapʋlaa deemba, mɩ nɩaa ma sii chɩŋ mɩ lɛ nɛ a nagɛ ba ŋaa mɩ dʋndɔmɔ. Ba wuri nɩaa gɛnnɩŋ nɛ, nɩalɩŋ sɩ ta jɩa a kʋʋ bal, nɩalɩŋ sɩ nagɛ laalɩyuoroo sɩ mʋ laalɩŋ aŋ mɩɩra kʋkɔ.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.