MƖKA 3:2 - WƖA TENIŊ

² ama ma bɛrɛ wʋzɔŋŋɔɔ nɛ aŋ cho wʋbɔŋŋɔɔ. Ma fɩsɛ mɩ nɩaa puruŋ nɛ aŋ ka ba nampɩlɩŋ arɩ ba haŋgbelee.

MƖKA 3:2 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

2 IZIRAL TƖŊŊAA NAABARƖŊ 19:2

Ŋɩɩ nɛ Wɩa sɩɩ-naara Jehu, Hanani nanʋala mʋ naʋ a pɩɛsʋ, “Ŋ bɩɩna ʋ maga dɩ ŋ pɛ nɩbɔmʋŋ lɛ, a kɛŋ nɩalɩŋ sɩ bɛrɛ La TƖƖNA bɩrɩmɛ ŋ sɩma nɛ koo? Wɩɩŋ deeŋ ŋ sɩ ŋaa leŋe La TƖƖNA na baanɩŋ nɛ ŋ nyuŋ.

WƖA YƖƖLAA 15:4

Ba bɩ nɩalɩŋ sɩɩ bʋl wʋtɔɔnʋŋ wɩaa cho, ama baa zil nɩalɩŋ sɩɩ to La Tɩɩna nɛ. Dɩ ba nɛ hɛ niiŋ arɩ ba jaŋ ŋaa wɩɩ, ba yie ŋaa nɛ, wɩɩkala tuo sɩ jaŋ giriba.

WƖA YƖƖLAA 53:4

Nɩbɔmɔ, ma-na bɩ wɩaa wuo gʋnnaa pɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ a nagɛ kʋdiilee.

NAMAGABA 28:4

Nɩalɩŋ sɩ vɩa Wɩa wombiiŋ nɩɩ bɛsɛ nɩbɔŋŋɔɔ lɛ, ama ba dɩ nɩalɩŋ sɩɩ to wombii-la-na bɩ sugili.

AZAAYA 3:15

La TƖƖNA doluŋ kala Tɩɩna sɩ, “Ma bɩ wombiiŋ kɛnɛ dɩ ma nʋɔsɛ mɩ nɩaa bil tinteeŋ a kɛŋ summoo jɩla tutuu.”

AZAAYA 5:20

Wɩɩŋ puu nɩalɩŋ sɩ kɛŋ wʋbɔmʋŋ yɩrɛ wʋzɔmʋŋ, aŋ kɛŋ wʋzɔmʋŋ ma yɩrɛ wʋbɔmʋŋ, nɩalɩŋ sɩ leŋe birimiŋ nɛ ŋaa ba pʋlʋmʋŋ, aŋ leŋ pʋlʋmʋŋ ma nɛ ŋaa ba birimiŋ, nɩalɩŋ sɩ leŋe kʋhaarɩŋ nɛ ŋaa ba kʋsɩŋŋaa, aŋ ka kʋsɩŋŋaa ma nɛ ŋaa ba kʋhaarɩŋ.

AZAAYA 57:12

Ma bɩɩna ma ŋaa tʋɔpʋl tɩmma nɛ, ama mɩ jaŋ wulli ma bʋbʋɔŋ kala.

ƐZƖKƖƐL 11:7

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Sʋʋnʋ-la ma sɩ joŋo yuo ta nɛ ŋaa nammɩa-la, tabal-la ma nɛ ŋaa pupoiŋ, ama mɩ jaŋ kirima ta dɩ ma lɩɩ ʋ lɛ.

ƐZƖKƖƐL 22:27

Tɩntɩnnɩ-hɩasɩ-la sɩ hɛ ʋ lɛ nagɛ guŋgurusuŋ sɩ kpʋ pʋsʋŋ a kaa pʋɔsa didii nɛ. Ba gɔllɔ kpʋkpʋ nɩaa nɛ, a leŋ chalɩŋ jaasɛ aŋ gɩrɩma lɩlaa nɩaa dʋa.

ƐZƖKƖƐL 24:4

Joŋ nammɩa a kaa keri muno muno a hɛ, lere-la kala sɩ zɔmɔ huiyee arɩ vaasɩŋ. Paa haŋgbele-la sɩ zɔmɔ pɛ a su pupoi-la.

ƐZƖKƖƐL 34:3

Ma yie dii nayɩl dɩndɛrɩŋ, a kɛŋ piese-la pʋnaa gɛnnɩŋ tɔ ma tɩtɩa, a kpʋ pʋsʋ-la sɩ zɔmɔ a chaŋ, ama ma bɩ ba nyuŋ ka beŋ.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

MƖKA 2:8

Ŋɩɩ nɛ La TƖƖNA bʋl, “Tapʋlaa deemba, mɩ nɩaa ma sii chɩŋ mɩ lɛ nɛ a nagɛ ba ŋaa mɩ dʋndɔmɔ. Ba wuri nɩaa gɛnnɩŋ nɛ, nɩalɩŋ sɩ ta jɩa a kʋʋ bal, nɩalɩŋ sɩ nagɛ laalɩyuoroo sɩ mʋ laalɩŋ aŋ mɩɩra kʋkɔ.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

MƖKA 7:3

Nʋʋkala kaasɛ wʋbɔŋŋɔɔ ŋaanɩŋ lɛ nɛ, sɩpaalaaraa chɩchɛ kʋmɔlɩɩba. Sarɩya diiree lɩlaa kpalaa, nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho, ba kala vʋʋra hɩhɛ dɔŋɔ.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.

Luuk 19:14

Ama ʋ taŋ-la nɩaa bɛrʋ nɛ. Ŋɩɩ nɛ ba tɩŋ tɩndaaraa ba kiri ʋ harɩŋ mʋ a bʋla pɩ taŋ-la dɔŋɔ kuoro arɩ ba bɩ cho dɩ ʋ ŋaa ba taŋ kuoro.

Jɔɔŋ 18:40

Ŋɩɩ nɛ ba kpɩa goŋ a bʋl, “Aɩ, nɩa deeŋ dee! Lɩɩsɛ Barabas ta. (Barabas fa ŋaa wʋhɛɛrʋ nɛ.)”

Jɔɔŋ 7:7

Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.

Rom Tɩŋŋaa 1:32

Ba jɩŋ wɩalɩŋ Wɩa sɩ bʋla a tɩgɛ wʋdosunuŋ deemba lɛ nɛ. Ʋ bʋla arɩ nɩalɩŋ sɩɩ ŋaa wɩaa deemba, ba maga dɩ ba sʋʋ nɛ, aŋ ka ba vɩa aŋ ŋɩŋaaba. Ŋɩɩ ma dʋndʋŋa dee. Ba paala bɩbɛsɛ nɩalɩŋ ma sɩɩ ŋaa wɩalɩŋ lɛ nɛ.

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

2 Timoti 3:3

Ba bɩ jaŋ cho nɩaa. Ba bɩ jaŋ joŋ wɩaa chɩchɛ nɩaa. Ba jaŋ chichei nɩaa yɩrɩŋ ma. Ba bɩ jaŋ jɩŋ ba tɩtɩa kɛnɩŋ. Ba jaŋ tɛrɛ. Ba jaŋ bɛrɛ wʋzɔŋ kala.