MƖKA 3:12 - WƖA TENIŊ

¹² A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

MƖKA 3:12 ပူးပေါင်းရင်းမြစ်များ

WƖA YƖƖLAA 107:34

Ʋ nɛ leŋe tintee-la sɩma lɩɩ, bɛɛ wɩaa nɩalɩŋ sɩ hɔŋ nɩmɛ faa ŋaa wʋbɔŋŋɔɔ nɛ.

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

AZAAYA 32:14

Ba jaŋ vɩa kuoru dɩɩsɩ-la kala ta, dɩ tabal-la sɩ suo arɩ nɩaa ma pɩŋ jikpeeŋ. Dɩɩ-duoru-la kala ba sɩ kaa pʋpɔ ba tɩtɩa jaŋ pɩŋ jikpeeŋ a kaa mʋ wuu. Kakusuŋ jaŋ gbigbieli nɩmɛ, dɩ pʋsʋŋ maa dii yaŋ nɩmɛ,

JƐRƖMAAYA 17:3

Mɩ peeliŋ sɩ hɛ tintee-la lɛ, ma dʋa arɩ ma kɩaa kala, mɩ jaŋ leŋ dɩ nɩaa laa ba kala, a pɛ ma vesiŋ dɩ-kpaaraa kala lɛ a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 22:5

Ama dɩ ma nɛ bɩ wɩaa deemba mɩ sɩ dagɛma ka to, mɩ-na ma TƖƖNA nɛ bʋla, mɩ ŋmɩɛsa, kuoru dɩa deeŋ jaŋ pɩŋ jikpeeŋ.’ ”

JƐRƖMAAYA 22:6

Wɩɩ-la La TƖƖNA sɩ bʋla tɩgɛ Juda kuoro dɩa lɛ nɛ ŋ-la: “Arɩ ŋ sɩ zɔmɔ nagɛ Gɩlɩad tinteeŋ ma kala mɩ teeŋ, a nagɛ Lɛbanɔŋ peelee, mɩ jaŋ leŋ dɩ ŋ nagɛ tintee-hɩlɩŋ, a nagɛ tasɩ-la nɩaa sɩ́ bɩ jʋʋ.

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 44:2

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Ma na wʋlɔrʋ-la sɩ bɩ bana kɛnɛ mɩ sɩ kaa kʋ hɛ Jerusalɛm arɩ Juda tasɩŋ kala lɛ nɛ. Jɩnɩŋ tasɩ-la kala cheye nɛ a pɩŋ hoi

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 5:18

Zaayɔŋ pɩŋ jikpeeŋ nɛ a ŋaa hoi jolluŋ jʋʋ aŋ lɩlɩɩ.

MƖKA 1:6

Ŋɩɩ wɩaa La TƖƖNA sɩ, “Mɩ jaŋ leŋ dɩ Samarɩa pɩŋ jikpeeŋ a ŋaa pʋlʋŋ-jaala, lee ba sɩ jaŋ bil girep tɩɩsɩŋ baga. Mɩ jaŋ paa ʋ tabɩa-la sɩ tele daŋ dɔŋɔ tuu fuonaaŋ aŋ ka dɩ ʋ gentine nyɩɩsɛ.

Matiu 24:2

Ŋɩɩ nɛ Yesu sɩ, “Ma bee na ʋ sɩ zɔmɔ ŋɩɩ, ama, mɩ bʋlaa pɩma, ba jaŋ ŋmoo dɩa-la kala lo. Ba bɩ jaŋ leŋ dɩ tie-bii-bala ma ka daŋ ʋ dɔŋɔ lɛ.”