MƖKA 3:11 - WƖA TENIŊ

¹¹ Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

MƖKA 3:11 ပူးပေါင်းရင်းမြစ်များ

NAMAGABA 17:23

Nɩbɔmʋŋ yie lʋara laa kpalaa nɛ, dɩ ʋ pɔ dɩ wʋtɩtɩɩ sɩ́ chɩŋ.

AZAAYA 1:23

Nɩalɩŋ sɩɩ bemma bɩ mɩ niiŋ ka to, gaaraa nɛ ŋaa ba nandɔsʋŋ, ba cho kpalaa laanɩŋ nɛ woruŋ a kiree to kʋmɔlɩɩba harɩŋ. Ba bɩ chɩna gbɛrɛ biisinsiŋ, dɩ yo-haalaa nɛ kɛŋ wɩaa kɔ ba teeŋ, ba bɩ jegile nɩnɩɩ.

AZAAYA 48:2

Ma sɩ ma ŋaa tabal-la sɩ bɩ disiniŋ kɛnɛ nɩaa nɛ, ma yɩɛlaa kala hɛ Iziral tɩŋŋaa Wɩa lɛ, ʋ nɛ La TƖƖNA doluŋ kala Tɩɩna.

AZAAYA 5:23

nɩalɩŋ sɩ yie laa kpalaa nɩalɩŋ sɩ chei wɩaa teeŋ aŋ jomba ta, aŋ vɩa dɩ ba bʋl wʋtɩtɩɩ a laa pɛ nɩɩ-la sɩ bɩ wɩɩ cheye lɛ.

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 26:7

Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala nɩɩ wɩalɩŋ Jɛrɩmaaya sɩ bʋla La TƖƖNA dɩɩ-balɩŋ lɛ.

JƐRƖMAAYA 5:12

Ba nyɩɛ wɩaa a tɩgɛ La TƖƖNA lɛ nɛ. Ba sɩ, “Ʋ bɩ jaŋ ŋaala wɩɩkala. Wʋbɔŋ kala bɩ jaŋ ŋaa la lɛ. Laalɩŋ koo losuŋ bɩ jaŋ jʋʋla.

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 7:4

Má sɩ́ ba laa dii ŋɩɩ ba sɩ yie nyɩsɛma a bʋl, ‘La TƖƖNA dɩɩ-bal-la nɛ ŋ-la, La TƖƖNA dɩɩ-bal-la nɛ ŋ-la, La TƖƖNA dɩɩ-bal-la nɛ ŋ-la.’

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 22:27

Tɩntɩnnɩ-hɩasɩ-la sɩ hɛ ʋ lɛ nagɛ guŋgurusuŋ sɩ kpʋ pʋsʋŋ a kaa pʋɔsa didii nɛ. Ba gɔllɔ kpʋkpʋ nɩaa nɛ, a leŋ chalɩŋ jaasɛ aŋ gɩrɩma lɩlaa nɩaa dʋa.

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

HOSIA 4:18

Dɩ ba nɛ nyʋa sɩnɩŋ bugi woruŋ, ba yie bɩra ŋaa wʋlɩɩlɩŋ. Ba sɩpaalaaraa chaasa cho hɩɩsɛ wɩaa ŋaanɩŋ nɛ.

HOSIA 4:8

Mɩ nɩaa wʋbɔŋŋɔɔ ŋaanɩŋ lɛ nɛ Wɩɩsʋllɩ sɩpaalaaraa to didii kɩaa. Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.

AMƆS 5:14

Dɩ ma nɩɩ chɛ dɩ ma kɛŋ mɩɩsɩŋ, má ŋɩŋaa wʋzɔŋŋɔɔ aŋ leŋ wʋbɔŋŋɔɔ. Ŋɩɩ nɛ La Tɩɩna doluŋ kala Tɩɩna jaŋ chɩŋ ma harɩŋ arɩ ma sɩ sɩ ʋ chɩŋ ma harɩŋ ŋɩɩ.

AMƆS 9:10

Wʋbɔŋ ŋaara-la sɩ hɛ mɩ nɩaa tʋɔŋ a bʋl, ‘Wʋlɔrʋ kala bɩ jaŋ jʋʋla koo a puula,’ ba jaŋ kpʋba laalɩŋ lɛ.

MƖKA 3:5

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ sɩ ma ŋaa mɩ wʋlaabʋllaa nɛ aa nyɩsɛ mɩ nɩaa. Dɩ ba nɛ pɩma kʋdiilee, ma yie bʋl, ‘Wɩa jaŋ leŋ dɩ ma hɔŋ arɩ fɩɛlɩŋ.’ Dɩ ba nɛ bɩ ma kʋŋ pa, ma bʋl arɩ laalɩŋ jaŋ kʋ jʋʋba.

MƖKA 7:3

Nʋʋkala kaasɛ wʋbɔŋŋɔɔ ŋaanɩŋ lɛ nɛ, sɩpaalaaraa chɩchɛ kʋmɔlɩɩba. Sarɩya diiree lɩlaa kpalaa, nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho, ba kala vʋʋra hɩhɛ dɔŋɔ.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

MALAKAƖ 1:10

Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 2:9

Ŋɩɩ nɛ tɩɩ mɩ leŋ nʋʋkala hɩhɛ ma hɩɩsɩŋ a bɩ ma kaa tɩtɩŋ, bɛɛ wɩaa ma vɩa dɩ ma to mɩ wombiee nɛ aŋ dii sarɩya a laa pɩpɛ ma nɩchooloo lɛ.”

NAMBABA 16:15

Ŋɩɩ nɛ Mosis chaasa na baanɩŋ, a bʋla pɩ La TƖƖNA, “Sɩ́ ba Wɩɩsʋlʋŋ laa, mɩ ha bɩ ba kʋŋkala kakumo kaa laa, mɩ ha bɩ ba kʋŋkala wɩɩ ma cheye.”

NAMBABA 22:7

Ŋɩɩ nɛ kuoro Balak joŋ moribiiŋ a pɩ Mʋab tɩŋŋaa arɩ Midiaŋ tɩŋŋaa nɩhɩasɩŋ dɩ ba kaa mʋ a pɩ Balam, dɩ ʋ laa a pɛ tabɩɩŋ pɩba. Ŋɩɩ nɛ ba kɔ Balam teeŋ a bʋl wɩalɩŋ kala kuoro Balak sɩ bʋla a pʋ.

Matiu 3:9

aŋ sɩ́ bɩɩna bʋl Abɩraham sɩ ŋaa ma naabalɩma ŋɩɩ, Wɩa bɩ jaŋ dɔgɩsɛma. Mɩ jaŋ bʋla pɩma arɩ Wɩa paala jaŋ wuo ŋaa dɩ tabɩaa deemba ma sɩ na bɩrɩmɛ Abɩraham doho nɩaa.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

Juud 1:11

Wɩɩŋ puuba. Ba to Keeŋ naabʋɔsʋŋ nɛ. Ba tɩŋ moribiee wɩaa nɛ a ŋaa wʋbɔŋŋɔɔ a nagɛ baal kʋbala ba fa sɩɩ yɩrɛ Balam fa sɩ ŋaa ŋɩɩ. Ba lɩɩ Wɩa harɩŋ nɛ a nagɛ baal kʋbala ba sɩɩ yɩrɛ Kora ma fa sɩ lɩɩ Wɩa harɩŋ ŋɩɩ. Ŋɩɩ nɛ Wɩa kpʋ ba kala.

1 SAMƲƐL 8:3

Ama ʋ biiriŋ deemba wʋŋaalaa fa bɩ ba nyɩmma wombiee lɛ to. Ba mɩɩra chɩl kɩaa wɩaa nɛ, aa gʋrɛ nɩaa, a lɩlaa kpalaa a bɩ wʋtɩtɩɩ ka bʋl.