MƖKA 3:1 - WƖA TENIŊ

¹ Ŋɩɩ nɛ mɩ-na Mɩka bʋl, “Iziral tɩŋŋaa sɩpaalaaraa, má jegili mɩ teeŋ, ma nɩalɩŋ sɩɩ beŋ Iziral tɩŋŋaa. Ʋ maga dɩ ma nɛ jɩŋ wɩalɩŋ sɩ maga dɩ nɩaa ŋɩŋaa,

MƖKA 3:1 ပူးပေါင်းရင်းမြစ်များ

NƐHƖMAAYA 13:17

Ŋɩɩ nɛ mɩ ŋaa goŋ Juda sɩpaalaaraa nyuŋ a bʋl, “Bɛɛ kʋŋ wʋbɔŋ nɛ ma ŋɩŋaa ŋ-la a chichei chɛ-wiesii-la kɩsɩŋ lɛ?

WƖA YƖƖLAA 14:4

Nɩbɔŋŋɔɔ, ma-na bɩ wɩaa wuo gʋnna pɩpɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ.

AZAAYA 1:10

Jerusalɛm sɩpaalaaraa, má jegile nɩɩ La TƖƖNA niiŋ wʋbʋlaa, ma nagɛ Sodom nɩaa nɛ. Má jegile nɩɩ wombii-la la Wɩa sɩ bile dɩ la tuto wɩaa, ma nagɛ Gomora nɩaa nɛ.

AZAAYA 10:2

a bɩ leŋe summoo nɩna wɩalɩŋ sɩ maga dɩ ba na, a bɩ wʋtɩtɩɩ bʋla pɩ mɩ nɩalɩŋ ba sɩ nyaga bil, aŋ kɛŋ yo-haalaa arɩ biisinsiŋ kɩaa lɩlaa.

ƐZƖKƖƐL 22:6

Bee na Iziral nɩaa sɩpaalaara-la sɩ hɛ ŋ lɛ sɩ kɛŋ ba doluŋ a kpʋkpʋ nɩaa ŋɩɩ.

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

ƐZƖKƖƐL 34:3

Ma yie dii nayɩl dɩndɛrɩŋ, a kɛŋ piese-la pʋnaa gɛnnɩŋ tɔ ma tɩtɩa, a kpʋ pʋsʋ-la sɩ zɔmɔ a chaŋ, ama ma bɩ ba nyuŋ ka beŋ.

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’

HOSIA 5:1

La TƖƖNA sɩ, “Ma Wɩɩsʋllɩ sɩpaalaaraa, má nɩɩ wɩɩŋ deeŋ. Iziral sɩpaalaaraa, má jegili. Kuoro dɩa nɩaa, má ma jegili. Wɩɩŋ deeŋ ŋaa ma wɩɩ nɛ. Mɩzɩpa lɛ ma nagɛ bɛrɛ́ nɛ ma nɩaa lɛ, a ŋaa jóŋ, ba sɩ joŋo yuo peel-la ba sɩɩ yɩrɛ Tabɔ lɛ.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

MƖKA 2:13

Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

1 Kɔrɩntɩ Nɩaa 6:5

Ma hɩɩsɛ nɛ. Nɩbala paala tuo ma tʋɔŋ sɩ kɛŋ wʋjɩmɩŋ, dɩ wɩɩ nɛ kʋ hɛ Wɩa nɩaa balɩa pɛgɛ, dɩ ʋ wuo bʋl a wasɛɛ?

MOSIS BƖRA WULLI WƖA WOMBIIŊ 16:18

Tasɩ-la kala ma TƖƖNA Wɩa sɩ jaŋ joŋo pɩma lɛ, doho kala maga dɩ ʋ lɩɩsɛ sarɩya diiree arɩ tɩntɩnnɩ-hɩasɩŋ. Ba maga ba kɛŋ wʋtɩtɩɩ a laa nɩalɩŋ wɩaa jɩjɩŋ.