MƖKA 2:6 - WƖA TENIŊ

⁶ Ba nɩalɩŋ sɩ sɩ ba ŋaa Wɩa wʋlaabʋllaa nɛ bʋla pɩmɛ, “Sɩ́ Wɩa wɩaa bʋla pɩla. Sɩ́ Wɩa wɩaa bʋla tɩgɛ wɩaa deemba lɛ, Wɩa bɩ jaŋ leŋ dɩ la dii hɩɩsɩŋ.

MƖKA 2:6 ပူးပေါင်းရင်းမြစ်များ

WƖA YƖƖLAA 74:9

La bɩra bɩ wʋmagɩl kala na, Wɩa wʋlaabʋllaa ma tuo. La kʋŋkala bɩ jɩŋ ŋɩɩ wɩɩŋ deeŋ sɩ jaŋ diene magɛ.

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 30:10

Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.

ƐZƖKƖƐL 20:46

“Nuhuobiiŋ, joŋ ŋ sɩaa chaasɛ wɩɩpɔsʋŋ nadiiŋ dɩɩrɩŋ, bʋl wɩaa mɩ doluŋ lɛ a hɛ wɩɩpɔsʋŋ na-dii-la lɛ, a bʋla hɛ duu-la sɩ hɛ wɩɩpɔsʋŋ nadiiŋ dɩɩrɩŋ tinteeŋ lɛ.

ƐZƖKƖƐL 21:2

“Nuhuobiiŋ, joŋ ŋ sɩaa chaasɛ Jerusalɛm a bʋl wɩaa mɩ doluŋ lɛ a hɛ lee-la ba sɩɩ dɛnnɛmɛ lɛ. Bʋl wɩaa mɩ doluŋ lɛ a hɛ Iziral tinteeŋ lɛ.

ƐZƖKƖƐL 3:26

Mɩ jaŋ leŋ dɩ ŋ nandelimiŋ jɩla mɛrɛ ŋ tilimiŋ lɛ, dɩ ŋ sɩ́ wuo kpʋrɩsɛ ba dɩgɩlaa, bɛɛ wɩaa ba ŋaa nɩa sɩ vɩa mɩ niiŋ nɛ.

AMƆS 2:12

Ama ma pɔ dɩ mɩ wʋlaabʋllaa sɩ́ mɩ wɩaa bʋl nɛ, aŋ fʋgɛ Nazarɩ tɩŋŋaa hɛ ba nyʋnyʋa sɩnɩŋ.

AMƆS 7:13

Bɩra sɩ́ Wɩa wɩaa bʋl Bɛtɛl lɛ. Daha nɛ kuoro chʋchʋɔlɛ Wɩa, daha nɛ la tinteeŋ Wɩa dɩɩ-balɩŋ hɛ.”

AMƆS 7:16

Lɛɛlɛ jegile nɩɩ wɩɩ-la La TƖƖNA sɩ bʋla. Na ŋ sɩ mɩ sɩ́ Wɩa wɩaa bʋl daha, a sɩ́ wɩaa bʋla chagɩlɛ Iziral tɩŋŋaa,

MƖKA 3:6

Ŋɩɩ wɩaa ma nɩalɩŋ sɩ sɩ ma ŋaa mɩ wʋlaabʋllaa nɛ, ma wɩa jaŋ jʋʋ, dɩ ma taŋ biri. Tɩtaŋɩŋ ma bɩ jaŋ na wɩɩkala arɩ duosoo tʋɔŋ, leriŋ jaŋ biri, ka mɩ bɩ jaŋ joŋ wɩɩkala dagɛma.

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

Tɩntɩŋŋaa 4:17

Ama má leŋ dɩ la kpʋrɩsɛ ba dɩgɩlaa dɩ ba bɩra sɩ́ Yesu yɩrɩŋ yɩrʋ, a bɩra sɩ́ ʋ wɩaa bʋla pɩ nɩaa, dɩ wɩɩŋ deeŋ bɩra sɩ́ leriŋ deeŋ kala teelu.”

Tɩntɩŋŋaa 5:28

“La bʋla pɩma arɩ sɩɩfɩɛsɩŋ: Má bɩra sɩ́ wɩɩkala dagʋ Yesu yɩrɩŋ lɛ. Ama ma bee na, ma kɛŋ wɩɩ-la kaa gaara cheŋ Jerusalɛm kala aa chɛ ma joŋ cheeriŋ pɩla a tɩŋ baala deeŋ sʋʋŋ wɩaa.”

Tɩntɩŋŋaa 5:40

Ŋɩɩ nɛ ba jegile nɩɩ ʋ niiŋ. Ba yɩrɛ Yesu nanzɔɔba-la ba kʋ jʋʋ, a ŋaa ba vɩɩrɛba, aŋ bʋla pɩba dɩ ba bɩra sɩ́ wɩaa bʋl Yesu yɩrɩŋ lɛ, aŋ leŋ ba viiri.

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.