MƖKA 2:13 - WƖA TENIŊ

¹³ Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

MƖKA 2:13 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 14:19

Ŋɩɩ nɛ Wɩa tɩndaarʋ-la fa sɩ laa Iziral tɩŋŋaa sɩpaaŋ mɩɩra bala chɩŋ ba harɩŋ, duoŋ-bɩlɩmbaaŋ-la ma fa sɩ nagɛ jebiiŋ ma lɩɩ ba sɩpaaŋ kʋ bala chɩŋ ba harɩŋ.

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 51:12

La TƖƖNA sɩ, “Mɩ-na nɛ Nɩɩ-la sɩ nyagɛ ma bɔyɛ. Ka ma mɩɩra fɩfá nuhuobiine sɩɩ sʋʋ a nagɛ yaŋ a bɩ dɩ-pɛsɩɩ kala kɛnɛ.

AZAAYA 52:12

Má sɩ́ pese lɩɩ, nʋʋ dee bɩ ma ka kiri. La TƖƖNA jaŋ hɛ ma sɩpaaŋ, Iziral Wɩa jaŋ hɛ ma harɩŋ a pɔma.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

HOSIA 2:2

Má kpɩa ma naaŋ lɛ, má kpɩa ʋ lɛ, bɛɛ wɩaa ʋ tuo mɩ haal, mɩ ma tuo ʋ bala. Má leŋ dɩ ʋ lɩɩsɛ ʋ sɩaa hachɔrʋŋ wʋŋaalaa lɛ a leŋ dɩ hachɔrʋŋ wɩaa dɛrɛ ʋ tʋɔŋ lɛ.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 3:1

Ŋɩɩ nɛ mɩ-na Mɩka bʋl, “Iziral tɩŋŋaa sɩpaalaaraa, má jegili mɩ teeŋ, ma nɩalɩŋ sɩɩ beŋ Iziral tɩŋŋaa. Ʋ maga dɩ ma nɛ jɩŋ wɩalɩŋ sɩ maga dɩ nɩaa ŋɩŋaa,

MƖKA 4:7

Mɩ jaŋ leŋ dɩ gbɛrɩgɛ-la kʋkaanaa arɩ nɩalɩŋ ba sɩ kire ta ŋaa tintee-duo, dɩ mɩ-na ma TƖƖNA bemba Zaayɔŋ peel-la nyuŋ a chɩŋ tapʋlɩɩ-la a kaa mʋ wuu.

ZƐKARƖYA 10:12

Mɩ-na ma TƖƖNA jaŋ leŋ dɩ ba kɛŋ doluŋ, a vɩvɛŋ mɩ yɩrɩŋ lɛ. Mɩ-na ma TƖƖNA nɛ bʋla.”

Hiburu TƖŊŊAA 6:20

Yesu nɛ laa sɩpaaŋ jʋʋ dɩ-zɔŋ-la a tɩŋ la wɩaa, dɩ la ma wuo to ʋ harɩŋ a jʋʋ. Yesu nɛ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ a kaa mʋ wuu, arɩ Mɛlɩkɩzɛdɛk fa sɩ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ ŋɩɩ.

JOSUA 3:6

Ŋɩɩ nɛ ʋ bɩra bʋla pɩ Wɩɩsʋllɩ sɩpaalaaraa ma, “Ma joŋ Wɩa niiriŋ daga-la a laa nɩalɩŋ sɩpaaŋ.” Ŋɩɩ nɛ ba joŋ a laa ba sɩpaaŋ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”