MƖKA 2:10 - WƖA TENIŊ

¹⁰ Má sii viiri, daha tuo ma dɩ-wiesii. Ma wʋŋaalaa leŋe ʋ kɛŋ disiniŋ nɛ, ʋ cheye nɛ, nʋʋ bɩra bɩ jaŋ wuo wasʋ.

MƖKA 2:10 ပူးပေါင်းရင်းမြစ်များ

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

2 KUOROO 15:29

Bʋa-la lɛ Pɛka sɩ dii kuoruŋ Iziral tinteeŋ lɛ nɛ, Asiiria tinteeŋ kuoro ba sɩɩ yɩrɛ Tɩgɩlaf Pɩlɩsa kʋ yuo Iziral tinteeŋ a laa tasɩŋ deemba: Ɩjɔŋ, Abɛl Bɛf Maaka, Janʋa, Kɛdɛs arɩ Hazɔ, a pɛ Gɩlɩad arɩ Galilii arɩ Nafɩtalɩ tinteeŋ kala lɛ, a kɛsɛ ba nɩaa kala kaa mʋ Asiiria tinteeŋ.

2 KUOROO 17:6

Hosia sɩ dii kuoruŋ ʋ jɩ-nibi lɛ nɛ, Asiiria kuoro yuo dii Samarɩa a kɛsɛ Iziral tɩŋŋaa kala a kaa mʋ Asiiria tinteeŋ. Ʋ kɛmba mʋ a leŋ dɔnsʋŋ hɔŋ taŋ-la ba sɩɩ yɩrɛ Hala lɛ, dɔnsʋŋ ma hɔnɔ kpagɛ fuo-la ba sɩɩ yɩrɛ Habɔ a hɛ Goza tinteeŋ. Ka dɔnsʋŋ ma hɔŋ tasɩ-la sɩ hɛ Medis tɩŋŋaa tinteeŋ lɛ.

2 IZIRAL TƖŊŊAA NAABARƖŊ 7:20

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba zizilmi nɩmɛ a ta. Mɩ jaŋ leŋ dɩ ʋ ŋaa kʋtɔɔ, dɩ nɩaa mʋmɔŋ.

WƖA YƖƖLAA 106:38

Ba kpʋ nɩalɩŋ sɩ bɩ wɩɩ cheye, ba hambolibiisiŋ arɩ ba toloo. Ba kɛsɛba kpʋ nɛ a kpaarɛ Kɛnaŋ tɩŋŋaa tɔŋŋɔɔ, ba chalɩŋ leŋ tintee-la kɛŋ disiniŋ.

WƖA YƖƖLAA 95:11

Ŋɩɩ nɛ mɩ na baanɩŋ a ŋmɩɛsa hɛ ba lɛ a bʋl, “Ma bɩ jaŋ jʋʋ tintee-la mɩ fa sɩ jaŋ joŋo pɩma, dɩ ma hɔnɔ wiesi.”

JƐRƖMAAYA 10:18

Wɩɩ-la La TƖƖNA sɩ bʋla nɛ ŋ-la: “Bʋa deeŋ lɛ, mɩ jaŋ joŋ nɩalɩŋ sɩ hɛ tinteeŋ deeŋ lɛ a yuo ta. Mɩ jaŋ joŋ hɛɛŋ yʋgɛ a hɛ ba lɛ, dɩ ba yuo kɛsɛba.”

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 9:19

La nɩa dɩ baa ŋmoo niiŋ nɛ Zaayɔŋ lɛ a bʋbʋl, ‘La cheye dɛrɛ nɛ. La hɩɩsɩŋ chaasa yʋgɛ nɛ. Ʋ maga dɩ la lɩɩ la tinteeŋ lɛ nɛ, bɛɛ wɩaa la dɩɩsɩŋ kala nɛ ba ŋmoo lo.’ ”

ƐZƖKƖƐL 36:17

“Nuhuobiiŋ, Iziral tɩŋŋaa fa sɩ hɛ ba tɩtɩa tinteeŋ lɛ, ba mɛlɛ arɩ ba wʋŋaalaa leŋe tintee-la kala kɛŋ disiniŋ nɛ. Ba wʋŋaalaa fa nagɛ haala sɩ hɛ tɩŋa a kɛŋ disiniŋ ŋɩɩ nɛ mɩ sɩpaaŋ.

ƐZƖKƖƐL 36:19

Mɩ kɛmba pɩsa hɛ tinteyee lɛ nɛ, ba jaasɛ tintee-wogusuŋ lɛ, a tɩŋ ba mɛlɛ arɩ ba wʋŋaalaa wɩaa mɩ dɔgɩsɛba.

MOSIS BƖRA WULLI WƖA WOMBIIŊ 12:9

a tɩŋ ma ha sɩ bɩ tintee-la yie, lee-la ma sɩ jaŋ jʋʋ a na wiese aŋ laa dʋa-la ma TƖƖNA Wɩa sɩ jaŋ joŋo pɩma.

MOSIS BƖRA WULLI WƖA WOMBIIŊ 30:18

mɩ jaŋ chaasa bʋla pɩma, ʋ jaŋ cheima. Ma bɩ jaŋ hɔŋ tintee-la ma sɩ jaŋ chol Jɔdaŋ fuo-la a tɩɩ lɛ a dieni.

MOSIS BƖRA WULLI WƖA WOMBIIŊ 4:26

Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.